葵青區中學b3排名

Lucy316067

阿仔成績比較差，呈分考試平均成績先啱啱好合格線，應該就屬於b3生，葵青區邊間中學校風比較好d呢，自行又要點選擇比較好呢？thx~

kkwy719

Lucy316067 發表於 20-10-25 00:01
我都係心水呢一間，但唔知交通方唔方便，我住喺荔景~

如果由荔景乘地鐵往青衣好方便再步行5-7分鐘已到燕京

加力e媽媽

回覆 gracelam 的帖子

鍾榮光中學早兩年換了校長,大力改革,聘請了很多英語老師

rayc716

gracelam 發表於 20-10-28 11:05
應該係幾十年前，我老公見證過

成30年前喇！當年有同學，師兄讀醫科，建築，法律……

wega

mianyang_99 發表於 20-10-30 09:01
呢間好差

Thanks

mianyang_99

wega 發表於 20-10-29 23:19
想請問大家對明愛聖約瑟有乜野評價，校風如何?

呢間好差

wega

想請問大家對明愛聖約瑟有乜野評價，校風如何?

mini5765

Amy12 發表於 20-10-28 06:54
迦密係高增值學校？意思係比較谷嗎？

意思係每年學校公開試成績同校風方面都有一定嘅進步。

谷吾谷就好主觀，不過聽用家講都唔係谷到好緊要

與其話呢間仍然係b2尾，荔天，梁植偉嗰啲負增值學校/退步既 都唔知去咗邊度

gracelam

subb 發表於 20-10-28 09:25
荔天有B1過....

應該係幾十年前，我老公見證過

subb

rayc716 發表於 20-10-28 05:57
慘了！荔天由本人當年的b1跌到 b2~b3。當年衹有三大但仍有很多同學入大學。
...

荔天有B1過....

Amy12

mini5765 發表於 20-10-26 16:51
仁立寫迦密2B，近年建議b3同學去燕京多，開始少咗叫人去迦密。

呢間學校係高增值學校

迦密係高增值學校？意思係比較谷嗎？

rayc716

mini5765 發表於 20-10-26 18:00
樓主小朋友其實讀嘅小學屬於幾線？

如果一線小學b3，其實可以當b2c選，自行可以揀石天，荔天等次熱b2

慘了！荔天由本人當年的b1跌到 b2~b3。當年衹有三大但仍有很多同學入大學。

wan_sosin

mini5765 發表於 20-10-27 19:20
介唔介意透露係青衣區邊間小學有呢個情況？

好多小朋友小學生涯好唔開心好似我大仔，細個讀區 ...

我仔都係讀聖公會小學，就係龍頭嗰間的對面，我自行入的，因為欣賞校長教育理念！
小一時讀得好開心，班主任好理解學生需要，我仔讀得理想，小二入了惟一一班普教中班(背地裏是精英班), 問題就在小二開始了，我仔係當中被排擠，仔係擲界嘅ADHD,同學加上班主任都唔認為佢可以同"優等"學生並列。
小二就被標籤勝人一籌真的毫無意義，同學都自視過高，加上一個經驗不足的班主任，好多事情處理不當。(之後那位班主任都再沒有教普教中)
小三離開了這個班，但我相信那位班主任已將我仔的事情係老師之間大肆宣揚。最後小五有個機會轉校去了他區。

小學行精英教育，學生太早戴上光環，實在有好多要考慮嘅地方，老師要懂調節學生嘅心理，其中一個情況係，精英班學生好少去同其他班同學做朋友。之後我知學校改了編班制度，情況應該有所好轉。
我轉去的小學沒有精英制，學校對學生一視同人，但仍然能夠係區内數一數二，我都好感謝校長，我仔未達入學成績都願意比機會佢，學校係想"教好"學生

mini5765

wan_sosin 發表於 20-10-27 18:54
你本身教小朋友教得好好！
我只一個兒子，令我決心離開此地係因為我仔曾被針對，導致同學肆意欺凌的更是老 ...

