學琴: 老師會否示範，彈一次給學生看?

jomystery

小朋友在琴行學琴半年有多，昨天才發現，老師是不會彈一次給學生看的，這是正常的嗎?


原本在另一琴行學了半年，因為搬家，轉到現在這琴行學琴，是初學階段。

上了幾堂後，老師對於小朋友少練琴，有表達不滿。另外，小朋友認音也挺差的，老師告訴我，會對小朋友嚴厲一點。

說來慚愧，近來小朋友說起，原來老師是幾乎堂堂也罵彈得不好，追問是怎樣不好呢?

老師說小朋友彈得太快，當彈慢一點時，老師又說彈得太慢。

小朋友覆述都是罵這樣不好，那樣不好，這樣不對，那樣不對。


昨天一問，既然快又嫌快，慢又嫌慢，老師怎麼教的? 有彈一次給你看嗎? 小朋友說沒有啊!

我問怎麼會呢? 有技巧的跳音也要彈給你看吧! 小朋友說有彈這個跳音，要到錯得很差很差時，老師才會彈一段，不會彈晒整首/整段。這種示範發生過幾次。小朋友是自己看譜彈，然後迎接老師太快太慢什麼地方錯的評語。

這樣的教法是正常的嗎?

每次落堂的feedback就是找錯處，說什麼地方做得不好，或質疑小朋友認音差是否有問題等等。

最近2個月，遇過幾次，老師是黑著臉的去開舖，然後，那堂就被狠狠地罵。

唯一的好是老師比起之前那間教的東西實在很多，也看出進步了很多。如果老師不示範是正常的話，訧繼續留在這裡學吧。

請各位有經驗的家長能否告知學琴情況? 先謝謝。

LeeCC

mingdhk 發表於 20-9-8 14:37
琴行老師好多都係教得差, 如果屋企有琴,搵私人老師上門試堂把啦

初初唔識嘛，求其近近地屋企樓下琴行就算，後來轉私人老師，上老師屋企上堂

mingdhk

LeeCC 發表於 20-8-23 20:18
我小朋友先後跟過四個老師，頭兩個系琴行的剛剛畢業的姐姐，每首歌都彈一次俾小朋友聽，問題來了，我小朋友 ...

琴行老師好多都係教得差, 如果屋企有琴,搵私人老師上門試堂把啦

LeeCC

zhangbeibei 發表於 20-9-8 01:56
所以我覺得示範是很重要的，除非是大型的曲目，好多樂章，朗朗這麼大牌教鋼琴都有示範 ...

我小朋友小時候的問題就是睇完老師彈，就自己彈返出來，唔會睇譜，所以老師唔會一開始彈俾佢聽

現在佢視譜有一定基礎，而且所學的樂曲也複雜了，不能再像以前聽一次老師示範就彈返出來，所以學新樂曲時，老師開始會示範樂曲的重要技巧的段落，當他掌握到整首的指法，就會叫他看不同演奏家的表演，看如何演繹整首。

LeeCC

zhangbeibei 發表於 20-9-7 20:46
很簡單，買個節拍器，set 左節拍彈，標準來嘎，就不會說什麼了。每天練琴都需要開節拍器，剛開始會不識聽節 ...

咩唔係寫音系五線譜，先唔識睇譜咩？

我小朋友第一二個老師都要佢寫，但一直學唔到睇譜，但第三個老師無要求寫，好快就到睇譜

LeeCC

ho_yan2406 發表於 20-8-24 13:20
無錯。。我都遇過d小朋友真係聽完背返出黎，呢d我就唔會彈佢聽喇

我小朋友就係呢類人，所以有經驗的老師唔會彈俾佢聽，只係話，你自己試

babieblue

jomystery 發表於 20-8-23 22:49
謝分享，情況不一樣。
佢係數拍子問題，半拍或數1234或跳音，或每隻手同時按2個鍵/3個鍵加埋數1234，或最後 ...

如果小朋友年紀細
家長最好陪學陪練
拍子問題，可以拆開先練拍手，左右手分開拍拍，再同時拍，啱先再彈音
最後再對拍子機

平日用琴書後面嗰啲未學歌仔練下寫拍子、拍拍子，再上YouTube搵video對返啱唔啱

加油！練習多d會慢慢培養到拍子感
我小朋友先天拍子感超差
老師都唔會示範，因為老師彈完佢就會記咗個節拍照彈，咁樣到最後都唔會識得數

ho_yan2406

LeeCC 發表於 20-8-24 09:23
係呀，仲要配合小朋友的特質

無錯。。我都遇過d小朋友真係聽完背返出黎，呢d我就唔會彈佢聽喇

fibe0313

LeeCC 發表於 20-8-24 09:54
這樣可以訓練睇譜

這個我也理解。但因為我第一次學鋼琴。所以唔太知道其實點樣，老師先叫教得好？

LeeCC

fibe0313 發表於 20-8-24 09:31
我只學了4堂。老師都似係剛出黎教琴無耐。老師都無示範比我睇。除左一首，我真係唔理解，邀請佢示範，佢都 ...

這樣可以訓練睇譜

fibe0313

我只學了4堂。老師都似係剛出黎教琴無耐。老師都無示範比我睇。除左一首，我真係唔理解，邀請佢示範，佢都彈左一小段比我聽。通常都係佢選好首歌，叫我sight reading 彈出黎。如果有彈錯，佢會即時話比我知。我因為初學琴，其實都唔知好唔好。但因為另外一個原因，我下堂換老師了。

LeeCC

ho_yan2406 發表於 20-8-24 09:17
都係o個句，每個老師都有唔同教法我以前學琴係咩都對拍子機，但一唔用就keep唔到
...

係呀，仲要配合小朋友的特質

ho_yan2406

LeeCC 發表於 20-8-24 08:39
大約二級時，老師教我開拍子機俾小朋友跟住練習拍手，重輕輕，重輕輕甘樣，認住二拍/三拍/四拍的節奏
...

都係o個句，每個老師都有唔同教法我以前學琴係咩都對拍子機，但一唔用就keep唔到

LeeCC

ho_yan2406 發表於 20-8-24 00:00
我通常去到2,3級先用拍子機,因為我細個,老師下下都叫我對拍子機,我自己倚賴左,一冇拍子機就會越黎越快,所以 ...

大約二級時，老師教我開拍子機俾小朋友跟住練習拍手，重輕輕，重輕輕甘樣，認住二拍/三拍/四拍的節奏

ho_yan2406

jomystery 發表於 20-8-23 16:14
小朋友快7歲。practice是所有學習的根本，要求佢每日練的時候，明顯見到進步。

多大會適會用拍子機?

我通常去到2,3級先用拍子機,因為我細個,老師下下都叫我對拍子機,我自己倚賴左,一冇拍子機就會越黎越快,所以我怕D學生用得多好似我咁
我開拍子機,通常都係對速度,或者佢真係數唔掂先開拍子機叫佢跟住黎數

LeeCC

jomystery 發表於 20-8-23 16:21
上個月老師講過，無試過佢耳仔好唔好。點先知道耳仔好唔好呀?

先叫小朋友背向琴，你求其彈一個音或一組音，叫小朋友系琴鍵搵返個音出來
perfect pitch小朋友可以輕易做到