York幼稚園轉IB幼稚園

sharlling

小兒3歲，目前在九龍塘york返K1，已經返了半年，是超細B （年尾12月出世）本身性格比較活躍，好難坐定定，上堂中意周圍走，老師整日話
上網課成日覺得好悶，無什麼心機聽老師講，覺得老師教的太簡單
但老師教的都跟得到，上堂答到問題，考試表現ok，但成績不是最top

返著半年學，發覺學校教的英文始終有限，本身期望讀完3年幼稚園英文可以接近native，但是發覺按照進度，現在都未能很流利講成個句子，有些懷疑最終成果。本身屋企只講廣東話。

同埋發覺幼稚園開始為了砌小學簡歷，開始做好多無為野，例如坐交通工具，去動植物園要影像，要做慈善買旗等等。

成績表派發，中英數常識  就是背試題答案 全部考A （其他小朋友都應該是），美術，自理就是B，但是老師平時打電話從來沒有提及怎麼改善美術繪畫 以及自理。K1功課不多，但是已經要學寫字(英文字母同簡單漢字），小兒寫字，寫的不好ABC有地歪歪扭扭，又被老師用紅筆糾正，所以他現在比較抗拒寫字。

整體感覺學校是有教，不過始終是為了考試而教

我們偏向引導自由少少教育方式，有點想轉國際學校幼稚園。值得嗎？如要轉就要插班K2？或者是等他K3畢業再考國際的P1？國際學校間間不同，我們住在荃灣，有沒有比較適合一些的介紹？

shelbylks28

回覆 sasa_mom 的帖子

"其實有其他幼稚園語境也很好，不一定要IS. " ->例如呢?

Bicanna

3年學到NATIVE English , 仲要屋企吾講英文....真係神奇~

myhappylife

回覆 sharlling 的帖子

睇嚟你對YORK既期望真係過高。
好難又想自由又好勁學術嫁喎...

lovelovebabe

其實國際學校疫情都係要停面授以zoom上課， 郊果同讀英幼都可能差不多？ 主因係屋企冇語境。

sasa_mom

想英文進步，除學校課程外，家長一定要背後提供恊助。例如晚上陪讀故事書，日常生活教生字等⋯⋯有很多方法，但要家長做些功夫。好難全靠學校達至好效果。

York 是由letterland 開始，所以本會這麼快見成效。尤其係一直zoom 上堂。其實有其他幼稚園語境也很好，不一定要IS. 我女現讀d幼稚園老師成日陪佢哋讀故事書。小班教。

chriskaan

回覆 sharlling 的帖子

我明白樓主的想法 , 我同你的情況差不多 , 首先講講我小朋友的情況 , 男仔8月B  ,  讀 YORK K1-K2 國際班 , 其實 YORK 老師對 K1 的小朋友都有要求 , 如果小手肌發展得一般 , 寫字唔夠力 , 小朋友做功課都比較吃力。


至於英文其實係要浸出來 , K1 時小朋友上午返 YORK 恆常班 , 下午返 ABC , 逢 2,4 上堂 , K2上午恆常班 , 下午加 MI 加多小朋友接觸英語及學習時間。


但係 , 到 K2 考完試 , 見到成績表雖然是科科 A 但得來不易 , 面對疫情再加考小學 , 臨升K3 就幫小朋友轉了 YMCA 尖沙咀酒店入面間國際幼稚園(老師同校長都好好 , 學校咩國家的小朋友都有) , 轉校目的可升返基信小學(要面試的) , K3 開學時 , 中文程度等同 YORK K1 , 由於是國際學校 , 中文是普通話教 , 課堂時間好少 , 每星期只有2堂 , 其他時間全部英文 ,  平日只有一頁功課 , 不論返學定上網堂 , 功課會係小朋友自己獨立完成 , 基本在家只需要陪小朋友閱讀及溫習拼音便可。


總結 : 如果現在轉校 , 好睇你將來想幫小朋友選擇那類小學 , 如果你想考傳統小學 , 建議你選擇做超大B 重讀 K2 , 其實返足3年學 , YORK 係學術上真係教到小朋友好多野 , 但如果想轉國際 , 熱門的基本無外國 passport 基本只入 waiting , ESF Discovery college 都要排幾十個小朋友 , 當初糾結了一段日子才決定幫小朋友轉校 , 直到今天 , 基信小學已收返左我小朋友 , 雖然佢唔係一間好出名的小學 , 但好多家長贊係一間好有愛的小學 , 但同時眼見好多小朋友仲等緊 WAITING 時 , 就覺得當初的決定是正確的。

