其實明白, 但可以點繼續行呢?

哈利媽

如果明知小朋友資質係80+, 但佢偏偏表現出嚟係65+, 其實知道同明白佢每次失分主要係大意同臨場緊張, 見佢都知道自己嘅問題亦都會溫習(不過自律能力好低, 成日要叫), 但又仍然每次都KEEP住發生, 今年將會升小五啦 (想轉校, 但真係難, 諗深一層又唔知係咪治本嘅方法), 嚟緊嘅暑假同來年, 我真係唔知用咩方法同佢改善 (加強補習? 小四時只有數學), 又唔想迫得佢咁緊, 如果由佢繼續呢個成績, 應該係B2-B3 (我又實在擔心), 各位有咩建議呢

哈利媽

回覆 emmazlo 的帖子

多謝你嘅意見, 其實佢都有好多時間發夢同玩嘅, 不過打機同電視真係比較少, 我都同意你講各方面都要balance, 小朋友知道我唔需要佢考得好叻, 中上我已經收貨, 嚟緊暑假都打算多啲戶外活動, 去圖書館/博物館等, 期待佢來年各方面都成長同進步, 真係唔希望因為佢嘅學業而增加太多爭拗....

SPA_family

我個仔都係咁上下, 綜合各位意見, 相信只要不對學習生厭, 終有一天會開曉的

emmazlo

樓主, 不要給自己和小朋友太大壓力, 我見你話由細到大小朋友都不看電視, 不打機, 管教比較嚴, 其實都要給小朋友有適當放鬆時間. 我的孩子也是小四, 但每天番學總有玩及看電視的時間, 有得玩, 有足夠休息, 生活平衡, 我相信對他學習有幫助
暑假到, 除了針對他的學科做些操練, 做些練習, 不妨多做運動, 多看書, 或是參加一些群體活動, 協作也可帶來自信, 加油!

HaYi

如果專注力不足, 數學真好易大上大落, 其實P5 數 大部份人都不會因不懂而失分, 成績好不好同考試技巧/專注力絕對有關,

我覺得佢地一定要習慣在考試限時內多操, 沒法子, 小學數學是離不開熟能生巧的, 大家只好務求精準. 和中英文的學習方式不同.  而且數學有準則, 考得高分的小朋友比比皆是, 要above average 真不易.

唉, 呈一已過, 唯有加把勁, 向呈二進發.  

Jane1983

回覆 little_yolky 的帖子

排排坐，各有各睇咪得。你千祈唔好掛晒亞大，忽略亞細，如果唔係你開學有排煩呀！

little_yolky

Jane1983 發表於 17-6-19 17:40
回覆 little_yolky 的帖子

兩姐妹一齊睇lor，大女呈分係緊張d，需要你出手。

點一齊睇呀, 阿細既中文程度係睇兒童版西遊記, 阿大既程度係睇原著紅樓夢喎。

阿細真係煩死人了。

Jane1983

回覆 little_yolky 的帖子

兩姐妹一齊睇lor，大女呈分係緊張d，需要你出手。

little_yolky

Jane1983 發表於 17-6-19 16:22
回覆 little_yolky 的帖子

如果佢係咁，就要考試前全部都温了，唔能够假設佢識就唔温。

唉！出年家姐呈分, 邊有咁得鬼閑理佢呢。等佢老老實實keep到B2, 大抽奬報聯繫咪算鬼數囉。我哋學校小三中文會大躍進(難度), 睇佢到時點算！唯有今個暑假陪佢睇多D書咁囉, 但我又想陪家姐睇書。

Jane1983

回覆 little_yolky 的帖子

如果佢係咁，就要考試前全部都温了，唔能够假設佢識就唔温。

little_yolky

Jane1983 發表於 17-6-15 13:43
回覆 哈利媽 的帖子

如果係學得唔通透，咁你根據學校練習的題目，轉少少或者係相反咁出題比佢做，務求佢真 ...

但D小朋友真係攞命。阿細之前統測中文閱讀理解幾乎全錯, 咁, 就緊係集中火力响閱讀理解啦。今次考試, 67分！閱讀理解只錯一兩題, 今次衰D乜? 輪到作句同不供詞填充了。氣結。

哈利媽

回覆 retriever 的帖子

Yes

Tigger2012

大件仔 發表於 17-6-16 21:52
小兒都係, 1-3年級考60-70名, 全級130幾人, 叫中間人, 去到4年級突然失手, 英文由80+跌落去70幾, 數學由80+ ...

唉...我個仔同你仔一樣,1-3年級都係中間人,今年下學期名次未知,但睇佢成績應該會跌,小五真係唔知會怎樣了

大件仔

小兒都係, 1-3年級考60-70名, 全級130幾人, 叫中間人, 去到4年級突然失手, 英文由80+跌落去70幾, 數學由80+跌落去60+, 排位跌到90+., 今年呈分, 由上學期開始早一個月前溫習, 漸漸又上番來, 今次呈分數學仲有9字頭, 努力, 加油

貝珠

係咪專注力唔好？

retriever

hha 發表於 17-6-15 20:49
佢只有數學一科好似過山車咁，其他科都好穩定，今次考試前有喺屋企同佢操數，成績好番好多，但又諗係唔係 ...

算唔算“谷”, 唔係醫學定義，無需認真，重點係有無副作用。

考前做練習磨利把劍，見好就收，無可厚非。求

最後果5-10分，對男仔可能做練習係較易方法，不過所花時間可能幾何級增長。

留意做練習唔會明多左，不少男仔要中三或中五後先大熟，要慢慢等。

分數成績，如你學校有空間包容，最好輕鬆D。

hha

retriever 發表於 17-6-15 20:41
男仔，如果無記錯你細路果間，只要攪掂第一點，即明白課程，唔駛咁緊張。

男仔你要俾時間佢成長。

佢只有數學一科好似過山車咁，其他科都好穩定，今次考試前有喺屋企同佢操數，成績好番好多，但又諗係唔係人哋所講嘅'谷'返嚟呢？！講真我未識拿捏。

我又聽講男校數學科係好決定名次高低，數學強嘅學生通常名列前茅。所以又想同佢打好啲個底，但又怕involve 太多。

佢學習態度OK。

retriever

hha 發表於 17-6-15 11:07
我個仔第一、三點都係，二就唔知係唔係，升小二，冇補數，點樣改善又唔違背初小應該"放手"嘅原則呢？
...

男仔，如果無記錯你細路果間，只要攪掂第一點，即明白課程，唔駛咁緊張。

男仔你要俾時間佢成長。

佢態度唔好要鬧，但唔係為分數，要佢知對錯。

印象中男仔好少由頭帶到尾。

retriever

哈利媽 發表於 17-6-15 09:20
回覆 santakit 的帖子

都唔係咩名校呀, 其實我都唔知佢學校係咪真係深啲??我都有諗過如果佢五,六 ...

幼稚園原校昇上？

Jane1983

回覆 哈利媽 的帖子

考試唔好緊張，心理質素係要慢慢訓練。通常事前準備得好，個肚有料，做d自己熟識的事，一般唔咁騰雞。
再者，你可以同佢多d傾計，小朋友讀小學、中學、大學，十幾年學習生涯，默測考、評估、比賽計埋幾百次，如果次次都惶恐不可終日，咁點做人？佢一定要堅強，迎難而上。

事前努力準備，考試時搏盡，考完檢討，之後吸取經驗，move on下次做得更好。做人就係咁樣，想贏唔怕輸！