中四選科 由理科轉晒去文科

mtplee

我個仔由全理科轉晒去全文科，中史，西史同宗教，佢話大學揀哲學，有無人嘅仔女都係咁揀，佢理科唔使溫書都考得好，轉晒全背書嘅科目，係有擔心佢第日後悔唔讀哲學番唔到轉頭。

qkhui

回覆 mtplee 的帖子

仔仔學校老師有無跟仔仔傾過? 我仔仔都係讀雙史, 中國歷史係勁多野要記. 反而仔仔說世界歷史少好多. 如果你說仔仔知CHEM 同BIO 多野要背而唔選. 佢知唔知雙史都好多野記, 其實去到高中DSE. 無邊科係唔多野記. 如果仔仔真係立定決心要讀雙史, 噉都唯有比佢讀.

jaycee_mami

我知大學有些學科例如醫科和藥劑，規定了要讀chem這一科，咁另外兩科 electives揀文科又可不可以？

因為我見人人都說 DSE是鬥高分，鬥攞星，選什麼科都無所謂，最緊要高分，但是，除了滿足科目的必修條件之外（例如chem），大學還會考慮埋你另外兩個 electives讀什麼嗎？ 讀 chem, history, geography，將來可以選醫科嗎？

lauralinnn

點樣咁樣揀？點解你又會俾距咁揀？

October.

初中講興趣，言之尚早，興趣成日變，只睇興趣選科唔係最明智既做法。

如果係我，唔會揀曬文科，咁做好大程度限制了大學選科的範圍，真係好中意文科囉，咪文+理揀來讀，你仔成績平均又唔係讀唔到理科，點解要咁早局限着自己？而且，文科野課外都可以自修，畢左業都可以讀，我老公幾十歲先來中意歷史，日日睇書。有啲學生係好明顯偏科，冇辦法啫，你仔有得揀，真係要諗清楚。

我仔初中因為中文，中史考級一，佢都話想做中文老師，高中想take中史添，後尾比我地說服左冇揀到，依家佢不知幾中意Chem,Bio & Maths，要知道佢初中時完全冇感覺過中意理科，但佢依家話大學一定要讀Science.

同埋想講，對成績上心既，冇興趣都唔會讀得差，我仔另一科Econ,佢話好唔中意，但都考到級一。

babyyiu

回覆 mtplee 的帖子

我估佢明白數理特別係Chem/Bio要硬記又要明白的部份係相當之多，而同時亦有人話過佢知，其實中三理科(Phy同Chem)由教學都出題都係因為有過半人都唔會繼續讀呢兩科而就住好輕手。
佢相對考得好或者只係因為佢made a head start，比人家理解多些，但係明知自己無心機會(亦唔想)去硬記生化裡邊堆資料，所以就逃難入去文史這一邊 (以為好過癮)。

我點解知這個是可能原因？因為我自已作為初中生時就發生過相同的事。
細路有點主見的話有時會選擇逃避。
而我間學校咁橋當年又開左商科所以無讀理科(最後知錯都無用)。

洋蔥頭媽咪

mtplee 發表於 20-4-10 23:49
回覆 洋蔥頭媽咪 的帖子

我個仔讀band 1中學，佢之前揀嘅三科理科係全級排名第3，11同12，佢數學一直都強 ...

咁佢文科成绩又如何？中史/西史成績好嗎？
如果有心教中文，做中文老師其實亦唔差。現今中學同我哋以前唔同，唔一定要選纯文或纯理，就算修中/西史都可以加一科理科，主要睇貴子弟學校安排。讀書始終係佢自己，家長只能给意見。大學收生唔少系已改為 best 5 or best 6，考公開試最重要選自己有興趣同有把握嘅科目已足夠。

mtplee

回覆 洋蔥頭媽咪 的帖子

我個仔讀band 1中學，佢之前揀嘅三科理科係全級排名第3，11同12，佢數學一直都強，佢上數學堂無乜聽書，佢話老師未教佢已經識做，上堂自己諗深D題目畀自己計，我改變唔到佢嘅決定，佢有自己嘅想法，你強迫佢，佢就算就範都會hea讀，揀呢三科文科我講又同佢講過，佢都係咁堅持，我只係想睇吓有無家長嘅仔女都係讀緊呢三科，搵個安慰啫，佢或者無乜遠見，唔會諗將來要做乜師物師，未來係佢自己嘅，我都會係由佢自己決定。

2jkidsfather

mtplee 發表於 20-4-10 00:24
回覆 Yanamami 的帖子

佢今年中三，係唔使溫書唔使聽書都可以考得好嘅人，佢全級考10幾名，基本上佢之前要 ...

