今日見宣道勁想投訴個老師

islychiang

今日group in, 4個小朋友u型枱座，個老師只係見到正前面兩個小朋友做咩，雙眼發曬光，相反我個座旁邊完全唔理佢，老師問問題佢舉手又唔理，望一眼又對住番個兩個，就算答咗問題都無望過黎，連最基本既尊重都唔會既老師，真係超火，唔覺佢有愛心；最後攞玩具，我個舉咗三次手老師都唔理佢，佢就自己攞老師先見到就問佢攞野要講咩?我個答謝謝，點知個老師可以一邊講一邊望番佢最愛個兩個，跟住聽唔到我個講，寧番個頭過黎時話佢無講，重話要講多謝架，我即時答佢，佢已經講咗不過你無理佢其實我個半路已經覺得老師勁唔尊重起身泊椅想走，我叫佢留多陣先座番底，真係無諗過呢間學校係咁!

zmw1031

islychiang 發表於 17-11-11 22:56
因為我正式寫信俾校長投訴，我唔即時出聲，第一，我個仔都知個個係老師，我即時開佢波係好差既身教，第二， ...

相比宣道，我覺得民生更差！宣道呢個面試安排其實冇咩問題，好多學校都係咁in，只係你唔好彩遇到個差嘅“教師”。我上年帶小朋友in民生，點知佢隨機安排小朋友in中文或英文，我小朋友唔好彩in咗個鬼佬，問我個11月細b台面有d咩形狀，邊個形狀要遞俾佢，我問可唔可以我翻譯，小朋友未必聽得明英文指令，我喺屋企都係教母語為主，跟住個死鬼佬直接叫我走人！非常唔公平嘅面試制度，本來睇在民生係龍校先去in，依家？依然只有一句，民生你食屎啦！

jimjimjim

回覆 roadman 的帖子

我都是小朋友講而我小朋友即時叫我講俾佢聽
Hahahahahaha

roadman

cassidywong 發表於 17-11-10 11:35
我個囡都係坐側邊，但成個interview我最唔滿意係最后果part叫家長同小朋友講故事，d家長一齊大聲向小朋友講 ...

為什麼我見的時候，係老師叫小朋友講故事比大人聽，而不是家長講故事比小朋友聽？

bonnieleong

Darklady 發表於 17-11-13 11:26
非常認同~~講真~~自己都番過幼稚園~零碎的記憶中老師會偏心一D同學仔~
如果面試都睇唔順眼老師偏愛某D學生~ ...

正確！

bonnieleong

caroni 發表於 17-11-11 09:15
我星期四in, 2樓的，我個老師超好，有耐性，4個輪流兼顧，估唔到原來其他老師咁 ...

我個組老師都兼顧4個，房間好靜，好似只有我們一組，後面還有3個老師，我仲以為後面3者是負責Mark 側面的小朋友㖭。

Ann201403

PinkyFernando 發表於 17-11-13 15:23
我個仔都係坐旁邊，感覺上老師係望小d, 但我覺得差的地方是：
1）我個仔去到要去廁所，義工/老師話可以，但 ...

話你遲到呀？咁注定冇緣，繼續努力，祝你有更好offer!

PinkyFernando

我個仔都係坐旁邊，感覺上老師係望小d, 但我覺得差的地方是：
1）我個仔去到要去廁所，義工/老師話可以，但個廁所要行幾層樓梯，去完返黎問係唔係到，問左一輪先答到，叫我可以跟住上去，但上去時義工/老師交接係話我遲到！本來我是早到的，但又係你叫我可以去廁所，去完又花時間找我到未，行政混亂，才攪到我地慢左
2）其中一part有四張圖認，輪流答，其中三張都是大圖，我仔答的第四張是印得唔清楚的一籃生果，老師指其中一個係咩，小朋友根本看不清楚，不公平，出題出得差

L+H

對樓主既遭遇深感同情，係度嗔下發洩下都好過谷住一度氣係自己度。不過為了面試寫投訴信就好似浪費時間，唔讀就得啦。

natra

呢間學校都好熱門，一次要見幾個小朋友，熱門還熱門，唔見質素有保障

Iloveadrian

islychiang 發表於 17-11-9 21:28
今日group in, 4個小朋友u型枱座，個老師只係見到正前面兩個小朋友做咩，雙眼發曬光，相反我個座旁邊完全唔 ...

