高小男仔經常捉錯用神，可以點教?

小余

看圖說故事:明明幅圖係講緊好多人在主題樂園排隊玩，其中有小朋友太熱暈倒。
佢卻係話有個小朋友玩完唔洗手食嘢肚痛。
作文又係，老師叫作描寫文，可以描寫公園的風景，佢就寫同屋企人去公園玩的過程，但完全無寫風景（記敍文）。。。
呢啲唔對路的情況，可以點教?或者揾咩人幫?

洋蔥頭媽咪

小余 發表於 19-1-25 18:42
本帖最後由 小余 於 19-1-25 19:53 編輯

是的，小兒的確是SEN.

明白，言語治療及社交班與理解能力未必有直接關係，呢類小朋友思维獨特，佢哋谂野通常與其他人有别，未必容易理解别人嘅意思。
想改善唯有比佢睇多啲唔同嘅圖片、情景，再同佢分析並告訴佢睇法，等佢记响腦入面。小朋友有冇睇過漫畫類圖書？老夫子、牛仔呢類漫畫都比較贴近生活事情，小朋友睇下可以增加佢對唔同情景體驗，老夫子圖書更可以學倒四字詞語，若未睇過可以试下比佢睇，家長亦可在平日生活细節上作啲唔同情景，训練小朋友理解及表逹力。至於作文文體就要慢慢教，不同文體 (记敘文/描寫文) 孩子作多啲就能掌握，可以買啲練習做下。媽媽亦要比啲耐性，错唔緊要反而要多啲故勵小朋友，加油。

fadgare

小余 發表於 19-1-25 18:42
本帖最後由 小余 於 19-1-25 19:53 編輯

是的，小兒的確是SEN.

或者試下買啲圖卡同佢訓練下, 叫佢講下裏面發生啲咩事畀你聽, 好似小一面試嗰啲咁, 圖卡排序, 或者一幅圖過叫佢講圖裏面發生乜嘢事？ 至於睇錯題目就係唔小心, 就要提醒佢小心啲啦

小余

洋蔥頭媽咪 發表於 19-1-19 08:12
恕我直言，樓主小朋友明顯係理解力弱，理解唔倒别人所指，通常理解唔倒自然表逹能力亦會出問題，词不達意/ ...

是的，小兒的確是SEN.
言語治療及社交班都已經有做，但情況仍然係咁。所以我都無咩頭緒可以點做。

我又覺得，就算唔係SEN的小朋友，都總會有啲係listening and speaking 差，應該都係有辦法train啩? 所以上來問吓

MrBeast

Olympian 發表於 19-1-19 12:45
本帖最後由 Olympian 於 19-1-19 13:07 編輯

如果要到考慮到上社交班和言語治療，即懷疑小朋友有自閉症 ...

Agree. 我都係唔想危言sung 聽，on the other hand 嗰d training 對能力較弱的學生其實好有幫助。我小朋友聽說也是弱，學校可以提供語言治療支援，但要上報edb當sen，老闆初初唔likey，我話有問題就要處理。

洋蔥頭媽咪

Yanamami 發表於 19-1-19 10:27
其实我諗紧……係咪从小幼稚園已开始係禁？点解唔早d开始引导？如果平日講野都無離头，会唔会社交都有问題 ...

睇樓主舊帖有提過ADHD 同A仔小朋友，未知是否呢個post嘅仔仔。

Olympian

MrBeast 發表於 19-1-19 12:06
我都覺得某程度上社交/語言治療班會幫到

如果要到考慮到上社交班和言語治療，即懷疑小朋友有自閉症及言語遲緩。那就要去做評估。社交班和言語治療一般都先經評估才可接受上堂。

樓主只寫了很少資料，我覺得唔洗咁快講到社交、言語有咁大問題，不過當然可以留意一下相關資訊。聽講過自閉小朋友看圖的一個問題，就是太留意細節，看不出概括重點。對話如事，不知概括講緊咩。

樓主可以比小朋友看一個數量的圖，看看是偶然捉不到重點，還是大部分都唔得。

MrBeast

Yanamami 發表於 19-1-19 10:27
其实我諗紧……係咪从小幼稚園已开始係禁？点解唔早d开始引导？如果平日講野都無離头，会唔会社交都有问題 ...

我都覺得某程度上社交/語言治療班會幫到

Olympian

小余 發表於 19-1-17 15:55
看圖說故事:明明幅圖係講緊好多人在主題樂園排隊玩，其中有小朋友太熱暈倒。
佢卻係話有個小朋友玩完唔洗手 ...

