學童運動多 英文叻計數快 逾半港生每日不足1小時

小時了了

晴報 Sky Post 2018/02/21
https://skypost.ulifestyle.com.hk/article/2014537/學童運動多%20英文叻計數快

港童功課繁忙，未必有足夠運動量，但有研究指，多做運動的兒童及青少年，數學及英文科奪A的比率，會較同輩高20%。衞生署發表報告指，運動可刺激腦部血液流動，促進神經元發展，提升專注力。惟本港學童在體能活動表現差劣，有學者指運動與學習能力有正面影響，建議每日應累積運動1小時，可分段進行。

衞生署新一期《非傳染病直擊》發表最新報告，指美國有針對1.2萬名青少年的研究發現，活躍於參與運動或體能活動的學童，在數學及英文科奪A的比率，較不活躍的同輩高20%。
奪A率高2成 自信自尊俱增

報告解釋，身體活動會影響腦部生理機能，增加腦部大腦皮質層、海馬體的血管生長及血液流動，並促進神經元的發展，及神經突觸的可塑性。學童在進行體能活動後，會有適當的課堂行為及更專注學習。隨着兒童成長，進行適合其發展的體能活動，可提升其需要思考能力及工作記憶的科目，例如數學及閱讀。另外，有證據顯示，參與運動的學童，因有良好的自我形象及體能技巧表現，亦會提升自信心及自尊心。

但報告同時引述2016年香港兒童及青少年體能活動報告卡顯示，香港兒童及青少年在整體體能活動方面表現差劣，評級為D，即少於半數兒童及青少年，達到世衞建議的每日進行1小時中等強度至劇烈強度的運動。而家庭支持方面亦強差人意，評級同為D，只約有30%兒童及青少年，每周最少1次與父母共同參與體能活動。

重成績輕體育 課外活動大減
報告指，由於本港學校要確保學生有良好考試成績，往往不把體育課視為重要課程。學童放學後，因密集的「額外」補習，遊玩空間不足或增加使用電子產品，故參與動態遊戲及課外體能活動的機會顯著減少。報告建議5至17歲的學童，每日累積至少1小時中等至劇烈強度運動，學前兒童更應每日分段進行至少3小時的體能活動。

香港浸會大學體育學系副教授雷雄德稱，研究顯示運動與學習成績有正面影響，因運動能提升腦部血液循環，認知、分析及免疫能力等更有效運作，「令腦部更健康，但不等於會變聰明，IQ不會由70急升到300。」他又稱，留意到近年學童的功課壓力大，建議每日的1小時運動可分段進行，例如上學前或小息時跑步15分鐘，放學後可打籃球、排球等。

常坐少伸展 柔韌度追不上骨生長
運動亦影響兒童成長，亞洲運動及體適能治療中心（AFTC）高級物理治療師林嘉舜說，近年參加矯正姿勢及身高課程的學童大增逾倍，年齡為12至16歲，絕大部分為身高較同齡偏矮或體型過胖，「主要因為少做運動，經常坐着做功課、玩電腦、電話等」，林更指部分學童因無做充足伸展運動，令肌肉柔韌度追不上骨骼生長，提醒除了運動外，亦要做伸展運動，例如拉筋。

兒科專科醫生陳作耘亦稱，留意到香港的學童欠缺運動，令邏輯思考能力受到限制，他解釋在醫學上，運動除能增強肌肉、平衡力外，亦可產生安多酚及增強腦部血液循環，有助學習能力。

MrBeast

crysta2l 發表於 18-3-2 14:19
阿女尼排運動堂玩跳繩, 同佢一齊去公園跳.發現自已好弱弱.... 最多跳到30下就唔惦, 不是因為CLICK繩, 是唔 ...

是要好多體力，尤其rocky 咁

crysta2l

little_yolky 發表於 18-3-1 14:40
屋企樓底邊有咁高可以跳繩? 而且跳繩會俾樓下投訴。

阿女尼排運動堂玩跳繩, 同佢一齊去公園跳.發現自已好弱弱.... 最多跳到30下就唔惦, 不是因為CLICK繩, 是唔夠氣

Jane1983

IloveJJ 發表於 18-3-2 10:29
條數唔一定咁計。
有人換車、買名牌袋、去旅行之餘，仍然有錢培育子女。
有人已經無買車、無買名牌、無去 ...

係ga，做人幾時都係睇餸食飯。做父母係要好好計劃家庭財政，所以我從來唔會同人講一定要考直私國際呀、出國留學、名師補習或者做Ftm等，因為呢d唔係重點。為栽培仔女，搞到屋企經濟緊張，家嘈屋閉，完全唔值得。太吃緊，就不如讀官津、零補習、平學體藝，教得好一樣會出頭。

little_yolky

littlelamma 發表於 18-3-1 06:24
其實運動好處真的很多，單單增強身體抵抗力已經很好。大人細路一齊做，香港人成日話忙，其實每天運動可以用 ...