介唔介意透露係青衣區邊間小學有呢個情況？

好多小朋友小學生涯好唔開心好似我大仔，細個讀區內龍頭聖公會小學，因為成績次第係b2-3邊緣，比人比下去比到喊，覺得自己盡咗全力都追唔到成績，永遠都係最差嗰班。
升中時好僥幸係自行階段被而家呢間b2中游學校收咗，雖然呢間學校校風好一般，但係呢個環境下，更鼓勵仔仔開始發奮讀書，勤力追成績，年年維持級二十內，英文級十內，開始重拾自信心。

係呢個討論區嘅每位父母都係用心良苦為子女籌謀未來升中嘅路無論如何都好，亦希望大家能夠為子女揀一間適合嘅中學，banding係其次，學校嘅校風同支援係首要，等佢哋可以行條開心嘅路。

wan_sosin

mini5765 發表於 20-10-27 18:33
主要睇個小朋友嘅家教，我三個小朋友幼稚園到中學都係葵青讀，一樣咁乖，循規蹈矩冇學壞過。

我都試過聽 ...

你本身教小朋友教得好好！
我只一個兒子，令我決心離開此地係因為我仔曾被針對，導致同學肆意欺凌的更是老師，因為老師對我仔也有偏見。
並非我做家長太主觀保護我仔，因為當我為佢轉了外區一間一線小學，大部份問題都停止了。如果完全是我仔出問題，正常去那一間學校都唔會改變。但佢在新學校同同學相處得好好，仔還跟我講，雖然在新校很短時間，但比起之前間小學開心好多。
現在仔再跨另一區讀中學，一樣返得開心有朋友，同學好願意互相幫助。
雖然可能剛好是個別事件，但對於我同仔嚟講多少受到傷害。

wan_sosin

mini5765 發表於 20-10-27 18:09
本帖最後由 mini5765 於 20-10-27 18:11 編輯

葵青區好多中小學，包括b1-b3，屋邨家庭出身嘅小朋友佔大 ...

你分析得好好！
而且學生質素同佢屬那個banding沒有太大關係，讀書叻啲嗰班，因為頭腦較好，曳得高招啲吧了。

mini5765

wan_sosin 發表於 20-10-27 09:20
所以有時聽返嚟嘅野未必真，都係親身接觸過可信程度高啲。
其實本身青衣啲學生平均唔算好乖，所以我放棄葵 ...

主要睇個小朋友嘅家教，我三個小朋友幼稚園到中學都係葵青讀，一樣咁乖，循規蹈矩冇學壞過。

我都試過聽到有我大仔學校嘅家長話間學校有人食煙（個別例子），起初聽到都好擔心，但我相信我小朋友唔會咁，一定會好自律。

所以其實只要家庭教育好，讀再差嘅飛仔學校都冇問題。
小朋友讀得開心同都係乖仔乖女就可以啦

mini5765

wan_sosin 發表於 20-10-27 09:20
所以有時聽返嚟嘅野未必真，都係親身接觸過可信程度高啲。
其實本身青衣啲學生平均唔算好乖，所以我放棄葵 ...

葵青區好多中小學，包括b1-b3，屋邨家庭出身嘅小朋友佔大多數。尤其係青衣。

講真，若然父母唔識教嘅話。個小朋友又唔上進真係冇乎。唔係歧視，而係有部份屋邨家長都唔係好識教育小朋友。

所以其實我覺得葵涌區嘅中學係比青衣嘅中學好。起碼收生冇咁單一來自青衣。葵涌嘅中學好多有來自離島，荃灣同深水埗嘅學生，質素係比青衣好多學校高。

mini5765

mianyang_99 發表於 20-10-27 09:23
燕京都OK乖啦......皇仁舊生個D就

之前坐44M，舊生會啲學生嘈都算，幾句幾句大大聲夾啲粗口。。。實在麻麻哋

同區梁植偉同燕京真係乖好多。

葵涌區都有啲中下游嘅b2校風麻麻，荔天，顧超文校風都幾一般
。石天，李賢堯，蘇浙反而校風幾好。

vta137

mianyang_99 發表於 20-10-27 08:34
燕京日日"和你LUNCH"

好多名校都係，一樣大把人爭