中端價數碼鋼琴 VS 入門級傳統鋼琴

simonchiang

小女4歲，打算安排她開始學習鋼琴。

為方便將來請老師上門授課和她日後練習，打算先平平地買一台琴回家。但正糾結在傳統鋼琴，和數碼鋼琴的選擇。

本來以本人金錢上預算上，日本某流行品牌，僅達標準121cm的入門級傳統直身琴，本也正合心意。

但多研究了網上資訊，據說近年新推出的數碼鋼琴，已今非昔比，在音域和觸鍵感上，已大大改善。

例如一些不知是否誇張了的宣傳說法，說中端價以上的數碼鋼琴，琴鍵一樣持有機械結構，而且是模仿足三腳平台鋼琴，擊捶下而上的設計；由於考級時多用上三腳琴，這對觸鍵習慣上，其實反而更勝一般入門級傳統的直身琴。另外，目前數碼琴科技下，已能高清重現，取樣自百萬級三腳平台鋼琴音源，一般人閉上眼，根本就無法分辨，聲音只是來自喇叭等。而且數碼琴，還有可靜音，可重播，配合平板電腦，用軟件輔助學習等，看上比傳統鋼琴還好的優點。

所以自己產生一個想法：與其用同一筆預算，最多只能購入一台僅為入門級的傳統鋼琴；何不用相同，甚至更平的價錢，購入一台中高端的數碼鋼琴呢？

但當然，總聽到不少人會說，數碼琴鋼琴會學壞手勢，應付不到考級要求等...另外，又擔心如果用數碼琴，將來請老師回來教，會否被歧視等，因此糾結如何選擇好...

有否有同時玩開數碼鋼琴和傳統鋼琴的朋友或老師，可分享點意見給我呢？謝謝

Jane1983

回覆 964000 的帖子

一個女，容易搞d。

964000

Jane1983 發表於 21-1-15 11:17
我女完成咗8級，佢要求我地買部數碼鋼琴比佢。有300幾種樂器，剩係鼓都話要十幾種，好fun。佢而家日日都彈 ...

真令人羨慕，屋企咁多地方可放兩部琴

Jane1983

我女完成咗8級，佢要求我地買部數碼鋼琴比佢。有300幾種樂器，剩係鼓都話要十幾種，好fun。佢而家日日都彈，好似上網和打機一樣，係娛樂。學音樂應該係咁樣，係應該主動投入，和感到快樂，唔係要逼練琴。

數碼鋼琴係fun，不過我都唔敢放棄傳統鋼琴，萬一佢要學上去，到時就煩。

miss321

deco99 發表於 20-11-12 08:16
我都覺香港好多老師好傳統，用琴用書都同外國二十年前一樣。

Agree。唔係傳統，我覺得係老師細個用咩書學就用返咩書教人，唔會諗新教材。

Osiana

deco99 發表於 20-11-12 08:16
我都覺香港好多老師好傳統，用琴用書都同外國二十年前一樣。

學琴過咗一段時間，都會有冷卻期，小朋友少練琴，如果唔唸方法，好快興趣就會熄滅，就會琴幾靚都無用。


琴只係一個學習工具，好似一件傢俱，或一個靚手袋，如果人靚，拎住個布袋都係靚。

香港教育，幾十年無進步，口號好多，實際功效好少。

964000

deco99 發表於 20-11-12 08:16
我都覺香港好多老師好傳統，用琴用書都同外國二十年前一樣。

咁學鋼琴本身就係好傳統，所謂classical music, 不過而家聽講學琴有都有「流行曲」派。

deco99

Osiana 發表於 20-11-7 19:45
咁係d 老師老土，唔係數碼鋼琴唔好。
一般學琴嘅，唔係唸住成為鋼琴家，學音樂要從興趣入手， 成日都話乜 ...

我都覺香港好多老師好傳統，用琴用書都同外國二十年前一樣。

deco99

miss321 發表於 20-10-18 00:16
本帖最後由 miss321 於 20-10-18 00:18 編輯

鋼琴。十個老師十個都叫你換鋼琴，手感，pedal 是完全不同 ...

