把握自行收生機會 按能力報心儀中學

elbar

升中「自行分配學位」已經展開，家長可通過兩個選校機會，為子女選擇心儀中學。


　　昨天是二〇一八年的第一個上學日，Elsie先跟各位說聲新年快樂，祝大家今年勝舊年。聖誕及新年假期完結後，亦是下學年官津中學升中「自行分配學位」的申請時間。由即日至本月十七日，子女就讀小六的家長，可以到全港任何兩所有參加派位的中學遞交申請表。凡參加自行分配學位的官津中學，可有最多三成的中一學額作自行收生，其餘的學額則有六成半給予統一派位，剩餘的學位則留給重讀生；至於參與派位的直資中學，則可有多於三成的自行收生學額，結果將於今年七月十日公布。

　　中學經歷多年適齡學童人口下跌後，現時人數已開始回升。教育局早前表示，截至去年十一月，參加本年度中一派位的小六生，約有五萬零三百人，較上年度增加三千一百人，換言之，今年升中派位的競爭，會比往年激烈；部分地區，例如北區和大埔有擴班的情況，家長為子女選校時應特別留意。

　　就今年的選校形勢，Elsie也問過多位校長，普遍都認為家長選校時，應根據子女的能力和性向，並善用「自行分配學位」兩個選校機會。香港中學校長會主席兼嗇色園主辦可譽中學暨可譽小學校長李雪英表示，今年中學的中一學額跟學生人數相近，估計剩餘學額數目不會很大，建議今年家長選校時要更加務實，因應子女的特性、能力和專長來選校。

　　在「自行分配學位」階段，家長有兩個選校機會，過去幾年中學適齡學童人口下跌，中一學位過剩，有部分升學專家會教家長，如果真的非常心儀某所學校，可以在「自行分配學位」只選一所學校，即使在該階段未能獲心儀學校取錄，仍可以在「統一派位」階段，通過電腦派位，再博取多一個選校機會，避免派去「自行分配學位」的第二選擇。

　　不過，在今年升中學生人數增加的情況下，在「自行分配學位」只選一所學校，無疑太冒險。李校長認為，在一般情況下，家長在這個階段的兩個選校選擇，可以是「一所略為諗高少少，另一所則要腳踏實地」；然而，如果子女屬於尖子，家長明白子女的能力可及某些學校水平的話，也可因應他們的能力選校，毋須刻意調低子女的水平選擇。

　　「家長選校時，要知道學校的發展方向，是否跟子女配合，例如學校的音樂、體育發展得很好，而子女又有才能就可以考慮；相反，有些學校非常注重學術水平，較少發展課外活動，家長就要考慮是否適合子女。」李校長說家長通過口碑、學校網頁等，都可了解學校的發展方向。

　　Elsie亦問過香港津貼中學議會主席兼基督教宣道會宣基中學校長潘淑嫻，她說雖然中學適齡學童人口回升，但各區學童人口增加情況不同，現時已知北區及大埔需要擴班，兩區的中一學額將增加，當中包括全開英文班的中學，所以如果子女能力配合學校水平的話，兩區家長選校時也可較進取；至於其他地區的家長，同樣可因應區情選校，但最重要的，是以子女的能力和興趣為本選校。

　　在「自行分配學位」階段，絕大部分學校都需要面試，Elsie曾跟不少校長傾過，知道學校面試的原因，除了是核對申請人的資料外，也是想了解申請人的語文能力、學習態度、與人相處的態度等因素，是否適合在該校就讀，也想了解申請人的潛能，是否可以配合學校發展等，所以學校也很希望學生以真誠態度參與面試，不要說謊或誇大自己的能力，表現自己最真的一面。

　　不過，面試表現始終有一定分數，完全空槍上陣，也顯得對學校和自己的不尊重，所以基本的面試準備仍然需要有。李校長說，基本的面試準備，最起碼要了解所申請的學校特色、背景認知等。「學校亦會期望申請人，認識所報讀的學校和特色，其他方面則毋須特別準備。」

