三歲半自傾仔 k1 開學一個月已被校長及老師問會否轉校

monictw

大家好，仔仔係輕度自傾，剛讀主流幼稚園k1 , 佢最大問題是對做早操，聽故事，唱遊等大部份活動無乜興趣就周圍走，在禮堂做大早操就更甚，走到幼稚園大門口話要搵媽媽，而校長及老師亦明示仔仔咁樣會影響其他人上堂，其他小朋友會有樣學樣，同埋要額外人手睇住我個仔。 聽完當然心情直插谷底，當初我一早同班同講亞仔有自傾係想班主任體諒我仔，可能係我一相情願，又可能亞仔真係帶比其他人太多麻煩。
其實仔仔下午會返E 位，幼兒導師都覺得校長太早就叫轉位，小朋友要時間適應同埋做訓練。 佢亦比左建議我叫老師係仔仔活動範位地上畫個圈，如果仔仔唔出界就稱讚及獎勵 (仔仔係單對單訓練呢個方法係OK)，但老師會否做係另一回事。 而校長有個OFFER 比我就係暫時允許我陪仔仔上堂，背後意思應該係一來有人睇住佢影唔到其他人，二來睇下仔仔情況再問下幼兒導師意見。。

各位同路人，其實的睇過其他POST 都有自傾甚至無自傾小朋友都有周圍走影響他人行為，請問有無過來人分享教育經驗？ 而校長個方法會唔會令亞仔習慣左會陪佢返學依賴左？我呢個MOMENT覺得好無助。。

carmen0123

回覆 Lena211 的帖子

我小朋友學校都有到校服務, 由N班到依家K2, 小朋友都有周圍走.... 但依家當然少左. 一個學年有一次觀課, 有一次我去睇我小朋友, 佢一停出位, 出班房, 轉圈. 那一刻我都替老師辛苦, 要安定我小朋友, 又要令其他小朋友唔好跟, 但學校從無叫我退學, 仲安排社工見面到排到到校服務. 我覺得你間學校雖然有到校, 但本身唔想處理SEN 既小朋友. 希望你加油吧. 小朋友大D 會進步的.

Lena211

monictw 發表於 18-10-19 23:52
你仔仔都係K1? 明白你既感愛, 當初我放棄 I 位 而揀主流+ E位 都有諗過被問'轉校' 呢個問題..的確好心痛.
...

我宜家先有時間上黎睇番。最近學校打黎同我講話1月觀課果3日，我仔都要帶去其他課室由其他老師睇住。字面上就話唔想我同小朋友難受，因為其他家長未必理解，會有批評同唔友善既目光。我第一下係覺得學校歧視我小朋友，所以直接將佢抽走唔好俾其他家長見到同影響佢學校聲譽，但搞笑既係間學校有到到服務。

monictw

JanPY 發表於 18-10-22 22:03
我囝仔而家二歲十個月...一歲半時係私家confirm自閉症...已經即時開始training....之前上私校N班又係投訴到 ...

你地做得好好呀,無錯所有決定出發點都在於幫到小朋友, 其實我都聽到好多CASE可以由S出返主流, 希望你小朋友都得啦.加油!

monictw

carlabee 發表於 18-10-22 15:43
回覆 monictw 的帖子

好明白你的感受, 其實你可以考慮讀I位, 因為有特殊老師額外照顧小朋友, 而且每天都有 ...

我有諗6過如果而家主流+ E位唔掂都會叫社工安排返轉I位, 仔仔慢慢開始有好轉, 希望比多D TRAINNING佢會見到效果

su-bb

JanPY 發表於 18-10-22 22:03
我囝仔而家二歲十個月...一歲半時係私家confirm自閉症...已經即時開始training....之前上私校N班又係投訴到 ...

係呀，我認同你嘅講法

JanPY

我囝仔而家二歲十個月...一歲半時係私家confirm自閉症...已經即時開始training....之前上私校N班又係投訴到我驚...而家囝上咗津貼主流K1下午班...學校好包容...都照顧到我囝...但始終冇特殊幼師...如果真係要囝學到課本知識...好困難...咁啱上個月排到CAC評估...我囝主要係言語同理解出問題...同醫生傾完...我同老公決定由E位轉排S位...希望有專業人士跟...佢真係學到課本上既知識...唔想因爲我哋對“特殊”呢兩個字既抗拒而耽誤治療嘅黃金期...因為我囝係細B可以之後考慮出返主流repeat K3先再上小一

carlabee

回覆 monictw 的帖子

好明白你的感受, 其實你可以考慮讀I位, 因為有特殊老師額外照顧小朋友, 而且每天都有半小時訓練, 特殊老師好有經驗, 好識點教 SEN 小朋友‧而且好多SEN小朋友入讀兼收幼稚園都會明顯有好大進步, 你可以認真考慮一下.