我數碼鋼琴買咗十年仲好好，我小朋友老師唔介意教數碼琴，喺香港都少見，但我美國朋友話佢哋果邊好多人用數碼琴，大多數老師都無問題。利申：我都買咗傳統鋼琴。

Janetip

鋼琴
我女初初學都係用數碼琴，之後轉鋼琴，佢自己都話手感係有分別

LeeCC

Jane1983 發表於 20-11-8 08:32
回覆 LeeCC 的帖子

我女都係，去親通利都係咁，部部電子琴都仔細研究，彈吓玩吓。以前細個行奧海城，佢鍾 ...

哈哈，我小朋友都係奧海城通利的常客

Jane1983

回覆 LeeCC 的帖子

我女都係，去親通利都係咁，部部電子琴都仔細研究，彈吓玩吓。以前細個行奧海城，佢鍾意行通利多過隔離的玩具反斗城。在佢心目中，兩個地方都係玩。

LeeCC

數碼琴系好玩的，我個小朋友好貪心，想屋企有三角琴，又想有數碼琴，無奈間屋太細了

所以佢經過通利，都鑽入去，彈曬每部三角琴和玩曬每部數碼琴

Jane1983

回覆 Osiana 的帖子

數碼琴係好多優點，我女彈數碼琴真係當玩，享受音樂的樂趣。
不過學鋼琴，老師要求用鋼琴，亦唔係過份。

Osiana

Jane1983 發表於 20-11-7 10:06
回覆 Osiana 的帖子

同意數碼琴係fun好多。我地以前有部平平地Roland的數碼鋼琴，同一首歌可以有唔同形式 ...

咁係d 老師老土，唔係數碼鋼琴唔好。
一般學琴嘅，唔係唸住成為鋼琴家，學音樂要從興趣入手， 成日都話乜嘢係正統，老師都要跟上時代進步，唔可以固步自封。

數碼鋼琴可以擴闊小朋友對音樂嘅認識。

Jane1983

回覆 Osiana 的帖子

同意數碼琴係fun好多。我地以前有部平平地Roland的數碼鋼琴，同一首歌可以有唔同形式的演繹，可以激發小朋友的創意。雖然我地都有傳統鋼琴，但我女係鍾意數碼琴多d。
不過如果只買數碼琴，搵老師上門教授會比較「受氣」，10個老師有9個半都會話練錯手，呢樣果樣好煩的。

LeeCC

Osiana 發表於 20-11-6 06:42
我女係用數碼鋼琴。  因為依家嘅digital piano 音色好靚，手感貼近傳統鋼琴。 我部琴係親戚俾嘅，用咗十幾 ...

睇小朋友自己對琴音有無要求，我仔成日如果屋企可以有三角琴就好了，屋企部U1的聲唔夠靚，我每次都答佢，等你大個搵到錢，買間大屋先換三角琴啦

Osiana

simonchiang 發表於 20-10-6 12:46
小女4歲，打算安排她開始學習鋼琴。

為方便將來請老師上門授課和她日後練習，打算先平平地買一台琴回家。 ...

我女係用數碼鋼琴。  因為依家嘅digital piano 音色好靚，手感貼近傳統鋼琴。 我部琴係親戚俾嘅，用咗十幾年都仲好好，如果我換琴都會買返digital piano.
其實，學琴最緊要係琴抑或興趣？  將會會否想女兒成為鋼琴家？ 其實數碼鋼琴好fun, 真係好好玩，令小朋友發揮創意。

彈琴係幾悶，最重要係令佢哋鐘意音樂，就會自發練習，我從來都唔使叫阿女練琴。

我姪仔都一直用digital piano, 學咗咁多年，考試都無問題。

ccc康鈣c

買鋼琴。因為當初我想買數碼琴，老師暗示＋明示阻止了我

miss321

simonchiang 發表於 20-10-6 12:46
小女4歲，打算安排她開始學習鋼琴。

為方便將來請老師上門授課和她日後練習，打算先平平地買一台琴回家。 ...

鋼琴。十個老師十個都叫你換鋼琴，手感，pedal 是完全不同哦。
數碼鋼琴都是電器一種，坦白告訴你，三角琴和數碼鋼琴我都有。數碼鋼琴有幾個音近期壞了，分別是無聲/細細力都變好大聲/，Pedal 又偶然失靈。保養期又過了，維修又麻煩....真係彈到好燥底.....
即使入門級直身琴衰衰地都從未試過有這種情況！
p.s. 數碼琴一手通利買入三年。