如何處理仔女被班中同學柸葛及言語欺凌 ?

Uncle5metal

班中有一帶頭人經常帶領其他同學柸葛、語言欺凌，甚至乎整蠱一位同學。大家如何處理 ?

encina

Uncle5metal 發表於 17-11-29 22:43
怕比完甜頭佢，佢仲以為自己做得啱，以後蝦完人有野食

不過知係邊個都好啲，如果識佢父母都可以傾下。其實聽到呢啲都好怕，所以我都同阿仔講，你返學小息唔好成日自己坐係一邊，得閒同同學玩下，我都怕我仔太內向和細粒會唔會被人蝦，所以同佢去學跆拳道，至少識保護自己先掛。老師同社工真係唔可以亂傾訴，試下老師口風先，如果聽得出唔太理想就睇下有咩方法可以幫到小朋友，如果轉校係最後嗰步都要去行，學校生活唔應該受呢啲影響。

Uncle5metal

YolandaTam 發表於 17-11-28 13:11
唉, 你講得好中, 我太好洽啦, 識我嘅人通常話我份人無火氣, 完全想像唔到我會發火. 我細個俾人欺凌, 小學時 ...

強烈建議大家去 google search 下 ［學校行政手冊］， 及 ［資助學校資助則例］睇睇。有好多野教育局對學校係有規範。唔好比學校亂咁黎！

Uncle5metal

Bigpig_2007 發表於 17-11-28 17:34
問清楚你仔仔係邊個？放學同你仔等佢，請佢食嘢，比甜頭佢擺和頭酒！

唔好諗住靠老師，處理得唔好俾人玩 ...

怕比完甜頭佢，佢仲以為自己做得啱，以後蝦完人有野食

Bigpig_2007

Uncle5metal 發表於 17-11-24 14:10
班中有一帶頭人經常帶領其他同學柸葛、語言欺凌，甚至乎整蠱一位同學。大家如何處理 ?
...

問清楚你仔仔係邊個？放學同你仔等佢，請佢食嘢，比甜頭佢擺和頭酒！

唔好諗住靠老師，處理得唔好俾人玩到仲金！

little_yolky

YolandaTam 發表於 17-11-28 13:11
唉, 你講得好中, 我太好洽啦, 識我嘅人通常話我份人無火氣, 完全想像唔到我會發火. 我細個俾人欺凌, 小學時 ...

其實佢哋係洽你淋善而已, 佢哋實情無見過真正既怪獸家長。响官津學校, 如果你成績達佢哋既升班標準, 要踢你出校唔係咁易的, 否則, 好多學校既SEN晨早俾人踢晒出去了。只能怪你哋唔夠惡。

akys

洋蔥頭媽咪 發表於 17-11-28 13:17
好睇個社工夠唔夠經驗同技巧，上到中學，班主任角色會重要得多，所以現今很多中學(由其初中)，都會頃向行双 ...

最討厭有啲學校以校譽行先，唔係站喺小朋友立場。有事盡量壓低，盡量大事化小，小事化無。前幾日見過有篇文章講VIP學生，大部份學校處理手法就係咁，事情解決唔到但淨係要受害家長唔好聲張，千祈唔好影響校譽。

YolandaTam

woyj 發表於 17-11-28 13:20
好黑暗喎……現在仍在讀？

己升中學啦, 有心

woyj

YolandaTam 發表於 17-11-28 13:11
唉, 你講得好中, 我太好洽啦, 識我嘅人通常話我份人無火氣, 完全想像唔到我會發火. 我細個俾人欺凌, 小學時 ...

好黑暗喎……現在仍在讀？

洋蔥頭媽咪

akys 發表於 17-11-28 12:40
高年班學生最唔相信嘅人就係駐校社工，因為會俾佢哋出賣。其實佢哋都知，所以阿仔今年F1入學時社工好嚴正咁 ...

好睇個社工夠唔夠經驗同技巧，上到中學，班主任角色會重要得多，所以現今很多中學(由其初中)，都會頃向行双班主任。

YolandaTam

little_yolky 發表於 17-11-28 11:27
仲乜要咁順攤? 你阿女間唔係津校咩? 要跟規矩架, 唔可以無法無天, 係我仲故意唔交醫生紙, 睇佢奈我咩何, 你 ...

唉, 你講得好中, 我太好洽啦, 識我嘅人通常話我份人無火氣, 完全想像唔到我會發火. 我細個俾人欺凌, 小學時期已經企圖自殺過三次, 你話我份人幾懦弱
當時我女肺炎, 食乜(包括藥)嘔乜, 喺醫院吊緊抗生素,  我哋又担心又攰, 冇能耐同老師玩落去.  連我老公咁硬淨嘅人都罕有地話多一事不如少一事.

以學校嘅作風, 多數會鬧到你講咁; 佢哋係唔會認自己有任何地方要改善架: 六年級嗰陣, 之前嗰屆畢業生升咗上中學部, 得單位數字入到精英班.  校長捉晒五六年級同學落禮堂訓話, 又開家長會鬧我哋家長, 話我哋教到啲女冇鬥心, 冇創意......我老公當時問: 校長, 你講咗好多我哋要做嘅嘢, 咁校方又做咗啲咩去令同學們做好啲呢?  校長話: 我哋已經做得好好... (總之校方無責任, 唔會變, 一切問題喺家長同學生度)  上到中學, 我就知道, 大部份同學啲數底真係好弱, 英文亦唔足以應付中學部. 可幸小女一向有閱讀習慣, 但都花多咗好時間喺學術上先保住中等成績.

