本帖最後由 hkpapa852 於 20-4-27 11:58 編輯
每年到要填報升中統一派位表格時，不少家長都會問，到底該如何填好呢？
填表前，家長最重要知道，小朋友大概是屬於那個派位組別，然後，謹記以下一點派位原則：
統一派位時，完成每一派位組別所有學生的派位，再為下一組別學生進行派位
即是說，就算有B1組別學生乙30都派唔到，或派位表作廢，EDB也會先為他們安排學位，才再為B2組別學生派位。
呢一點好多人都知，但為何還要強調呢？
好簡單，因為大多數人都只係“知道”，而沒有認真去理解呢一點既重要性。
其實不論在那一個校網，不論那一個派位組別既學生，填表都需要謹記一個策略：
必須盡填名單中所有本區和他區同水平既學校，再加至少三間次一水平既學校
點解呢？我又舉幾個例子去解釋一下。
疑團（一）在B1學額充足的地區，B1學生也只派到B2中學，是否派位系統出錯？
九龍城KL3一向出名B1學位充足，但偶然也會聽聞，有B1學生派唔到B1中學，點解呢？
其中一個情況可能係咁，該學生既統一派位表排序大致如下：
乙1：華英，乙2 旅港，乙3 銀禧 ...... 乙10丘佐榮,乙11何文田官立
最後派入了何文田官立，點解呢？唔係話B1學位夠，最差都只係入丘中嗎？
其實主要原因，就係因為家長 沒有在派位表上盡填所有可選既B1中學
A) 原因1：錯誤理解B1學位足夠既意思
校網有否足夠B1中學學位，係以本區和所有他區B1中學學位，對照區內B1人數去估計。所以就算所謂有足夠B1中學學位，實際係指＂本區和他區＂全部B1學額一起計算。所以如果只填本區B1中學，或只填部份B1中學，實際機會係會低咗，自然會由 夠位變為不夠位。
B) 原因2：對手選擇的影響
統一派位，除了運氣外，從來都係一個搏奕遊戲，你永遠無法估計對手既選擇，但你既機會，會隨著對手既選擇而改變。
參考以上案例，假如當年大部份學生家長，都採用保守策略，把丘佐榮放在乙7/8，咁如你放乙10，自然唔會再有機會入到。
但如按照建議，把其餘本區和他區B1中學都放在丘佐榮後，才放何文田官立，相信最後不會派入何文田官立，而是入了他區B1中學。
就算在所謂B1學額充足既地區，如你堅持只想入讀本區B1中學而不填他區B1中學，最差的情況，你是否接受 最後只入讀本區B2中學而不入讀他區B1中學，家長要自己衡量。
疑團（二）在B1學額不足的地區，B1學生盡填B1中學，會否派得好差？
在B1中學學額充足既地區盡填B1中學，相信大家會明白，但為何在B1中學學額不足既地區，也要盡填B1中學，這樣會否派得好差呢？
在B1中學學額不足既地區，點都一定有一班B1學生，要派入B2中學。正如荃灣區NT2，不少人會乙1：荃官/可風/何傳耀，乙2：王少清，乙3：區內B2（如廖寶珊）。最後，自然會有一些B1學生派去乙3。
咁有咩問題呢？問題在於：放棄了執雞的機會。
如果大部份人都係咁排，咁他區既B1學校（如沙蘇），即係 乙1和乙2都沒有人選，那誰在乙3選進就有機會執雞。
另外，就算大部份人將3間熱門B1中學都放乙1，是否代表3間學校係乙1都一定收晒無位剩呢？如其中一間有1/2個剩，咁個個係乙2/3都唔選，那誰在乙3搏執雞就會執到。
記著，派位係B1學生先派，B1學生派得再差，正常也只會係統一派位表上填既B2中學（如區內B1位嚴重不足，即區內有一間或多區非B1既全英中，咁填表時要填上至少三間B2中學）
各位家長還請謹記: 學校老師，同學家長，親友以至網友，總會為你提供一些意見，自己必須細心分析。因為最終要面對派位結果的，只是你自己和小朋友。
延伸參考： 【家長反思】B1學生大抽獎有咩學校係填咗都會入唔到？ | 
發表於 18-4-23 10:22