我反而認為佢想將來大學選哲學，現在更應選理科。
如果佢不明白這個道理，佢選文科只代表一時意氣。

洋蔥頭媽咪

中三唔细，應該好清楚自己強弱項，究竟喜歡啲咩。數理如果底子強，測考唔駛太花時間都可以取得好成績，呢啲情況响初中之前亦唔奇，如果學校教得淺更加唔難，但到高中就會是另一境界。如果樓主孩子科科成绩不算相差太多，未必能確定孩子就一定是理科人，而且就算细時成績好，到高中亦必須要勤加操練， 否則公開试想取好成績絕不容易， 心存僥倖態度難成大器，唔好比假像呃到自己。

樓主小朋友既然喜歡中文，又想將來做中文老師教中文，咁佢已有目標家長更應鼓勵佢。讀理科亦唔一定啱佢，路要點行始終要靠孩子自己。

LeeCC

係咪跟佢個女神選科呀？

YolandaTam

mtplee 發表於 20-4-10 00:24
回覆 Yanamami 的帖子

佢今年中三，係唔使溫書唔使聽書都可以考得好嘅人，佢全級考10幾名，基本上佢之前要 ...

高中讀理科，除非係天才，否則必須勤力！我女有 fd 揀咗 phy chem geo M2, 因為唔肯操練，phy M2 固然唔識，連 compulsory math 都拖累埋 如果冇興趣千祈唔好勉強讀，高中兩三年好似好快，但如果讀啲科冇興趣會好痛苦，浪費光陰。

Yanamami

mtplee 發表於 20-4-10 00:24
回覆 Yanamami 的帖子

佢今年中三，係唔使溫書唔使聽書都可以考得好嘅人，佢全級考10幾名，基本上佢之前要 ...

中三既理科只係好皮毛，俾d DSE卷佢做下睇下会唔会真係唔洗讀都可以有**？

其实鍾意詩詞歌賦同修理科無抵觸㗎~如果高中讀理科係a piece of cake, 禁空出既時间咪自己睇同学詩詞歌賦囉，大把書可以買到自己睇，洗乜－定要修文科？DSE爆**直入哲學系唔好咩？

mtplee

回覆 Yanamami 的帖子

佢今年中三，係唔使溫書唔使聽書都可以考得好嘅人，佢全級考10幾名，基本上佢之前要揀嘅理科對佢嚟講要讀唔難，佢將來想做老師教中文科，佢中文又唔係好好，但佢鍾意古詩，自己亦愛作詩，亦愛外國文學嘅詩詞，最近愛上哲學就看很多哲學書，佢唔聽人勸，你要佢揀理科佢會hea讀，對於將來搵咩嘢工或賺幾多錢，佢唔在乎，兼且有一大埋道理，佢一同我講大埋道理我就投降，好煩。

little_yolky

mtplee 發表於 20-4-5 20:57
我個仔由全理科轉晒去全文科，中史，西史同宗教，佢話大學揀哲學，有無人嘅仔女都係咁揀，佢理科唔使溫書都 ...

同佢講，讀哲學更加要先建立好科學既思考模式，先培育科學腦袋，再培育哲學腦袋，咁個哲學學習先係最完全。

gracelam

mtplee 發表於 20-4-5 20:57
我個仔由全理科轉晒去全文科，中史，西史同宗教，佢話大學揀哲學，有無人嘅仔女都係咁揀，佢理科唔使溫書都 ...

修理科都可以大學讀哲學㗎