英文私小vs中文津小

Helloworld2020

先謝各位意見~

已有心儀英文私小(E)offer，等緊心儀中文津小(C)

網上話E既英文不用外補，但要外補中文。
C既英文如要達到E既level就一定要外補，但中文一定好過E。

問題1: 近排咁既環境，係咪應該慳番幾千蚊學費去讀津小? 但計落如果要外補， 其實兩間嘅洗費可能都差不多。

問題2: 小朋友本身鍾意英文唔鍾意中文，英文好過中文。應該讀英小? 等佢讀得開心d? 定讀中小，改善下d中文，等考dse時唔會死係中文科?


不想開名，兩間學校在升band 1比率，車程，校風都差不多，冇細佬妹既考慮。C谷過E，但我兩間都接受到。

yyshiu

另外，我覺得都要考慮小朋友性格。

我又講下我小朋友，佢係比較怕羞細膽型，佢英文好中文弱，當年我在私英小與私中小間選了英小。因為我希望英文會令他較容易掌握，先在學習上提高自信心，中文再慢慢教好。

果然小一開課中文係比較差(仲要普教中，考試得60分左右)，但英文、數學、常識都因為理解能力好而輕易取得好成績。有時還靠其他科拉番部分中文失去既分。而我們就只幫他外補中文，到小二上學期中文成績已見穩定，升番到8字頭。

小朋友建立好自信心，就會越讀越好，佢亦會更有心機去讀好。

assado

好多好小學, 都係中小, 吾一定英小好過中小, 最重要是上堂明白老師及書本所講內容。

karenaleung

我那兒子，英強，中相對弱，捨英小揀中小，希望冇揀錯。

小曳人

係，英文本身就易學過中文啦！

PTL_L

英文，我反而一啲都唔擔心，因為佢必定上英中，大部分科目都是英文，點唔好都會train到好啦。當年，我係英國殖民地下讀書，無論咩banding 都係讀英中，我唔睇得，都talk下。

PTL_L

我阿大中小，中文成績一向名列前茅，英文後來居上，而家兩者成績都不相伯仲。小學階段的中文基礎知識及閱讀理解，我阿大都掌握得好好，講緊係可能48或50分既中閱卷，我阿大係可以全取或只失分1-2分，從初小到高小都係咁，中文基礎知識對於佢，更易如反掌，都係只會失1/2分，即全份卷，佢平均會攞到90分以上。

近來停課，又將近升中，我準備左中一的閱讀理解俾佢做，諗住佢都係輕易而舉啦，點知一幫佢對，出事喇，好多漏空唔識做，佢真係話好難，又唔識。做左既，全題6分，攞得2分，我都幾晴天pig pig。當刻，我同佢既信心大跌，咁我先深切意識到中文既難，中學既gap同小學既gap係有幾大？

qip1371

eclass05 發表於 20-5-12 01:03
本帖最後由 eclass05 於 20-5-12 01:06 編輯

以前讀AL個陣，我有個同學英文底子非常好，當我要花時間去溫 ...

Agree.. 職場上英文比中文重要。大家會話中文都非常重要，係既，但中文只要識睇識講（普通話），識寫基本書信/電郵都好夠。有啲對中文要求高的工作，大部份香港學生做唔黎，唔係能力問問係文化，而係喺香港讀書學既遣詞用字都唔係果回事。英文就真係無論邊份工都好重要（寫作/閒聊/演講），愈夠膽講成功機會愈大。

有啲小朋友讀中小都英文好好，因為家長在家提供充足語境，呢種情況都好常見。讀英小唔一定中文差，只係送得小朋友去英小既家長都較重視英文，自然無花咁多時間訓練中文。有時我都會諗究竟中文/英文要去到咩程度先係好/夠呢？其實中文同英文唔一定係要兩者之間作取捨，語文好靠家長既努力同小朋友自己既能力。

naicha

幼稚園小朋友的英文好只係好表面, 連基礎都唔算
先在小學磨好英文, 到升中就大把選擇, 到時搵間DSE成績中英文都叻的學校, 有六年時間再磨靚D中文, 比用6年時間在中學磨靚英文容易
利: 英文小學畢業, 中文一向普通, 上到中學睇多D書已經追到, 夠用

mcl203

成日係EK睇到甚麽DSE中文係死亡之卷，中文比英文難云云。從自己小朋友嘅身邊觀察，小學讀英小，同學們自細英較強中較弱係事實，但觀察所得，人哋咪又係達入U率穩定>85%，問題係學生想唔想科中文合格，要合格佢哋自有辦法，邊有咁易炒吖。至於從來無諗過要令自己達香港大學入學資格嘅，一係早有安排，一係由得佢炒，根本態度勝於一齊～

EK嘅甚麼分享，中文重於英文，咪又係由自己嘅視線出發去否定他人～

Helloworld2020

eclass05 發表於 20-5-12 01:03
本帖最後由 eclass05 於 20-5-12 01:06 編輯

以前讀AL個陣，我有個同學英文底子非常好，當我要花時間去溫 ...

