想訪問一下畢業左既小朋友家長，KV , LH , SC , York

soha2018

想訪問一下畢業左既小朋友家長，
KV , LH , SC , York 畢業後，孩子的改變多嗎？
有冇咩特質係學校培養到出來既？
此類特質有冇對升小 或 銜接有正/負幫助？

本人沒有任何前設，只想聽聽真實用家經驗... 客觀體驗很難求(emoji)(emoji)(emoji)(emoji)(emoji)(emoji)

謝謝指教(emoji)(emoji)(emoji)(emoji)(emoji)(emoji)

Vana

其實用考到咩小學來比較幼稚園係冇乜意思，每間學校都有人入到名校， 每間學校 even LH / KV 都有大把人零 offer

但如果純粹討論升小嘅支援 就一定係LH ， 我其實好欣賞LH 家長， 基本上係透明度非常高， 真係考完嗰間學校行出門口就已經開始喺班 group 分享考咗啲咩..... 我諗真係冇乜邊間學校做到

KV 就銜接小學好， 我都好出奇點解我仔識咁多中文字， 教中文都似小學咁教法呢樣真係好好

但如果論各方面完善嘅程度 我覺得LH 真係最盡善盡美

我三個小朋友讀過三間唔同幼稚園，三間都係名幼，但如果只畀我揀一間我都係揀LH

chingnono

amazinggrace13 發表於 21-1-9 02:31
我是前KV用家，超感激學校用心的栽培小朋友。老師非常有經驗，知道點可以教和motivate 學生。學術、禮貌、 ...

Well-said(emoji)
KV 用家，working parents, 仔仔今年K3, 考到DBSPD
多謝KV 打好學生學術基礎，品德的培養

Amymichelle

阿女已經係中學生,細佬已K3！再選擇都係會KV,其實真係每個家庭自己嘅需要!我女都讀過York N班,佢係商業化，但係百貨應百客,各取所需冇問題！York英文真係好好! KV一定唔及佢!

dmchu

回覆 soha2018 的帖子

我兩個小朋友，一個已經上了小學，當年乃SC學生；一個現在讀K3，是LH的學生。
如果以課程設計來說，SC是螺旋式的教學，即教學的主題在3年課程裡重覆出現，但廣度和深度會漸次增加，所以到K3時主題相關的通識其實相當不錯。在考小的標準來說，我自己覺得SC的中文和數學略淺，到K3才慢慢跟考小的要求接軌，學校做合十破十的練習是非常不錯的，只是那個階段已是考小的高峯期。由於很早就有Show and Tell練習，雖然都是家長發功，但畢竟要在班裡公開說話，在胆量訓練和演說技巧一定有幫助。

LH的整個學習目標讓我有一個感覺，就是幾乎都圍繞考小，準備升讀直私小學。他們有課程主任做校本課程設計，中英數都非常平均，到K3的主題學習深度亦不下於SC，但更重要是強調學生在課堂的參與。上面好像有家長提到SC的教學比KV活，我覺得LH比SC是更活。小朋友在課堂的參與是非常多的，除了要求他們多講多發表之外，他們透過極多的活動和遊戲，加深小朋友對相關主題的認知和記憶，所以小朋友一般都比較自信多話，也很喜歡上學，並且學習成效也很高。對升小的支援，LH是非常多的，除了啟迪班外，家長的分享會也不少，升小成績是極之亮麗是不難理解。在K3面試中，有幸跟某些直資的校長傾談，他們都認同LH的活動教學，亦不諱言指會收不少LH學生。不過學校和家長之間投考直私的氛圍實在很重，未必所有人都會喜歡這種氛圍。另外就是小朋友如果最終上傳統小學，在較被動的模式中學習，會不會較難適應？

我們的個人經驗是，兩間學校最最最大的分別，是教學團隊的質素。可能是我們運氣一般，在SC遇到的老師在教學的熱情都比較低，尤其是NET，有經常缺課的，也有在錄在家學習Video時木口木面，而且非常低質素的教學表現的，對此我是感到非常驚訝的。這或許是是很個別的例子，但卻很真實。

相反LH的可能是學校較小，校長對教學團隊的要求都很高，你一看他們的教材和教學Video，就知道他們有多用心準備去教。在家長日你會見到老師有厚疊疊的筆記，逐一記下要跟每一個家長講甚麼，而且觀察都很仔細，很多事情都會留意到，然後也很懂怎麼幫忙。老師的心機，小朋友也會感覺到。

EasyTrendyMum

993rs 發表於 21-1-11 10:27
其實樓主個 post 已講左係「訪問」，加上一直覺得「冇前設」唔緊要，做家長點都會有對「教育方向」既目標 ...

多謝用心分享的家長，對於一年後先睇post做功課的家長好有幫助。作為家長的直覺，我都覺得用訪問 同 完全唔透露少少關於自己小朋友的情況係有點怪。

QQali

名幼上到小學都係靠小朋友嘅資質，我小朋友班有幾個名幼一齊上…其實都有啲真係讀極都唔高分，有啲冇外補都科科90尾100分兼級頭

hkcsty

兔兔小馬甲 發表於 21-7-30 11:01
開多一間分校，都係收多100個學生，講到互爭，應該係所有同屆嘅考生爭，而唔係本校學生爭，除非所有直資同 ...

當多100個平時訓練模式一樣，學術水平同你個小朋友差不多，學校學位又無多到，大家都係報果堆熱門直私，競爭自然更激烈！

darkgard

darkgard 發表於 21-7-30 15:49
我兩個女都讀KV, 我唔覺得佢嚴格。

我兩個女，大女讀書一般般，細女讀書比較好。

再講，睇你家庭本身有無能力，如果一心私校，仲要係國際，咁KV未必啱你。因為小朋友會偏向安靜，英文未必夠York 勁。

但係，如果你都考慮名津，咁KV 就啱你。中文好—》 大部分津校都係中文，中文唔得，基本上乜都科都死。叩門，當然又係KV win.