我個人覺得I位比E位好, 因為大人和小朋友不用舟居勞動去訓練地方, 每日在兼收幼稚園都有主流小朋友 + 特殊老師照顧, 對大人和小朋友都好好.  

su-bb

monictw 發表於 18-10-19 23:44
你講得好岩, 我覺得SEN 小朋友需要有愛心耐性老師多過讀名校我仔仔而家情況有D似你形容咁, 我仔好中意巴士 ...

先做左詳細嘅評估，先知道小朋友有乜嘢特別需要再俾適當嘅訓練佢，其實坊間有好多唔同形式嘅訓練方法，例如：協康會，都明白係好急想把握訓練機會，另一方面亦都唔可以咁亂，要上網睇多啲資料，了解一下唔同嘅學習訓練方法，大家都係過來人，有乜嘢問吓，有好多人都答到嚟㗎，可能最後check 咗冇事呢,加油(emoji)(emoji)

monictw

Lena211 發表於 18-10-19 20:43
我今日都有收到學校電話問阿仔幾時可以番s位(emoji)(emoji)真係喊左出黎，即使幾明白阿仔會遇到既困難，我 ...

你仔仔都係K1? 明白你既感愛, 當初我放棄 I 位 而揀主流+ E位 都有諗過被問'轉校' 呢個問題..的確好心痛.
你仔仔係學校情況如何?

monictw

回覆 mamaa01 的帖子

其實我都係開左呢個POST先知有影子老師呢樣野我老公都陪仔仔返左兩日學.老師話都有正面影響
咁我老公算唔算影子老師?
又抑或 影子老師係我出面請返黎?
sorry 咁多問題 ..我真係唔太知係咩

monictw

su-bb 發表於 18-10-18 12:43
我女之前有返過密集班，見佢係慢慢有進步至到可以入小組。個人覺得搵到適合嘅學校好緊要，因為老師治療師 ...

你講得好岩, 我覺得SEN 小朋友需要有愛心耐性老師多過讀名校我仔仔而家情況有D似你形容咁, 我仔好中意巴士同玩門, 係學校當佢有行為問題
例如:唔聽指令及周圍走玩門 老師就會比架巴士佢咁佢就會定落黎
其實我同先生都覺得呢個唔係一個好既方法,但我都明白老師唯有係咁先可以令我個仔唔影響到其他人
變左我仔有巴士在手,佢就唔會參與課堂活動..變相成為你講既坐埋一邊既學生亦都學唔到野..
唯有同自己講 開始個半月..再比時間仔仔適應..

Lena211

我今日都有收到學校電話問阿仔幾時可以番s位(emoji)(emoji)真係喊左出黎，即使幾明白阿仔會遇到既困難，我都預計過係會收到呢啲電話，但聽到都係忍唔住。

su-bb

monictw 發表於 18-10-13 22:45
回覆 BB0318 的帖子

仔仔間學校係北區一間普通學券幼稚園， 唔係出名的。我都明白咁樣會好影響其他小朋友 ...

我女之前有返過密集班，見佢係慢慢有進步至到可以入小組。個人覺得搵到適合嘅學校好緊要，因為老師治療師始終都係專業啲，係幼稚園老師普遍未識得教佢哋，就算佢哋識有耐性，其他小朋友也要照顧。其實特別需要嘅小朋友好有機會都係坐埋一邊或者由得佢走來走去，咁樣佢完全學唔到野，老師都係愛莫能助。

monictw

回覆 BB0318 的帖子

仔仔間學校係北區一間普通學券幼稚園， 唔係出名的。我都明白咁樣會好影響其他小朋友， 唯有試下同佢上堂同埋畀訓練佢 ，如果真係唔得係唯有真係轉去學其他學校。。Anyway 謝謝你

monictw

回覆 maxm838 的帖子

請問你有無額外比訓練佢?

monictw

回覆 maxm838 的帖子

聽到都替你開心，你又遇到好老師，仔仔班主任似乎不太想比多啲時間佢，佢同我講佢都要照顧其他小朋友，會對其他人咁公平。。 anyways 可能真係要比時間仔仔適應

monictw

回覆 maxm838 的帖子

謝謝，但我唔太清楚aba係咩，不過我會上網了解下