文法雜談6—齋噏閱讀派

eviepa

十幾年前我提出的「閱讀至高無上論」是個很新鮮的講法。我認為學習語文，閱讀最重要，文法練習、閱讀理解練習、串生字等都是高投入、低成效的學習方法。親友們聽到這種匪夷所思的論調，無論和不和我辯論，口裡或心裡都只是一句問號：「閱讀的成效怎可能有做練習那麼高？」

因此，言者諄諄，聽者藐藐，基本上沒有採納我的意見的人。

十幾年過去了，今天有小孩要培養的親友中，不乏認為閱讀是最佳學習語文方法的人。不過，他們大多數都只是「齋噏閱讀派」，而不是表裡一致的閱讀派。

通常遇見認為閱讀是最佳學習語文方法的人，我都必定再問一個問題：「你有沒有讓孩子閱讀呀？」中文書還好，但答英文時，通常有兩個答案：

1. 「孩子功課很忙，每天已經花上幾小時做功課，怎樣也騰不出時間閱讀。」但卻可以騰出時間做英文補充練習、補習。結果，身體最誠實，做練習多，閱讀非常少。

2. 「孩子不肯閱讀英文書，我拿他沒辦法。」不過卻有辦法令孩子做補充練習、補習。結果，身體最誠實，做練習多，閱讀非常少。

一個表裡一致的閱讀派是怎樣處理這兩個問題的？以小弟為例，我安排女兒進入一間全無往績，但強調功課少的小學。學校雖然沒有往績保證是間增值學校，但最重要是功課少，能夠讓我女兒在輕輕鬆鬆的環境下有大量時間閱讀。

我女兒本身也不喜歡閱讀英文書，我的處理方式是，她功課少，她不用做補充練習、不用補習、沒有頻密的課外活動，每天都有幾小時的自由玩樂時間，但只要她每晚閱讀她不喜歡的英文書。在這情況下，她是接受的。

到中學，她上英文課可以經常睡覺，可以繪畫，我是容許的，因為英文課根本沒有甚麼可以學得到，所謂「信佢一成，雙目失明」；她可以hea做功課，甚至不做；默書可以空鎗上陣；但，每晚的英文閱讀必定要做。就這樣，她的英文程度就在前列位置。

如果你真的相信閱讀是最好，你就會排除萬難去讓孩子閱讀。如何你發現孩子還是做練習多，閱讀少，你只是一個「齋噏閱讀派」。

在EK，現在用口講「閱讀是學習英文最佳方法」的人很多，但事實上真正將閱讀放在第一位，將練習、補習當作輔助位置的，比率仍然很低，「齋噏閱讀派」相信是今日EK的主流。

little_yolky

Rachelmummy2008 發表於 17-11-16 13:45
小五都好，我以為要忍到中學。

不過有老師話我囡呢d能力要到中學先發揮到

係架, 所以, 百忍成金。

Rachelmummy2008

little_yolky 發表於 17-11-16 12:16
你忍下, 去到小五就要自己寫, 無得抄了, 中文係咁, 常識都係咁。

小五都好，我以為要忍到中學。

不過有老師話我囡呢d能力要到中學先發揮到

Rachelmummy2008

YolandaTam 發表於 17-11-16 12:44
多謝你安慰呀!

你又講得啱嘅, 至少喺熟悉環境升中, 有部份當年教我嘅老師仍在, 當中有上任同現任校長, 現 ...

最後一句幾似我囡。

而家如果唔係捉住佢中意嘅事講條件，她不會任你點的。

她對老師係兩極，好多意見。我又係要慢慢解釋，咁就無對抗。

但如果遇到好老師，佢又會變成綿羊仔，做咩都得。

YolandaTam

little_yolky 發表於 17-11-16 12:17
但依家阿女入到中學部都好丫。係咪?

多謝你安慰呀!

你又講得啱嘅, 至少喺熟悉環境升中, 有部份當年教我嘅老師仍在, 當中有上任同現任校長, 現任助理校長, 訓導主任, IT同PE科目主任等等, 點都比去到一個完全陌生嘅環境容易.


