請賜教，禮賢AM及學之園PM

Jaly926

如上，請問大家會如何選擇呢？禮賢已交了註冊費及書簿雜費，離家較遠，我自己試過不計等車，由上車到學校需時30分鐘，如孩子走得慢，應需40分鐘，讓他搭校巴又有些不捨，因聽說校巴需兜來兜去需時更久，喜歡禮賢校園大，面試時老師親切好笑容，我仔的表哥返呢間，以前十分粗魯，返了禮賢行為禮貌都改了許多，學之園則離家近不必搭車，但學費較貴，且是下午班，現在十分糾結，請問大家會如何選擇呢？謝謝！

面包超人360

piglover 發表於 20-5-15 21:51
路過，聽樓主形容嘅小朋友性格，其實，小朋友真係未必適會讀民幼。民幼其實徵6成升民小，禮幼升禮小嘅其實 ...

禮幼唔係得一半到升禮小？

piglover

路過，聽樓主形容嘅小朋友性格，其實，小朋友真係未必適會讀民幼。民幼其實徵6成升民小，禮幼升禮小嘅其實更多。

Jaly926

piglover 發表於 20-5-14 18:04
你是否心儀禮小？如果將來想入禮小，就禮幼啦。LH學費唔平㗎，如果擔心經濟，就要諗清楚。

不過，5分鐘返 ...

最終都應該會揀學之園下午班，禮賢學費3000，學之園6300，但禮賢需搭校車（車程應超過一小時），8點45返到應該要7點起身？校巴未知幾錢，但應該都要1000零蚊？計落好似爭唔係好多，學之園交12期學費，但8月開學（唔知開唔開到），感覺都唔係好蝕。我老公同奶奶話如民生遲下打黎收佢，就轉民生，我覺得好煩呀。

Jaly926

piglover 發表於 20-5-14 18:04
你是否心儀禮小？如果將來想入禮小，就禮幼啦。LH學費唔平㗎，如果擔心經濟，就要諗清楚。

不過，5分鐘返 ...

禮賢係家姐叫我報埋，因為佢仔讀得開心，禮小聽講喺禮幼入去都係得一半？好多學校我其實唔係好識，都係臨時抱佛腳，共報了十間，六間收四間waiting, 收嘅學校中感覺禮賢係最好，我想個仔返學開開心心，佢之前返N班都係樓下附近嘅（仲近，行路3分鐘），每日返學喊
到傻左，朝朝出門都勁淒涼，返左兩三個月都係咁，佢同我講佢好驚學校個x老師（佢班主任），話x老師話佢多嘴、多手、多事。  三個月後我同佢退左學。而家經過間學校，佢都好緊張咁捉實我，叫我遮住佢，唔好俾x老師睇到。哈哈，好可憐

piglover

你是否心儀禮小？如果將來想入禮小，就禮幼啦。LH學費唔平㗎，如果擔心經濟，就要諗清楚。

不過，5分鐘返學，真係好正下，就算PM都唔難適應。

Jaly926

wg_ann 發表於 20-5-14 17:02
睇餸食飯，LH雖然係好學校，但如果學費會構成經濟壓力，我唔會take，但有些父母確實會為子女教育節衣縮食 ...

我先生最鐘意民生，都係waiting list, 仲未通知，如民生佢就點都會俾個仔入去讀，民生係我帶個仔入去面試，覺得個環境好古板，老師好嚴肅咁，我自己感覺有些壓抑，個仔好活潑好多嘢講，驚就算收左入去佢都會唔鐘意返學。禮賢聽家姐講佢個仔返得好開心冇壓力，德行又好左好多，面試時感覺好好，而原本學之園覺得冇行了，而家打黎話有位俾佢，好近（行路五分鐘），所以好糾結。

wg_ann

Jaly926 發表於 20-5-14 16:41
都會加入考慮呀，因為之前我份工好穩定，但而家幾近失業了，之前老公負責俾每月租金18500，我俾工人姐姐人 ...

睇餸食飯，LH雖然係好學校，但如果學費會構成經濟壓力，我唔會take，但有些父母確實會為子女教育節衣縮食，希望盡可能俾最好既小朋友，問問自己及先生意願吧。

Jaly926

wg_ann 發表於 20-5-14 16:20
學費是否考慮重點?
學之園學費是交足12個月，而且每年也會加少少，上下學期各一次教材費，如果經濟上有壓 ...

都會加入考慮呀，因為之前我份工好穩定，但而家幾近失業了，之前老公負責俾每月租金18500，我俾工人姐姐人工及負責伙食，佢仲要供養父母，如之前收入就仲好鬆動，而家就感覺有些壓力了。

Jaly926

muimui125 發表於 20-5-14 15:41
回覆 Jaly926 的帖子

點解話豬隊友呀？

因為second in嗰陣主任問點解揀學之園，我答因為我好注重小朋友嘅德育，而家佢在家都好曳下，希望返左學會改善到，唔知發咩神經，哈哈，真係完全扯後腿，仲要見完後，行返出去嗰陣，我拖住個仔，佢見到旁邊有車車（可以捐入去嗰種呢～），即刻撇甩我隻手捐左入去，我同佢爸爸點講點(emoji)都冇用，佢掹實個呔盤唔肯出黎，話唔走要揸車，當時隔離有成班小朋友上緊堂，老師小朋友都望住我哋，超尷尬，唉，嗰時就打定輸數了。

wg_ann

學費是否考慮重點?
學之園學費是交足12個月，而且每年也會加少少，上下學期各一次教材費，如果經濟上有壓力，就選擇學費較相宜果間。

muimui125

回覆 Jaly926 的帖子

點解話豬隊友呀？

Jaly926

回覆 kisani 的帖子

原來係咁呀，謝謝你呀！

kisani

Jaly926 發表於 20-5-14 15:05
回覆 kisani 的帖子

紅磡昇御門嗰間呀，有second in, 但因為豬隊友媽媽（即是我），冇收，但話擺佢入waiti ...

pm accept左offer後比較難轉am, 反而一直waiting am果d有機會最後收入am

Jaly926

回覆 kisani 的帖子

紅磡昇御門嗰間呀，有second in, 但因為豬隊友媽媽（即是我），冇收，但話擺佢入waiting list,今朝收到電話收佢做下午班，請問你知唔知下午班有機會轉到上午班嗎？

kisani

Jaly926 發表於 20-5-14 13:34
如上，請問大家會如何選擇呢？禮賢已交了註冊費及書簿雜費，離家較遠，我自己試過不計等車，由上車到學校需 ...

K or PN? 邊間LH? 我會揀離家較近