至於樓主話 YORK  要求交相及 砌小學簡歷，開始做好多無為野 , D 點我唔太認同 , 我本身係雙職媽 , 我同先生都要返工 , 俾得6-7 千蚊學費 , 個個家長目標都好清楚 , 是為將來考直資/私小 , 學校亦明白家長心意 , 故此學校會提點家長 , 什麼時候應該做d乜 , 當然 , 交相唔係一定要交的 , 但起碼家長自己心中有個底 , 知道考小學時 , 要擺d咩上去做靚小朋友份簡歷。

靛青女

唔明白你指嘅’無謂’課程係咩

不過好肯定，即使你轉校，discipline去到邊都重要，上堂坐好留心應該是最基本，就算國際學校比較chill都唔一定可以周圍走上堂吧？

wg_ann

樓主其實只係唔滿意york，轉校便可，唔一定要IS。
唔想做無謂野，似乎KV更適合，家長可交晒俾學校。

Nbs

本帖最後由 Nbs 於 21-3-7 10:47 編輯

本帖最後由 Nbs 於 21-3-7 10:46 編輯

我女係由York N 班轉ESF K1的。
如果你覺得York 教得好簡單，做好多"無謂" 嘢，咁去到國際學校你會覺得更無聊。我女每日返學都係玩，玩公仔，玩沙，踩單車，玩role play （扮picnic，扮搭飛機，扮搭巴士等），讀咗差唔多兩年我都講唔出佢學咗D 乜㗎。邊玩邊學，而家K2 都未認得晒D 細階字母，數字都只係數到30 (我喺屋企無特別再教佢），當然亦唔需要寫copybook. 你可以話唔係為考試而教喇，不過唔知啱唔啱你心水。

kikibebe

sharlling 發表於 21-3-4 19:42
小兒3歲，目前在九龍塘york返K1，已經返了半年，是超細B （年尾12月出世）本身性格比較活躍，好難坐定定， ...

我想回應：
"上網課成日覺得好悶，無什麼心機聽老師講，覺得老師教的太簡單，但老師教的都跟得到，上堂答到問題，考試表現ok，但成績不是最top"
~K1 你覺得老師教得深就好嗎？正常嗎？

"返著半年學，發覺學校教的英文始終有限，本身期望讀完3年幼稚園英文可以接近native"
~在家沒有語境，只靠學校每日3個小時不是全英語上的課堂，閣下會不會期望過高？

同埋發覺幼稚園開始為了砌小學簡歷，開始做好多無為野，例如坐交通工具，去動植物園要影像，要做慈善買旗等等。
~以上我相信大部份家長同會同小朋友做的事情，何解會想像到為了砌簡歴而做？難道不砌簡歴就不用帶小朋友去坐交通工具和去動植物園等等嗎？

"成績表派發，中英數常識  就是背試題答案"
~何謂背試題答案? 學校的考試是非常認真的，k1成績表容易攞A 因為k1一般不會考太深，3歲人仔可以考幾深?

"整體感覺學校是有教，不過始終是為了考試而教"
~我唔明白什麼東西是為考試而教? 生活常識，自理，中英數? 請教什麼東西學校如不為考試就不應該教?

siuta

sharlling 發表於 21-3-4 19:42
小兒3歲，目前在九龍塘york返K1，已經返了半年，是超細B （年尾12月出世）本身性格比較活躍，好難坐定定， ...

deleted

ShunCheongBaBa

在 York K2

ShunCheongBaBa

在 York K 2

lavender_cloud

其實想佢英文似native ， 單靠學校做唔到啦

lowbidle

算啦zoom 好難學嘢

BurberryCool

lfnewgirl 發表於 21-3-5 14:40
好奇想問問
半年應該有咩程度嘅明顯進步？
（讀半日班 屋企冇語境）

樓主想 ，返半年學，其中5個月zoom,但小朋友要「能很流利講成個句子」

返邊到都唔得啦⋯

sukikeung

其實依半年都係網課，我深信唔會有小朋友上網課可以上到明顯大進步，就算神幼名幼都無可能！

lfnewgirl

好奇想問問
半年應該有咩程度嘅明顯進步？
（讀半日班 屋企冇語境）

codyalbert

York 係谷的, 家長話係快活谷