間唔中同個女講返我當年喺度讀中學嘅點滴都好開心架!  好似舊年, 個女數學老師就係我當年F1嘅數學老師同我有兩位好姊妹嘅班主任, 跟住發覺佢年事已高,開始HEA教. 我女初初好唔理解, 我同佢講返呢位老師身體唔係咁好, 當年教我哋嗰陣脾氣都好大, 會成叠簿掟喺教師桌.  又或者訓導主任, 我女好驚佢, 呢位老師教咗我三年數學, 其實佢呢個人好易話為, 只要你乖乖哋, 佢好風趣吓架.  仲IT有科主任, 我女話好多人唔知佢講乜, 我話係呀, 佢當年教你班 auntie physics, 又教我電腦, 我哋都要估佢講緊乜,因為呢位老師口齒有少少不清......


不過初小嗰幾年真係好勞氣: 一方面要追課程啦, 另一方面我女好多計仔, 成日陽奉陰違, 當年6歲, 連幫佢做智力測驗嘅心理學家都俾佢呃到. 我對佢訓話嗰陣, 佢一副 " 洗耳恭聽" 嘅樣, 原來如果佢唔服嘅話係會左耳入右耳出, 轉頭就拋諸腦後.

little_yolky

YolandaTam 發表於 17-11-16 11:44
我讀嗰陣唔係咁㗎 jm, 本來呢，我住慈雲山，諗住幫個女揀基慈。 到自行入紙嗰陣，老公同我父母力主用舊生 ...

但依家阿女入到中學部都好丫。係咪?

little_yolky

Rachelmummy2008 發表於 17-11-16 12:10
小一小二因為咁樣少左分，我無鬧亦吾計較住。
小三起，我女程度一定不只這分數，佢都會開始注意到。所以我 ...

你忍下, 去到小五就要自己寫, 無得抄了, 中文係咁, 常識都係咁。

Rachelmummy2008

YolandaTam 發表於 17-11-16 11:26
我女試過因為咁扣咗十幾分呀

小一小二因為咁樣少左分，我無鬧亦吾計較住。
小三起，我女程度一定不只這分數，佢都會開始注意到。所以我亦有解釋marking scheme的制度的好壞之處。令佢明白。

而家佢依然想自己寫自己答案，我就寛鬆些處理。平時功課工作紙，我由她，她答得好，我仲會讚佢。考試測驗佢就會知道要拿左分數先。

我好明白身在江湖，好難置身事外。

woyj

考試好多時吾係個細路吾識，而係學校marking scheme 或者係老師執行既問題

YolandaTam

little_yolky 發表於 17-11-16 11:27
所以我選小學時已經揀間教育理念一致的。我間學校同你間唔一樣, 我間係肯等小朋友的。分別只係你 ...

我讀嗰陣唔係咁㗎 jm, 本來呢，我住慈雲山，諗住幫個女揀基慈。 到自行入紙嗰陣，老公同我父母力主用舊生分抽協恩，話揀返自己母校實冇衰喎。咁我又諗嘞：咁易中咩，於是一邊祈禱上帝俾間適合學校，一邊去協恩入紙囉，點之中咗（伏）。

little_yolky

Rachelmummy2008 發表於 17-11-16 11:25
我間學校英文閱讀理解有四題短答題，我女係消化左篇文然後用自己文字寫出來。

本來是一件好事，因佢係自 ...

阿妹果次係唔好彩, 答案無得抄, 所以串錯晒。但D字suppose應該係識串既。不過, 阿妹起碼答complete sentence時句式係正確, 而且答案正確, 所以我都好欣賞佢。

little_yolky

YolandaTam 發表於 17-11-16 11:21
jm , 人在江湖身不由己呀。就算父母肯等，學校都唔肯呀。好似我女當年小一，返咗一兩個星期，老師見佢英文 ...

所以我選小學時已經揀間教育理念一致的。我間學校同你間唔一樣, 我間係肯等小朋友的。分別只係你間學校有神級後備, 我間就係B2後備。


所以, 唔係人在江湖身不由己, 係睇你點揀囉。

YolandaTam

Rachelmummy2008 發表於 17-11-16 11:25
我間學校英文閱讀理解有四題短答題，我女係消化左篇文然後用自己文字寫出來。

本來是一件好事，因佢係自 ...