我們舊年面試也是一樣的情況 我小朋友坐側邊 老師好像完全沒有留意到他 眼光係晒同組的twins度 但是最後都有offer。我都唔係好明白

hkgra

回覆 Darklady 的帖子

肯定,人心肉做
偏心少不免
惟有教導小朋友,做好自己
你無可能討好全世界

Darklady

hkgra 發表於 17-11-13 11:30
回覆 Darklady 的帖子

有時面試,都係睇彩數

係呀~所以我覺得interview幼稚園係好講緣份~
搞到自己又嬲又要投訴就太誇張了~
我相信上到幼稚園老師偏愛某d學生的情況會幾常見~~

hkgra

回覆 Darklady 的帖子

有時面試,都係睇彩數
有時遇到既老師,面試時間上既安排,小朋友既心情
已經好影響結果
盡量叫自己放寬心

Darklady

SCboy 發表於 17-11-13 09:11
慢慢長路，幼稚園面試都睇唔開，真係有排投訴。

非常認同~~講真~~自己都番過幼稚園~零碎的記憶中老師會偏心一D同學仔~
如果面試都睇唔順眼老師偏愛某D學生~~
之後真正番幼稚園時果D日子點捱? 偏心係一定會存在架…
仲有如果計公唔公平~一檯4個小朋友問D問題都唔同~咁又算唔算唔公平?
我小朋友IN時~有4件物件~香蕉/叉/餅干/碟~
我小朋友(全檯最細的超細B)識晒頭3樣~
點知就偏偏俾老師問碟~果下內心問點解老師你用隻香蕉呢個咁簡單的去問D大B架~~
最後只能自己輕嘆同呢間學校無咩緣份

ylylylyl

hkgra 發表於 17-11-13 10:00
放鬆一點,吸收經驗
下一次面試一定會更好
我覺得每一次面試,都令自己同小朋友學識更多野

十分認同。就當是汲取經驗也不錯。

宣道的面試，我覺得係值得一試。因為這是group interview而家長又可以觀席 。上年，我見個囡很投入主動，又見老師有耐性面對較被動的小朋友，我既感覺係老師很懂得帶領小朋友學習。

同一件事，每個人既觀感認知都唔同。寬容面對，自己和小朋友也會開心啲。

LimeLimeU

上星期四早上in, 我囡坐正中間(2歲8個月), 隔離係一個剛剛兩歲小朋友(在課室外與該媽媽閒聊時知道), 另外坐側面2個小朋友一個應該差不多同我囡年齡, 而另一個細粒的似細B, 四人一同group in。

老師表現有耐性, 沒有忽略4個小朋友, 每個小朋友既提問都一樣, 比較幼小既考生老師更會多耐性引導提示讓小朋友嘗試回答(如答不到)，感覺公平, 尊重及有耐性有笑容, 過程唔急趕, 淨計面試部分, 大約15-20分鐘完成。

面試只是小朋友成長其中一個環節, 漫漫長路, 要面對實在還有更多更精彩, 亦都好睇彩數, 小朋友臨場反應及學校收生標準,   無可否認in宣道因為幸運有好老師沒有哭鬧或坐唔定學生影響我囡囡, 而囡囡表現很理想, 最後取錄與否不由家長決定, 心情輕鬆等學校消息, 反而in另一間心儀學校撞正2個哭鬧考生正正坐我囡隔離, 對住佢耳朵喊, 完全聽唔到老師講乜, 唔多唔小影響囡囡集中, 只可以說唔夠運仔, 而整體面試環境比較嘈雜, 最後我以平常心諗, 唔夠運仔注定同呢間學校無緣, 那就算吧！可以反應學校有進步空間, 但無需投訴, 每間學校都有他們特質, 可能就是嘈雜看您的小朋友可以有幾被影響或能否專心(尤其大班教學), 都可能是其中一項assessment。

祝各家長考到心儀學校, 加油 !

hkgra

放鬆一點,吸收經驗
下一次面試一定會更好
我覺得每一次面試,都令自己同小朋友學識更多野
更加睇到自己同小朋友不足之處

SCboy

merrypris 發表於 17-11-12 12:34
求學之路才剛剛起步，將來還有三年幼稚園，考小一，六年小學．．．老師學校好難做到面面俱圓，執著的話總 ...

慢慢長路，幼稚園面試都睇唔開，真係有排投訴。

aaa28

其實如果老師顧吾到四個小朋友，單對單見會好啲，我吾覺一次見四個會用多左時間。

我果組，老師有顧其中一個女仔，問小朋友咩名都問左六七次，完全無反應，其他小朋友呆呆在等，小朋友們實吾知自己等咩，同埋小朋友耐性有限，咁樣有點吾公平。

另，行樓梯上幾層樓，樓梯又直又迫，小朋友上到去已經好倦，試唸唸，其實佢地只得兩歲咋！學校應多體諒一下