返左2星期學之園。。。

忌廉烏冬

話說因為覺得學之園學術比起N班間學校好，同埋INTERVIEW時校長講過好重視品德培養，係學術同品德並重，所以好唔捨得舊學校的情況下轉了學之園，但返左2星期，真係好唔慣

-返學放學接送情況混亂：
返學--》普通人一條隊，排隊量體溫入校門，但當校車黎到，D校車嬸嬸衝過黎就打尖企係校門正中，然後就要等校車D小朋友入哂去，先到原本普通小朋友入去，好多時明明12：45已經返到，但就等到12：55先入到去，同時，好多好多人係度塞住好嘈好亂（等入校門的學生／入左校門既家長企係門外吹水／嬸嬸／姐姐，一大堆人係度又嘈又混亂）
放學--》原本話係排隊俾咭同排隊接小朋友，但實際情況係，無論係咪輪到果班，D家長或姐姐都塞住條隊，到職員收咭，D人就湧上前去俾咭，然後成堆人堆住係門口，排隊位置就一堆姐姐係度吹水玩電話 。放學時間，D人又係塞住個門口吹水，點解唔識得行遠少少先吹呢，校門外係密封的室內，嘈到不得了，嘈到自己都聽唔到自己講野


-小朋友返學喊--》D職員好粗魯咁推同扯小朋友入去，同校長所講“交俾我地啦，我地有方法處理，要正面同保持正面情緒“，完全2回事

-搭升降機：小朋友大聲喧哇，大人大聲講野，好嘈，淨係果程升降機那經嘈到頭痛，甚至小朋友係入面踩板車

-之前INTERVIEW時，以為係學術同品德並重，但返學呢2星期，眼見，小朋友無禮，打尖，推撞，大聲喧哇，隨地掉糖紙，追逐，甚至，而家先聽到有家長同我講，曾經係會所玩，有2個著學之園校服既學生，大大聲話，我地係男拔架，你地行開呀

-除左小朋友，大人都一樣，送左入校門／等接放學／接左放學，都係塞住個門口係度吹水，大聲呼叫小朋友，推撞，好多時我小朋友出到黎，我係俾D接左細路但仲企係門口吹水既家長頂住左我去唔到接個小朋友

。。。太長，下面繼續

heily123

忌廉烏冬 發表於 17-8-28 13:42
以上情況，係以前讀N班既學校完全唔會出現，以前間學校接送返學放學都係俾咭先有得接，但過程好有效率好有 ...

本帖最後由 heily123 於 17-10-16 23:10 編輯
樓主講既前學校同我小朋友讀緊既好相似好相似，介唔介意講下係咪九龍城土瓜灣嗰間全日制學校？

s7824

忌廉烏冬 發表於 17-8-28 13:42
以上情況，係以前讀N班既學校完全唔會出現，以前間學校接送返學放學都係俾咭先有得接，但過程好有效率好有 ...

你可以同學校反映一下佢地嘅問題，因為你以前 N 班間幼稚園做到，但佢K1 反而做唔到，好明顯係 LH 德育教學有問題。

佢打响旗號德育學術兼備，而你又因此而入讀，但佢又做唔到，咁已經有問題啦⋯⋯

睇左你最後一個 reply 見到有改善都好，否則耳濡目染，好壞三日，學好三年呀⋯⋯

Forgetmenot999

maomaofafa 發表於 17-10-4 15:05
之前有家長留言話同學校反映過都冇用，反而樓主po上來就幫到件事，樓主功不可沒
...

所以證明越唱衰學校，學校就越快解決問題，越投鼠忌器，學校就話知你

maomaofafa

sweetbride119 發表於 17-10-4 14:44
自從這個post討論出左後，校門外的地方就安裝了大電視，展示寫明請保持安靜....看來學之園好重視討論區的 ...

之前有家長留言話同學校反映過都冇用，反而樓主po上來就幫到件事，樓主功不可沒

funseller

忌廉烏冬 發表於 17-8-28 14:06
之前考慮民生定學之園，民生我預左唔會教佢品德修養，但學之園明明係校長親口同我講過會注重呢樣野，但而 ...

