王錦輝 VS 高主教

calbee1

昨天收到WKF offer，有冇用家分享一下兩間特式，以我所知兩間好處如下：

WKF:
1. 30人一班，比高主教少人
2. 校舍新淨啲，好似啲野先進啲
3. 英普教學（主要英文）
4. 活動教學，培養學習興趣
5. 少背誦功課
6. 多課多活動
7. 比較似國際學校模式
8. 中學可選英國AL試

Raimondi:
1. 小學畢業出路多（進可攻，退可守）
2. 成績好似好啲
3. 多啲男仔（仔話鍾意多啲男仔）
4. 學校谷啲，教深啲
5. 老師流失少啲
6. 半英半中
7. 多課外活動

唔知邊間讀得開心啲，最緊要喜歡上學。唔該分享下

kudon

樓主，不如你按小朋友性格去揀學校好d。我身邊都有朋友讀高記，文靜嗰個讀得好開心，活躍嗰個覺得好沉悶，老師好嚴。同樣亦有文靜內向嘅小朋友讀 happy school，覺得格格不入，好鬼嘈。如果揀左一間唔合佢性格嘅學校，小朋友又唔改變去迎合環境，最後盞讀得唔開心

meex2

2013skc 發表於 21-3-21 22:56
如果論dse 成績，往績高主教應該比較好，各科成績平均點，當然英文亦不錯。品德教育，重關愛，old boys re ...

謝謝你的意見。

2013skc

meex2 發表於 21-3-21 21:26
請問點解會揀高主教？謝謝。

如果論dse 成績，往績高主教應該比較好，各科成績平均點，當然英文亦不錯。品德教育，重關愛，old boys record 及network, 高主教優勝。
高主教有免費聯繫中學，有呈分試，進可攻，退可守，灣仔升中校網亦好吸引，雖然唔係100% 升中學，但升中壓力唔大。

smc 一讀要12年，無呈分，跳船較難，而中學banding 亦唔係好高，中文成績較弱，如本地升大學要特別努力中文。
不過smc 細班，有外語學，而且地點方便。
smc 英文未去到國際學校咁好，中文程度亦不及local school, 但當然學費比國際學校平好多。睇你覺得兩頭唔到岸定係吸了國際+本地學校的精髓！

meex2

2013skc 發表於 21-3-21 21:17
都會選高主教

請問點解會揀高主教？謝謝。

2013skc

meex2 發表於 21-3-19 08:13
如果高主教vs smc呢?

都會選高主教

bonnieleong

可以考慮埋地點。其實2間教學方法不同，好難比較那間好，但亦因此，易配合到自己方針就是適合，1間活動教學+百分百升中，無呈分壓力; 1間要大家努力谷，7成升中

Kenji0105

meex2 發表於 21-3-19 08:13
如果高主教vs smc呢?

同樣道理

meex2

Kenji0105 發表於 21-3-18 23:38
呢兩間會選高主教，因為直屬中學唔駛錢，仲可以穩守突擊

如果高主教vs smc呢?

小加子

我會考慮埋邊間早d全面復課

Kenji0105

呢兩間會選高主教，因為直屬中學唔駛錢，仲可以穩守突擊

PTL_L

calbee1 發表於 21-3-18 11:32
如果計12年應該差十幾萬，WKF約$40000 x 12，Raimondi $50000 x 6（好似中學係咪唔使比），不過既然揀直私 ...

你有初衷就得喇，但另一樣「比」，就千其唔好攞直資同私校比較，直資資源豐富是應該的，私校資源差又唔係奇事。至於你小朋友鍾意同男仔玩，高小確是男多女少學校，男仔多，即少是非少小圈子，男仔爽朗，好快有brothers，亦因男仔多，及小朋友程度都可以，所以課程少背誦抄寫，盡量安排課程活啲，傳統學校有傳統學校框架，課程亦唔可以只迎合部分同學需要，所以唔好期望行project ,重presentation。但又因同中學同氣連枝，所以好多活動中學部都會支持，舊生返嚟帶活動等。
返學時數總括而言，反比我大女間女名津少，課外活動多，唔係指ECA，但亦會引致另一聲音，「嘩，我交學費㗎，成日放早，唔駛學野咩？學校真係好做」我覺得人地無錯既，只係錯配。

mcl203

如果考慮埋中學，高主教比較進可攻退可守，學術水平認受性高啲，外闖力較佳～～～

calbee1

謝謝各位分享，其實就係兩間各有長處，不同強弱好難比較，所以仲十五十六，由期舊年冇簡介會，只係睇片可以直接認識學校。高主教係交表註察先去過，仲要借洗手間先入去多少少參觀吓。王錦輝就3rd in先去過。如果有開放日會可以親身感受吓。

LMFUNG

Wkf better校舍好啲，而且活動好多元化

amidreamer

本帖最後由 amidreamer 於 21-3-18 15:24 編輯

睇下樓主自己preference

高主教傳統教學，好谷，家長同小朋友都要好努力，中學唔係直升。
王錦輝；100%直升，technology真係做得好好，而且全英教學，出路多，做到愉快學習；一場疫情就睇到真章。
如果小朋友鐘意Steam/ Science 會讀得好開心。

Btw 聽人講王錦輝將會起埋泳池，三年後落成。

2013skc

我見有咁嘅選擇，都多人揀高主教嘅

高主教學術各科平均d, 而且成績好d, 重德育，校長老師有愛心，學校好open minded, 願意跟家長溝通。
不過唔好處係佢大班

高主教有呈分，wkf 無，所以升中跳船嘅話，高主教可能更上一層樓

calbee1

如果計12年應該差十幾萬，WKF約$40000 x 12，Raimondi $50000 x 6（好似中學係咪唔使比），不過既然揀直私，都冇辦法要比

PTL_L

kudon 發表於 21-3-18 10:57
私校$5000學費其實唔算貴，雖然上 zoom堂，但係學校要額外撥資源去做，加$100太少了 ...

加得太多或太少，我唔敢落判斷，但教育真係唔可以攞錢衡量，失去本義。不過唔好話啲小朋友自我喇，根本師承父母親全個世界應該圍住自己嚟轉，疫情下，「我」最好多問題出現；「我」最多事發生.....「我」有交學費，所以學校配合「我」。

kudon

PTL_L 發表於 21-3-18 10:31
樓主，麻煩你考慮多一點-「學費」。唔知WKF幾錢學費？但RCPS今年$5000，比上年加多咗$100咁大把，班家長都 ...

私校$5000學費其實唔算貴，雖然上 zoom堂，但係學校要額外撥資源去做，加$100太少了