屋企樓底邊有咁高可以跳繩? 而且跳繩會俾樓下投訴。

MrBeast

little_yolky 發表於 18-2-27 16:11
我唔明點解, 我真係唔明點解。阿大暑假一個禮拜7日, 我安排咗5日有氧運動俾佢, 包括：游水、中國舞、粵劇基 ...

咁啱utube 看到
https://youtu.be/U3oI104STzs

in short, 除了之前大家建議的，可試下whole grain, eg 紅米、麥包、etc

MrBeast

somoon 發表於 18-3-1 07:44
你咁醒識拉筋既……我當年都有行毅行者但就無拉筋……ouch.... 好彩後生無受傷！
...

就是因為行完第一次勞損受傷，sadly 係 learnt from my mistake ，好彩睇開e生 refer 去有e德的physio，佢仲話我去比佢拉無任歡迎，好樂意收我五舊

somoon

....

MrBeast

littlelamma 發表於 18-3-1 06:24
其實運動好處真的很多，單單增強身體抵抗力已經很好。大人細路一齊做，香港人成日話忙，其實每天運動可以用 ...

小巴地鐵分段，早一個站落有時仲可以han 一兩蚊，尤其e加未熱，一舉兩得

littlelamma

其實運動好處真的很多，單單增強身體抵抗力已經很好。大人細路一齊做，香港人成日話忙，其實每天運動可以用很小時間，堅持每天在家中跳幾分鐘繩，心肺功能已經有提升

MrBeast

shadeslayer 發表於 18-2-28 19:43
本帖最後由 shadeslayer 於 18-2-28 20:14 編輯

其實拉筋係高強度運動前和後先要。我唔知等車凍拉有乜 ...

我是當年行毅行先知拉筋的主要性，和原來係要花好多時間先拉得鬆，e加無做咁多運動但肌肉都好緊，緊咪要拉law，當為保健，等出問題時拉乜都無用

Jane1983

MrBeast 發表於 18-2-28 19:24
看michael chang，5尺9但成績都好好，體育另一possible好處是訓練在迹境中如何取勝，有時都要用下腦。 ...

佢係難得。可惜英雄遲暮，近年髮綫後移又肥咗，男人又係運動員，好少keep得咁差。

shadeslayer

little_yolky 發表於 18-2-28 15:47
一開始就咁chur, 好辛苦架。
我工作地點同屋企附近都係山路, 即係上斜落斜啦。其實我日日放工係行落山10分 ...

上落斜覺辛苦，可行慢D。

再唔係揾條平路三十分鐘急行，唔會辛苦。

shadeslayer

MrBeast 發表於 18-2-28 18:05
只要慢慢拉，其實唔會有大問題，尤其唔夠時間，等車之類的時間可以盡量用 ...

其實拉筋係高強度運動前和後先要。我唔知等車凍拉有乜好處。

MrBeast

Jane1983 發表於 18-2-28 18:38
本帖最後由 Jane1983 於 18-2-28 18:38 編輯

除非嚴重先天不足，如生得太矮，否則努力係好緊要，用心亦 ...

看michael chang，5尺9但成績都好好，體育另一possible好處是訓練在迹境中如何取勝，有時都要用下腦。

Jane1983

little_yolky 發表於 18-2-28 17:47
但係實在太貴了, 普通衫要有唔同色迎合唔同角色, 屋企衫又話唔一樣, 做妹仔又一件, 做神仙又話唔同, 仲要 ...

又無想過要買咁多咁貴的gear，咁樣點得，幾多家庭願意吓吓使咁多錢買d着一兩次的頭飾和戲服

Jane1983

MrBeast 發表於 18-2-28 17:59
我覺得係7分努力3分天份

除非嚴重先天不足，如生得太矮，否則努力係好緊要，用心亦會激發小宇宙，變成有天分。

不過體育要好叻，係成日要操住。朋友個仔的師兄游泳好勁，學界有攞牌，考完大學後個暑假週遊列國無操水，以為自己爛船實有三分釘，點知開學試水，連校隊後備都無。

MrBeast

shadeslayer 發表於 18-2-28 13:02
注意係要熱左身才拉筋，「凍拉」不宜。

只要慢慢拉，其實唔會有大問題，尤其唔夠時間，等車之類的時間可以盡量用

MrBeast

Jane1983 發表於 18-2-28 13:48
係，所以做人好公道。要做得好就要努力，唔係使錢就得。

我覺得係7分努力3分天份