我細個都係讀名中小升所謂既band 1英中，但中英文科係AL都緊緊合格，其他科就A/B，放榜前幾驚肥中英文。所以都驚小朋友好似我咁冇語言天份，是但一科肥左就真係bye bye。

所以想小朋友走我唔同既路，但就係未試過讀英小，有小小睇唔清。

多謝大家咁有深度既答案，但我仲未有答案   

eclass05

本帖最後由 eclass05 於 20-5-12 01:06 編輯

以前讀AL個陣，我有個同學英文底子非常好，當我要花時間去溫英文，聽電台、死記生字時，佢就可以善用時間溫其他SCIENCE 科目，自小已經睇西片不用看字幕...所以感覺佢不用兼顧英文科。

我自己就自小中文基礎不俗，睇中文書多過英文書，但又唔覺得自己中文有咩優勢，DSE我未考過，但考AL個陣，覺得聽說讀寫4份卷，我只是閱讀卷較佳，聽說2份卷更加感覺冇咩特別，就算係中文底子唔強嘅同學，尼2份卷一樣可以考得好，因為同思辯理解有關。

到長大出黎做野，更加覺得英文流利好緊要d，中文係我地母語，係職場上能基本應用就夠。相反，擅長英文往往能開拓更多機會。

認同中小唔一定英文弱，不過真係好靠家長自己刻意安排語境俾子女。若然家長太忙，或未能提供語境，咁英小都係一個好選擇。

小曳人

我好簡單，考DSE，本身英文好d，就當然讀中文學校啦！

provided that 你講嘅資訊正確

同上面講嘅，如果係SFA，中英都強！

其實你講到學費唔比較，但我覺得，出面搵個NET跟英文，so easy，應該有錢剩！

我兒由私立英小轉中文津小，一直都係外面跟小班教學writing class(到P5)，借機同NET 傾多d計，我咁hea "補" 英文，眼見進步唔快，但小學畢業叫做keep 到有英國grade 8 (佢P2做過test, 有美國grade 4 水平)

其實只要keep 住餵佢睇英文書，英文就會有進步，唔駛點理學校進度

picalo

PTL_L 發表於 20-5-10 21:46
回覆 picalo 的帖子

都要讚下豬隊長，多年嚟都係嚴豬，所以兩隻小豬唔聽話，豬隊友一定會出手幫我。 ...

哈哈...我都係
好彩管教目標一致

PTL_L

回覆 picalo 的帖子

都要讚下豬隊長，多年嚟都係嚴豬，所以兩隻小豬唔聽話，豬隊友一定會出手幫我。

picalo

PTL_L 發表於 20-5-10 19:55
回覆 picalo 的帖子

都唔係咩心得，只係恆常做法。從小到大，屋企都算係有規有矩，如小時候，指定時間內唔 ...

謝謝你
希望我可以做到

picalo

PTL_L 發表於 20-5-10 19:56
回覆 picalo 的帖子

另外，搞掂大果個，細果個自自然然會跟住火車頭好重要 ...

我只有一個咋，我都在職
好佩服你可以照顧2個
我希望上到小一
佢真係會自動波喺我返嚟前做好功課
我唔想送佢去功課班

PTL_L

回覆 picalo 的帖子

另外，搞掂大果個，細果個自自然然會跟住火車頭好重要

PTL_L

回覆 picalo 的帖子

都唔係咩心得，只係恆常做法。從小到大，屋企都算係有規有矩，如小時候，指定時間內唔食完碗飯，即收碗，堅成晚都唔俾再食飯或任何野。我係雙職媽媽，初小時，已說明，必定要起我返屋企前完成功課或溫好默書，我返屋企要對要默。考測前就準備定溫習材料，講明我返屋企要對同溫，所以必需起我返屋企前完成。可能我唔係經常理到佢地，反而佢地仲冇咁依頼。
仲有，我哋講道理既，有付出先有收穫，由細講到大，兩個小朋友鍾意咩咪同佢地傾囉，如阿細鍾意踢波，一星期踢4/5日架，唔少野，仲要十萬九千里遠，不過都唔緊要，處理好功課，成績又可以，我哋幾辛苦都送佢去做自己鍾意做既事，可能讀書有動力，咁會好好多。