又咁講，香港地，有邊個小朋友唔叻英文，但係呢，中文科，好多小朋友升上小一都會死中文。

darkgard

soha2018 發表於 21-1-5 11:19
謝謝回覆。

都聽聞KV 好嚴格，請教一下有冇咩例子可分享。

我兩個女都讀KV, 我唔覺得佢嚴格。

我兩個女，大女讀書一般般，細女讀書比較好。

可以話你知，兩個女見家長時，老師都係話佢地：幾好丫。

除非你追住問。佢地先會再詳細講。絕對唔會話你小朋友「唔得」「要補習」。

課程就唔係淺，但係唔算好深，好似外界咁講。反而，好多上位中嘅幼稚園，教得仲深。

我只可以話，讀KV, 係家長「氣氛」好好，大家目標好一致。學校&老師完全無俾壓力你。係家長自己有追求。

肯定嘅係，叩門的話，KV係sure win.

兔兔小馬甲

hkcsty 發表於 21-7-28 13:38
回覆 hand_hand 的帖子

如打算叩LS就 KV, otherwise LH但近年LH咁多分校，會出現自己人互爭局面！

開多一間分校，都係收多100個學生，講到互爭，應該係所有同屆嘅考生爭，而唔係本校學生爭，除非所有直資同私校都限制左每個學校入入學名額

pokipoki

Moonlight819 發表於 21-7-29 18:04
很多不是用家的人常說有些學校的負評，其實他們根本不太認識學校！

係lor，我小朋友同同事都有siblings讀York，如果佢地父母唔係覺得york唔好的話，又點會比多一個小朋友讀呢間

Moonlight819

karkarsam 發表於 21-1-5 10:55
回覆 apple1990 的帖子

如果唔係York用家，請不要那麼主觀說第一間飛起York。當然KV, LH, SC係名幼，升小 ...

很多不是用家的人常說有些學校的負評，其實他們根本不太認識學校！

Jean1769

lovelovebabe 發表於 21-7-29 07:59
其實 York 啲小朋友出來有好多直私offer, 小朋友又真係讀得好開心，費用多但係只是相對provide的課程和考ce ...

係唔鍾意就唔鍾意㗎啦

收得多大B又話、乜人都收又話

lovelovebabe

其實 York 啲小朋友出來有好多直私offer, 小朋友又真係讀得好開心，費用多但係只是相對provide的課程和考cert費用逐樣加埋的大數，呢啲課程好多其他學校小朋友課餘都會出去讀， 點解成日比人批評佢唔好呢？ 如果佢人人都收，但train出來的孩子們有唔錯offer, 唔係好好咩？

hkcsty

回覆 hand_hand 的帖子

如打算叩LS就 KV, otherwise LH但近年LH咁多分校，會出現自己人互爭局面！

hand_hand

hand_hand 發表於 21-7-28 09:19
舉手贊成我都係LH用家小朋友PN讀到K3剛畢業呢四年來, 真心冇投訴, 學校全部安排我都好滿意
就以疫情為例,  ...

補充, 小朋友讀的分校, 每個學生大部份有幾個offer在手

好多都考到直資、私校

都有唔少入到名津: Maryknoll, Marymount, St Joseph (Wan Chai), 喇沙 etc.

成績非常亮麗

hand_hand

JN1999 發表於 21-7-28 04:59
LH 用家

考小成績亮麗

舉手贊成

我都係LH用家

小朋友PN讀到K3剛畢業

呢四年來, 真心冇投訴, 學校全部安排我都好滿意

就以疫情為例, 學校反應好快, 迅速有ZOOM上堂(每日) + 教學影片
(每日) + 功課 + ZOOM啟迪班
等等

學校提供非常豐富的資源, 所有教材都係由課程發展組自創, 唔係買出面的書, 教材精美

學校好多好多教材提供, 所以家長唔好以為咩都唔洗跟, 家校合作好重要

學校好重視表達能力, K1開始就已經會安排小朋友出黎分享故事、分享不同的東西

令小朋友大膽, 唔怕羞, 有自信心, 表達能力好

學校會安排唔同類型的活動, 節日party, 校園生活好多姿多彩

學校同家長都好緊密溝通, 班主任會成日打黎, 了解關心

另外學校會安排同家長茶聚、開會、分享會等

小一支援非常好

考小一前會有啟迪班, 訓練小朋友面試

升小一前會有小一適應課程: 會有默書, 令小朋友適應小一模式

將畢業前1-2個月會改成小一適應課程, d書會轉哂類似小學d書咁

又會有學生手冊, 要小朋友每日寫有咩功課, 寫時間表

完全係幫緊我地, 小朋友已經習慣左小一模式

總括, 101分

JN1999

LH 用家

考小成績亮麗
加上疫情學校online support 好好

本身都唔太信，學期最後一日學校派一本學生冊有寫各k3 生去向，真係九成以上都係比較出名的直資私小
名津的確不多，這反映不代表LH 叩門不好，反而是大部份家長手握幾個offer 大多不選津校

LH 語境好，學術好
小朋友比較活潑好動
活動性教學
如果小朋友比較文靜沉實就不太適合

學校重視家長合作
不是家長返工會蝕底
意思係學校要求家長要了解子女在校的進度情況等
Eg 學校會有親子伴讀計劃
會有茶聚、觀課等
學校要求父或母出席，而不是工人或老人家做代表

eledak

5年前kv畢業生。。
非常好。再揀都會揀返kv