　　距離截止交表時間尚有兩個星期，Elsie也提醒家長要多搜集資料及比較，交表前要掌握學校的收生準則，看子女是否達基本要求，否則隨時連面見的機會也沒有。此外，部分受家長歡迎的學校，在「叩門」階段會要求申請人在「自行分配學位」及「統一派位」的第一志願選擇該校，才有面試機會。所以家長選校時，應作多方面考慮，審慎選擇，才可為子女選到理想的中學。

希嫙mama

其實我覺得天才係有，但唔會成間b1 學校都係天才生。大家考既都係果份 dse 卷。神童去哂神校， 但普通地區b123 學校，點解會覺得b1 學校追唔上，b2 學校就會跟得到？ 點解唔直接揀b3 學校，咁咪必定唔使讀都跟到？   我自己覺得普遍學生都唔係天才，都係靠努力，專心。 只係b1 學校聚左較多再努力 d 既學生。 佢地都會打機，講粗口，但同時間佢地會多著緊學業上。 b2 學校既學生唔會舒服得去邊，只係選擇放多時間落讀書既學生冇b1 學校咁多。所以我係認同朱赤論，中學生最喜歡跟朋輩，能夠近大多數讀書既人，自己都唔敢咁懶。

29XX86

os_ecu 發表於 18-1-3 14:31
"面子問題" 放得低又談何容易.

入到1A校，近朱者赤，更加係神話 > 呢個我個人覺得機會率既問題, 個人覺得, ...

呢個POINT我絶對認同, 正所謂學好三年, 學壞三日.

YDLFATHER

王家爸爸 發表於 18-1-3 15:14
其實B1C同B1A學生既能力差距好大。只係大部分人唔願意接受呢個現實，更加唔駛講話承認。 ...

的磪如此:donutloveeye:

jojoplanet

王家爸爸 發表於 18-1-4 10:35
我會同小朋友講，中一可以係中下游，中二只可以係中游，中三需要係中上游。因為好多學校熱門科目開兩班，如 ...

我仔未到呢階段...有D家長無乜諗呢個問題入咗間小朋友駕馭唔到既學校中三成績唔好選唔到心儀既科到高中更加無心機讀書..

王家爸爸

jojoplanet 發表於 18-1-4 10:25
我成日同仔講...頭10-15%係天生叻...尾10-15%點追都追唔到..你係中間..一定要努力向上游..係呢70% ...

我會同小朋友講，中一可以係中下游，中二只可以係中游，中三需要係中上游。因為好多學校熱門科目開兩班，如果五班中四，即係需要前40%先可能保證揀到心愛既科目；如果四班中四，即係需要前50%。

jojoplanet

王家爸爸 發表於 18-1-3 18:27
精英班頭幾名一般都係喺某啲方面有特長。

我成日同仔講...頭10-15%係天生叻...尾10-15%點追都追唔到..你係中間..一定要努力向上游..係呢70%既人中盡量上前.

王家爸爸

Hellomimi112 發表於 18-1-3 18:18
莫講話B1A同B1C距離遠，我見以前仔讀精靈班考1同考37果個成績距離都相距好遠。
...

精英班頭幾名一般都係喺某啲方面有特長。

Hellomimi112

王家爸爸 發表於 18-1-3 15:14
其實B1C同B1A學生既能力差距好大。只係大部分人唔願意接受呢個現實，更加唔駛講話承認。 ...

莫講話B1A同B1C距離遠，我見以前仔讀精靈班考1同考37果個成績距離都相距好遠。

Hellomimi112

Junjun7 發表於 18-1-3 17:05
好搞笑，次次考完都估佢考五六七八九名，但結果出來都是意外，次次佢都可以考到最前，小朋友真係估佢唔到啊 ...

所以小朋友屬於一沉不起定一見前面有目標就想辨法追，父母必定最清楚小朋友屬邊類的。心理質素高，但能力未到，入到勁校如虎添翼。小朋友心理質素唔夠好，力有未逮，很難近到朱者就赤。如果咁易，就唔會成日放完長假後返學就有學生跳樓事件……所以揀一間自己小朋友合適及應付得到的學校實在很重要。

Junjun7

王家爸爸 發表於 18-1-3 12:09
即使係普通官小，如果考前幾名，都唔差。去到好top既中學都未至於墊底，亦都唔需要諗中中。 ...