小四說話能力應該開始用一幅圖去講一個故事。你可以上網下載小六TSA Past Paper 的圖給他練習。

每幅圖問小朋友：誰是主角、主角發生了什麼事和起因。如果他講不出來，就要教他從圖畫中找出提示。例如小朋友中暑，你要圈住個太陽和主角流汗的部分，引導他講出發生何事。

至於你所講的作文描寫文寫了記敍文的問題。要知道小朋友小一至小三都是寫記敍文的，小四剛開始寫描寫文。描寫文和記敍文確實又有幾分相似。想想記敍文不是經常也有描寫成分？

不過，記敍文主要記事和帶出道理。描寫文主要描寫景物，少許記事，尾段不會講道理。頭段和尾段都是讚美你所描寫的東西。

Yanamami

tutik 發表於 19-1-19 08:26
佢有冇睇慢畫習慣？咖啡/花生果啲呢，考試/平時功課練習叫佢習慣在每張圖寫底相關词语先開始起筆，目的唔想 ...

睇老夫子最好了，我地以前凡同阿媽去飲茶就带本老夫子或兒童樂園去~

Yanamami

其实我諗紧……係咪从小幼稚園已开始係禁？点解唔早d开始引导？如果平日講野都無離头，会唔会社交都有问題？同学觉得九唔搭八，溝通唔到？禁就唔止考試低分禁简单……

tutik

佢有冇睇慢畫習慣？咖啡/花生果啲呢，考試/平時功課練習叫佢習慣在每張圖寫底相關词语先開始起筆，目的唔想佢太心急，谂多下。

洋蔥頭媽咪

恕我直言，樓主小朋友明顯係理解力弱，理解唔倒别人所指，通常理解唔倒自然表逹能力亦會出問題，词不達意/作文離题，若考公開试通常實炒。
孩子已經高小基本上思维開始定型，唯有找專科老師，训練佢睇多啲、做多啲不同圖片/情景，仲要睇多啲書，唔係齋睇書係要明白，家長要多啲同佢讨論。

MrBeast

小余 發表於 19-1-17 15:55
看圖說故事:明明幅圖係講緊好多人在主題樂園排隊玩，其中有小朋友太熱暈倒。
佢卻係話有個小朋友玩完唔洗手 ...

只要退一步諗下便見到答案，以第一個eg, 若佢冇試/見過熱暈倒，咁自然就諗唔到，但至少佢都有嘗試，都要讚下。
solution: 增加生活經驗，話明經驗，是要累積，有冇shortcut? 有，我選擇看劇，但devil in the detail, 看時可"討論"下一些前因後果，記住係討論唔係考試

shadeslayer

Yanamami 發表於 19-1-18 23:44
哥，帖題寫明係高小呢~

初小，可以放鬆下，高小，又不是一條龍，便要攪攪佢。唔聽教，都要看開啲。

小余

Yanamami 發表於 19-1-18 21:28
可惜係LS係要食蛋呀~

係呀，唔好話考試，就算係同人之間的溝通都會好有問題，我哋聽到都扯火。
但我哋真係唔知點幫佢

Yanamami

shadeslayer 發表於 19-1-18 22:45
本帖最後由 shadeslayer 於 19-1-18 22:48 編輯

咁改卷，聰明仔也可能吃蛋。如果真係聰明仔，真係畫得 ...

哥，帖題寫明係高小呢~

shadeslayer

Yanamami 發表於 19-1-18 21:28
可惜係LS係要食蛋呀~

咁改卷，聰明仔也可能吃蛋。如果真係聰明仔，真係畫得不好，真係想像力豐富，初小，可以放鬆下啫。

無生活經驗，孩子又想像力豐富，要答中即要背標準答案，初小就來。。。，幾時到大。

Jane1983

幾年級？第一個例子，可能係圖唔清楚，會錯意都唔奇。事實上無生活經驗的小朋友，一時想唔到太曬會中暑暈低亦唔奇。但第二個例子，題目寫明係描寫文，要描寫風景，佢寫咗第二樣，係無認真睇題目。

叫小朋友作文時要睇3次題目，想清楚、有mind map，先落筆寫作。寫完第一段亦要再檢討吓有無離題。

Yanamami

shadeslayer 發表於 19-1-18 17:43
好似無問題呀？答不中可能係圖畫得差未頂，或者小朋友想像力豐富。

可惜係LS係要食蛋呀~