我女試過因為咁扣咗十幾分呀

Rachelmummy2008

little_yolky 發表於 17-11-16 10:57
我哋學校相似。不過, 題目來來去去都係三幅被, 好易估到。阿細小一時中文閱讀理解評做係攞0分的, 因為佢唔 ...

我間學校英文閱讀理解有四題短答題，我女係消化左篇文然後用自己文字寫出來。

本來是一件好事，因佢係自己分析問題。可借老師原来都係要學生從文章中找句子改少少作答，只有最後一題係可以發揮自己的想法。

YolandaTam

little_yolky 發表於 17-11-16 10:57
我哋學校相似。不過, 題目來來去去都係三幅被, 好易估到。阿細小一時中文閱讀理解評做係攞0分的, 因為佢唔 ...

jm , 人在江湖身不由己呀。就算父母肯等，學校都唔肯呀。好似我女當年小一，返咗一兩個星期，老師見佢英文聽唔明，就三日唔埋兩日打電話嚟叫我哋考慮請補習，我咿咿哦哦，依舊只係伴讀同温書，跟住上學期大考科英文40幾分，我知自己方向啱，但家長日仍俾老師審犯咁審，咁只好做埋練習叫做盡人事。

little_yolky

Rachelmummy2008 發表於 17-11-14 12:49
我女學校係少功課，現有功課堂。

小一，二最關鍵，培養閱讀興趣。

我哋學校相似。不過, 題目來來去去都係三幅被, 好易估到。阿細小一時中文閱讀理解評做係攞0分的, 因為佢唔識字, 評估又無讀內容。小二時英文閱讀理解係2分(out of 10), 但睇下佢答案, 全部係答中嘢, 不過全部串錯字, 所以我沉著應戰, 亦衷心讚佢好叻, 全部答中。知道問題所在, 只要有適當時間, 萬事可以迎刃而解。現在好多家長實在是過於擔心, 過於急進了。

eviepa

回覆 little_yolky 的帖子

其實我一早有出一個「eviepa 」眼中的正確伴讀方法作為一粒籽，希望各家長們在這基礎上發揮的想法。

little_yolky

回覆 eviepa 的帖子

Eviepa, 我終於發現問題出咗响邊度了, 唔係大家唔知閱讀重要, 唔係齋cup, 係好多家長用錯方法, 你出去睇下近期好幾個新帖, 應該係家長太心急, 以為一早閱讀小朋友就可以好快自己識好多字, 又用錯方法, 叫小朋友誦讀, 總之千奇百怪。可能係咁, 好多家長等到小一二見唔到成績, 就無恒心, 或小朋友俾佢哋迫顛咗, 唔想睇書, 就改用做練習方法。

睇嚟, 依家當務之急, 係要出個帖, 講如何「正確」培育小朋友閱讀興趣/習慣。

Rachelmummy2008

little_yolky 發表於 17-11-13 18:18
唔係功課考試問題, 直資、國際似乎功課既質素好D, 無咁多無謂嘢, 同埋應該唔會老師一言堂。 ...

我女學校係少功課，現有功課堂。

小一，二最關鍵，培養閱讀興趣。

小一仍會讀卷適應考試，小二都要開始自己看題目。所以認讀還是有要求。

scgift

little_yolky 發表於 17-11-13 17:27
佢係抗拒唔肯睇，連工作紙都係唔願做(平時好鍾意做功課)

多謝提醒。家裏就只得提過的2套漫畫。

佢最近才被老師話佢上堂有好時唔專心(從小到大上開pg,學前班，興趣班，所有導師均讚佢坐得定，好專注，好乖)=_="原來係老師講埋啲野太無聊(e.g.K2教咩波可以碌,教乒乓球，籃球;男仔女仔校服著咩…etc),所以阿女無興趣周圍望，跟住見到課室內某某閣啲亂左就離位去執拾。又試過轉堂時(等全班坐好後排隊去排洗)時其他同學未坐好，阿女本身已坐好但見到地上有垃圾又走去幫手執……我好無奈，但只好教阿女要"隨波逐流"咁聽老師話，叫佢尊重老師，老師叫做咩就做咩，咩原因都唔好離位。

功課方面問題反而不大，因佢本身好乖，就算抗拒唔願做，被我講兩句還是會好快做完。