好搞笑，次次考完都估佢考五六七八九名，但結果出來都是意外，次次佢都可以考到最前，小朋友真係估佢唔到啊！所以我應該相信佢有呢个能力讀好書

Junjun7

mcl203 發表於 18-1-3 11:53
用我個人小小觀察...引用我小朋友舊校同學做例子
我並唔同意成績1C-2B成績入讀1A中學會讀唔掂
中學學科近乎 ...

都係保持平常心，入到先算吧

os_ecu

Tang614 發表於 18-1-3 15:52
我不是名校出身，在中學是級十，我以前都不覺得唔讀名校有什麼問題，直到入U, 出嚟做嘢，結婚，生仔，才發覺朋輩，老婆，同事，到阿叔輩嘅都繼續，經常，偶然，特登，唔覺意，會講他們在名校的經歷，結識的朋友，參加的團體，現在的名校舊生圈子，人脈關係，和其他名校生嘅互動，和一些同一名校畢業嘅社會名人扯上關係(其實冇關係)，貴族一般嘅自豪......
所以我開始不得不承認在名校包尾係好過係普通學校級十，中學成績係六年，名校“冠冕”係一世

Exac7ly,

但呢度有好多人擁抱數據, 又話愉快學習揀間適合乜乜物物. 有頭髮邊個想做 幟哥 吖 (入到你唔入喎).

jojoplanet

Tang614 發表於 18-1-3 15:52
我不是名校出身，在中學是級十，我以前都不覺得唔讀名校有什麼問題，直到入U, 出嚟做嘢，結婚，生仔，才發 ...

無錯, 做得名校梗係成績好, 成績好自然多人入U, 專業人士. 高職位, 人工高...成個圈子都係比較高尚...識多D呢D人出黎做事connection 當然會好. 但係未到出來做事, 如小朋友係讀書個幾年如果成績唔好, 自我形象會底(當然depend on 小朋友心理質素好唔好)....vs 小朋友係一間普通學校但讀得開心, 成績好自我形象高..
其實2樣都無錯, 只係父母想自己小朋友過一過咩既童年..

jojoplanet

王家爸爸 發表於 18-1-3 13:08
其實小朋友開竅未，盡咗幾多力，盡責任既家長一定知道。只係有啲家長會覺得面子問題，放唔低。
入到1A校， ...

我見一個個案, 小學入咗LS但係每月成萬銀補習, 媽媽無做野都係讀唔掂, 由小四我同佢媽媽講同佢轉校但媽媽聲稱個仔唔肯轉校, 但同時又話個仔任佢舞...升中入番LS..但結果係小學時年年包尾個批變咗係中學最尾個位....我覺得全完係媽媽放不下"LS"呢個校名..

王家爸爸

同樣道理，奶媽同薯片叔叔選特首時，都有去學校認祖歸宗。

王家爸爸

Tang614 發表於 18-1-3 15:52
我不是名校出身，在中學是級十，我以前有都不覺得唔讀名校有什麼問題，直到入U, 出嚟做嘢，結婚，生仔，才 ...

名校生對學校有份歸屬感，好似呢位仁兄咁，公司喺NASDAQ 上市，都要著校服影下相。

王家爸爸

YDLFATHER 發表於 18-1-3 15:51
B1C生需要較谷D學校適合, 自主讀書型學校唔適合

睇小朋友既性格，如果係四方木，較谷既學校適合啲，因為經常有老師踢佢，每踢一腳，起碼佢會碌一碌。

王家爸爸

emibaby 發表於 18-1-3 15:52
b1a 同 b1c既成績都可能差幾分姐，只要肯讀書實力應該差不多(資優除外)

現實比想像殘酷。

emibaby

王家爸爸 發表於 18-1-3 15:14
其實B1C同B1A學生既能力差距好大。只係大部分人唔願意接受呢個現實，更加唔駛講話承認。 ...

b1a 同 b1c既成績都可能差幾分姐，只要肯讀書實力應該差不多(資優除外)