本帖最後由 funseller 於 17-9-22 17:32 編輯

我仔仔之前讀坑口綠茵常寧路嗰間，我同D家長又覺得呢間好好。家校關係緊密，家長之間關係好好，小朋友有禮，學術亦唔錯。我個仔由k1入學時唔識英文到k2下學期離校轉校時可以用英文同人傾到計，甚至唔止一次被人問屋企係咪講開英文。可惜因租約問題執左，而將軍澳附近其他綠茵又冇全日班，先轉其他學校。
不過係有聽聞有D綠茵管理麻麻，因為有家長話介紹綠茵畀朋友，結果朋友個小朋友入左自己屋企附近嗰間，話差到爆
所以呢D連鎖式幼稚園，可能都要撞手神。

lovelovebabe

我鄰居小朋友係讀呢間， 兩夫婦勁冇禮貌 ， 有次出街見佢比人撞到就狂爆粗，孩子何來家教？

uncle13

忌廉烏冬 發表於 17-9-21 23:42
返左一個月喇，UPDATE下：

-返學放學：學校做左D措施去改善，而家情況好左好多，真正2條隊，再無嬸嬸推小 ...

你的感覺跟我一樣。 當初我囡學之園收了，買校服訂書的時候覺得學校的人很冷漠，沒有愛心， 並且我也在這裡質疑學校。 經過一年了，我真心覺得學校辦得不錯，透明度高，你俾任何意見佢地都盡快有改善，久而久之學校學生都在進步中。 我見自己的女兒由不開口說話，到現在英文普通話發音都講得不錯，學校教材多到睇唔晒，那些有用的seminars又多，升小支援又充足，最重要是因為很多親子活動關係，家長好多都好friends,真心認為係一間唔錯的學校。

忌廉烏冬

返左一個月喇，UPDATE下：

-返學放學：學校做左D措施去改善，而家情況好左好多，真正2條隊，再無嬸嬸推小朋友打尖插入的情況
-老師：好有愛心，好有耐性，不過詳情係點唔講喇，因為係學校內部的事情，可能唔講得
-學術：都係學校的內部事情，可能唔講得，所以唔講詳細，只可以形容：幾好
-學校支援同資訊提供：非常充足

今次唔講太詳細了，以免又引起激烈討論以及令大家唔開心，經過此事，諗深一層，其實世事無完美，而家只要小朋友返得開心，自己努力做好媽媽的本分，便心滿意足了。感謝各位

Bevaja

sharonchan.0711 發表於 17-9-17 01:30
哇好勁！你2個小朋友？即平均每人讀過3間學校？你搵學校同面試應該好奔波，辛苦你了，我搬咗兩次屋，個仔都 ...

唔只2個

sharonchan.0711

Bevaja 發表於 17-9-16 19:09
或者咁講，LH係一個好有系統嘅辨學團體 - 師資好、課程好、有定期會面、資訊充足，其實冇乜太大弱點。但係 ...

哇好勁！你2個小朋友？即平均每人讀過3間學校？你搵學校同面試應該好奔波，辛苦你了，我搬咗兩次屋，個仔都換過3間幼稚園，包括n班，好在性格活潑貪玩適應力強。

sharonchan.0711

aquasee 發表於 17-9-12 23:29
今天剛巧在facebook看了一篇文章，原文應該是取才經濟日報，也借分享一1吧 :)

新學期開始，朋友不約而同 ...

我明你意思提醒樓主易多跟學校溝通先，不過呢篇文章兩個例子都係家長投訴，樓主只係提出疑問，感覺兩者不同不應相提並論。

sharonchan.0711

York校巴都好混亂

Bevaja

或者咁講，LH係一個好有系統嘅辨學團體 - 師資好、課程好、有定期會面、資訊充足，其實冇乜太大弱點。但係，你會覺得佢每一個活動都係商業活動，係俾家長你睇你俾d錢有應有回報。

其實冇壞，但家長係小咗d歸屬感，大家都在商言商，佢並冇太大強項，所以由N升K有好多小朋友走去龍校而唔選擇留低。(其實都正常)

利申: 仔女讀過迦南、HKPS、LH、SPK、SH、ESF

CandyCheung123

樓主小朋友讀過 好有愛心嘅N班, 請問係邊間？想參考下

aquasee

今天剛巧在facebook看了一篇文章，原文應該是取才經濟日報，也借分享一1吧 :)

