好頭痛

sweetapplebb

而家停課，要上網課，家中電腦冇鏡頭要用Ipad上。咁我返PT,為左阿女自動上網課要解鎖。
咁就造就阿女未上網課甚至上網課後，不停玩iPad,玩遊戲，睇youtube。基本上玩足1日。我返工時當然有玩，到我番到屋企，上緊網課。上完網課，功課都未做曬，繼續玩。
我在家叫佢停，講左幾次都唔停。當我要搶時，佢就按住Ipad，唔俾我。我出力搶，
熄左機，佢就將Ipad掉落地。激到頭都痛。完全唔想讀書，只掛住Ipad

boyboobee

IloveJJ 發表於 20-11-26 22:38
有冇咁誇張？佢好似中毒喎！

未算誇張，只因唔可能用太多篇幅去寫，已經省略好多枝節喇，不過只要我收走晒電話＆電腦， 佢又可以每日閱讀五、六小時，總共約300～500頁（每頁约250字）的英文書，佢每樣嘢都有點兒瘋狂。

boyboobee

我女都係小五，情況比你更壞，我裝哂parental control apps, 加哂屏幕鎖，佢都會長期揾機會偷睇我解鎖密碼，用指紋鎖，佢會等到半夜偷入我房用我手指解屏幕鎖。手提電腦用密碼鎖， 佢可以由000試到999去開。鎖入櫃桶，佢用螺絲批爆開。搞到我一離開屋企，就一定要帶晒所有可以上網的設備走。上網課只能留低電腦，買咗一個可以遠距離遙控的路由器，遠程開關wifi, 屏幕改用人臉解鎖，所有電話裝screen time呢個apps, 可以預設可使用時間，也可以遙距控制可以用同唔可以用邊個apps,不過要收費，幾百蚊一年。

lambeanmama

考慮Reset部iPad. Take out all game app and use parental control app 去控制使用時間。五年班，會比較反叛，慢慢教。

小加子

家裏除了iPad 有其他佢喜歡做的事例如玩具圖書？我仔都係小五，講好左上堂以外任何時候用電腦iPad 都要先打比我得到批準，同時我準備左大量玩具圖書Netflix 揀定d佢啱嘅，最最緊要的係把關工人姐姐在非網課時間收起部pad

notcool

sweetapplebb 發表於 20-11-23 20:19
而家停課，要上網課，家中電腦冇鏡頭要用Ipad上。咁我返PT,為左阿女自動上網課要解鎖。
咁就造就阿女未上網 ...

可以在電腦上安裝鏡頭.

iPad娛樂遊戲太容易

sweetapplebb

回覆 kimlam953 的帖子

我試試裝

sweetapplebb

多謝大家意見。小朋友5年級。
如果唔係要上網課，我係會收Ipad。
可是現在停課，要上網課。

Mrscatcatfung

回覆 sweetapplebb 的帖子

電子產品又真係致命的吸引，大人也控制不了，何况小孩。其實ipad又係大人俾佢，叫停的又係大人。小小年紀都不想被人操控，ipad事小，面子事大。尤其父母整起個款，細路委屈難受呢。但唔俾佢玩係非常正確的。

分享經驗，我要返工，4歲仔之前俾長老凑，老人家自己有野做便由佢一日睇89個鐘手機。最後老師個個同我講你仔可能有自閉症，不溝通，,活自己世界又大脾氣。我知一定要救個仔。我收起全屋手機電腦，同小朋友講無左壞左啦。長老和爸爸在他面前也收起手機。仔仔當然大喊大叫，於是我頭幾天，關門關窗開冷氣，不吵鄰居，讓他大叫大哭，我又陪住佢大叫大哭。一邊同佢講，對唔住，係媽媽做錯，害到你。慢慢他看見我哭得太吵，反而收聲不吵了。

我又買了好多圖書智力遊戲，陪讀陪玩。比手機有趣多，經過整整12個月零手機，孩子各方面都進步了。計數寫字现在都好優異。喜歡讀書朗讀中英文章。

不要頭痛，你囡初期，有救的。慢慢說，了解她。不出於責備，
一起想辦法。適當時候服個軟，有時以退為進。孩子心底一定是愛你的。她會聽的。

我細個時遊戲機唔打，唔會出街玩，專心學業。我父母没什麼限制我和教訓我，但他們成日同我傾計和幫我温習，再窮都買參考書俾我。反而，是我自己有個想報答他們的心。

我記得我讀大學當年，有一份研究論文寫極成绩都唔好，教授退回幾次。我媽半夜偷偷喊，同我道歉話佢無本事，既無學識，又唔識人指導我。但她在生活上盡力照顧我和弟，有事陪住我地，開解我地。有什麼事一起面對。

别站在孩子的對面評論她，不如站到她身後，和她一起看向問題，或许有意外收穫。加油呢

kimlam953

sweetapplebb 發表於 20-11-23 20:19
而家停課，要上網課，家中電腦冇鏡頭要用Ipad上。咁我返PT,為左阿女自動上網課要解鎖。
咁就造就阿女未上網 ...

我裝左parental control app, 叫OurPact, 只control一部唔洗錢

Jane1983

幾多歲？

想玩iPad唔願停，可以理解。屢勸不聽，要收機就玉石俱焚，掉部iPad落地，呢個唔可以接受。攞走佢的privilege ，罰無得玩，咁既態度一定要改。