如果真係鬧到上報紙, 出律師信, 一定要轉走.  試過有人因為俾老師屈佢作弊, 委委屈屈咁轉咗校.  

呢啲學校要整死你好多方法架. 你諗吓, 我女只不過有啲情緒問題要喺社工度開file, 再請兩星期病假已經足以令佢俾同儕孤立, 俾老師針對.  佢哋根本係想我女退學, 收番個"好"嘅插班生.  如果鬧上報紙, 出動律師, 老師應該會教一些同學設個局令我女記大過, 跟住以操行問題踢出校.

不過算啦, 已成過去.

akys

1998Ruby1998 發表於 17-11-28 02:42
回覆 洋蔥頭媽咪 的帖子

個人經驗，唔太鍾意社工。本來以為值得信任，點知所有野都話曬畀班主任聽，然後班 ...

高年班學生最唔相信嘅人就係駐校社工，因為會俾佢哋出賣。其實佢哋都知，所以阿仔今年F1入學時社工好嚴正咁話佢哋唔係隸屬學校架構，唔會打小報告咁話。信唔信得過就唔知，不過一次不忠，百次不容。

little_yolky

YolandaTam 發表於 17-11-27 14:58
唉, 你當年老師似足小女三年級個班主任呀!小女小三嗰年肺炎入院, 請咗兩個星期病假, 到第五日左右 ...

仲乜要咁順攤? 你阿女間唔係津校咩? 要跟規矩架, 唔可以無法無天, 係我仲故意唔交醫生紙, 睇佢奈我咩何, 你只要寫封信表明係請病假就得, 邊個話一定要中途俾醫生紙的? 問佢係咪學校規矩, 如佢話係, 直接問校務處是否屬實, 如佢亂講, 寫信告去校長度, 如學校真有此政策, 見校長, 問佢係咪教署規矩, 如唔係, 學校係咪想收律師信? 你太好洽了。

2jkidsfather

洋蔥頭媽咪 發表於 17-11-28 09:29
男仔同女仔最大分別係易衝動，容易被挑釁而動手或打架，我一向教仔都教佢地切勿動手，只要動手無論你幾有理 ...

You have taught your son very well!

洋蔥頭媽咪

Uncle5metal 發表於 17-11-27 17:03
我都有經常同阿仔傾計，問佢學校情況。現在情況未去到肢體欺凌果種，但係帶頭女同學經常做一 d 挑釁行為黎 ...

[size=27.6879px]男仔同女仔最大分別係易衝動，容易被挑釁而動手或打架，我一向教仔都教佢地切勿動手，只要動手無論你幾有理有據都已經輸晒，升中前亦已同佢分享遇到不同情況可以點處理。中一果年，我仔被一同學推到牆邊打左一巴，當時我仔好冷靜沒還手，事後找班主任求助，學校處理欺凌做到得相當好，當日已即時通知我，第二天學校嚴肅處理並對所有學生表明對欺凌 0 容忍，打人同學受到處分，我仔因没動手所以乜事都冇，佢keep住一兩個好朋友，從那次起至中六都再沒有被欺凌。

洋蔥頭媽咪

1998Ruby1998 發表於 17-11-28 02:42
回覆 洋蔥頭媽咪 的帖子

個人經驗，唔太鍾意社工。本來以為值得信任，點知所有野都話曬畀班主任聽，然後班 ...

社工都係打份工，睇彩數啦，不過有時都要睇情況，某程度上社工都會幫倒啲，當然老師/班主任影響都好大，由其家長嘅支援更不能少。
我大仔性格內向缺乏自信，缺乏社交技巧，社交有問題，是典型被欺凌對象，初小不合群經常被老師投訴，常被人蝦，小三果年我主動向社工求救，在校社工會融入小朋友嘅圈子，了解佢嘅困難教佢舆人相處，小四比佢参加成長的天空，教佢有問題可以有空間去求助，這一切對我仔幫助都不少，當然作為家長的我背後都不断支援佢，亦慶幸班主任十分包容，小五果年佢比個成績要好嘅資優生恐嚇話打佢，佢回家都唔敢講，幸好家人親子關係一向良好，所以較容易察覺到佢嘅問題去幫佢。

yovin

IloveJJ 發表於 17-11-25 15:54
唔係，係男友校，只是小學。

佢鼻敏感，常流鼻水，小三嗰年既老師係女性，覺得佢好污糟，加上小一二已出 ...

me too.

零食攻略。雞髀打人牙骹軟！

1998Ruby1998

回覆 洋蔥頭媽咪 的帖子

個人經驗，唔太鍾意社工。本來以為值得信任，點知所有野都話曬畀班主任聽，然後班主任就明顯對我「唔同」，之後打電話話返畀我父母聽，結果當晚父母不斷鬧我。

moniko

我女幼稚園都有呢個問題。 我覺得最好既方法係搵到自己既朋友。 就算佢地眼中， 幾個弱者走埋一齊都無所謂。 只要佢地一齊玩， 開心就夠。