新學期開始，朋友不約而同地和我講及兒女學校的家長群組事情。其中一位媽媽，他兒子讀的是區內名牌津貼小學，校長非常開明，校內功課不多，卻鼓勵學生發揮真正潛能，屬於有教無類的那一種，令學校在各方面有優越成績，因此家長們趨之若鶩，爭相入讀。

這些情況，不但在傳統學校出現，國際學校也出現類似情況。前幾天，就有另一位媽媽告訴我她的煩惱。

她兒子剛讀國際學校，開學不足一個月，已經在群組內看見家長開名投訴同班同學，說被同班小孩推撞她的女兒，而同班小孩的家長也在群組之內。

慶幸那位家長沒有選擇在哪裏回應，否則群組立即成為戰場。最後發現，實情只不過是小朋友輕微的碰撞，沒有什麼大不了，是孩子們在學習社交過程中經常發生的事情，老師亦有處理。

家長們何不先向老師理解一下？這樣在群組內公審般的討論未經證實的事情，不但影響其他家長對孩子的看法，對父母和孩子亦不公道。

最近認識一位媽媽朋友，為了讓小一兒子可以在學習上有更多身心的自由空間，決定今年讓他入讀國際學校。然而，上學不到兩天，已經見到一班父母在同班的家長What’s app群組投訴老師，容讓學生在小息奔跑，認為非常不安全並會發生意外等種種意見。

朋友感到相當愕然，因為她希望孩子上國際學校，就是可以有更多跑跑跳跳的時間，如果小息都要安安靜靜，倒不如回歸傳統，小息敲預備鐘、學生要立即定格的學校讀書，那麼就最安全了。

她無奈地明白，縱使花費很多錢財去逃過傳統教育給家長的壓力，卻逃不過無所不在的怪獸家長群組，這股勢力，形成對學校的巨大壓力，甚至有機會改變學校的方向！

曾經聽過一位校長在家長會的分享，勸告父母莫把孩子校內不滿的事情，隨意在家長組群內討論，因為小朋友所見的並非全面，最好先和老師討論清楚才下判斷，避免引起在組群內無謂的是非，會對老師及其他小朋友不公平。

其實學校群組是為了有效傳遞學校訊息，用得其所對家長有莫大的幫助。不過，很多時候，都會變成幾個家長長篇大論的討論、發洩及投訴，以致其他沒興趣的家長不會用心關注內容，反而很容易錯過應該需要注意的學校信息，如果你在組群內叫家長私下討論，又會引發一輪不必要的爭拗，非常煩人！

慶幸兒子班內的家長群組都很安靜，如非必要，也不會亂發放訊息，反而令大大家更關注每條發的信息內容。

香港家長已經很繁忙了，亦充滿壓力，父母當敏感學校組群內其他家長的感受，亦要理解該群組的功能，是發放訊息的？還是討論區？投訴就該找應該對話的單位，無謂發放大量訊息，浪費爸媽時間，增添更多不必要的煩惱。

aquasee

回覆 ylylylyl 的帖子

看你是甚樣看件事情，有些人會覺得煩，有些人會覺得有用。我想我應該是後者。 我第一個小朋友時，我都未做過人媽媽，所有事都是邊摸邊學，沒有經驗，那些茶聚分享會教授不同的育兒資訊，我也有很大得著及從中得到啟發。學校沒有硬性規定要家長上，也沒另外收錢，是隨家長喜歡自己參與的。
此外，由於K1至K3的學生是不會轉班的，同一班家長和學生一同學習遊戲三年，所以感情會較好。在學之園畢業後也有聚會，有部分家長(包括爸爸們)會成為要好的朋友，幾個家庭讀小學後一起出國也是有的。所以也不難理解家長們對學之園的感情和恆定。

整件事也只不過是一個小風波，就排隊的安排要講和要分享的也十分詳細了。討論區上的分享很多都不是即時的交流，文字的表達和理解也各有不同，不必要的誤會也因此做成，對樓主、學之園的同學家長和學校也是會造成傷害的。

retriever

忌廉烏冬 發表於 17-8-28 13:42
話說因為覺得學之園學術比起N班間學校好，同埋INTERVIEW時校長講過好重視品德培養，係學術同品德並重，所 ...

以上都係小事。

BTW， 點解著學之園話係男拔？

拔拔收左？