有關閱讀問題，請大家賜教

samhongkong

小女愛看書，但只喜歡  LAAP呢睇，我要兩分鐘睇一版既書，佢大約10秒LAAP完一版，從來唔肯細讀，遇到唔識既字亦都唔理，結果就係睇書無進步，只會揀淺白書來睇。
想請教大家點樣可以誘導小朋友去學書中既生字？

JC_mami

回覆 samhongkong 的帖子

彩虹系列就是書名。你打“青田彩虹系列”便會找到。
是分層閱讀，由紅至紫，由淺至深。

1234ats

小孩最初學習新事物主要通過模仿，背誦詩詞文章與背歌詞一樣，主要是靠記聲音而不是看文字或歌譜; 不斷重複聽或朗讀（唱）某些段落，自然會不知不覺記得，但不一定明白其中意思。七八歲前是背誦的黃金時間，效果遠比成年人為佳。

背誦是中國傳統文化。古時書寫靠雕刻，非常麻煩；老祖宗們發明了文言文方便書寫。但這文體脫離日常生活語言，小孩初學很難理解。最有效的方法就是首先大量背誦，背熟了到長大後才開始領悟其中道理，容易融會貫通。

文言文簡潔，每句字數少，而且中文字都是單音節，朗讀（尤其是詩詞）時容易掌握節奏，方便記憶。背誦是學文言文最有效方法。

一般人記短句較為容易，音節越多背誦起來便越覺困難。

白話文語句長得多，很難掌握節奏，並不適合背誦，我覺得學校背默白話文沒多大意思。

英文是多音節文字，每句更多音節，更不適合背誦。

因為中文單音節這特性，中國人喜歡將很多知識簡化為口訣，方便記憶，例如乘數九因歌和算盤口訣等。

以前讀書時chemistry要背periodic table 前20個元素排序，用英文背很麻煩，我用中文背“氫氦鋰鈹硼 碳氮氧氟氖 納鎂鋁矽磷 硫氯氬鉀鈣”五分鐘搞掂，到現在幾十年後還記得。

兒子小時背誦詩詞或乘數表等沒有壓力，我不要求他明白內容，只要背熟就可以。

現在他背文言文範文，我教他先清楚每句意思才開始背誦，這有助他較容易入腦。

freshrose

我小朋友由K3 開始已經教佢, 一開始伴讀, 到而家佢讀返俾我聽, 我小朋友而家K3 睇書半年左右, 基本每本英文書已經識8 成生字, 佢識唔係只係睇到識讀, 而係識串, 呢D 讀書習慣真係要由細到大訓練

little_yolky

MNIF 發表於 17-3-22 11:13
回覆 little_yolky 的帖子

[指讀」正是你説的意思。其實係一種專注力訓練。一般年紀相若小朋友，智商差距 ...

我果個要解架。佢兩個唱大戲既, D戲曲都係文縐縐, 有次家姐唱幻覺離恨天(即紅樓夢入面一折), 其中有句口白話 "色空倘若難參透, 養性何妨學閉關", 我解咩係色同空, 都解到我虛脫。

又有一次, 到阿妹唱打金枝, 有一句係駙馬鬧公主 "禮法倫常你應跪下", 阿妹問我咩係禮法倫常...........唉, 真係勁難解。所以, 連D咁淺白既戲曲到解到痴筋, 更何況係古聖言, 仲要一字一個意思, 一句一個典故。

little_yolky

MNIF 發表於 17-3-21 19:16
回覆 little_yolky 的帖子

説到認字讀書方法，古時中國人已經設定好。以往小朋友上私墊之前，已經認識一定 ...

你所講既「指讀」係咪手指指住個字嚟讀? 如果係, 我小朋友K2升K3時我都係用呢招。比就咁讀佢聽好好多。

我老細都叫我俾小朋友讀論語, 佢細細個時日日逃學, 不過阿媽就要佢背好多古文古詩, 所以依家D中文都叫有返咁上下, 同埋佢個年代D中文老師勁又係事實嚟。但對我嚟講論語有D深, 所以我以前俾佢讀弟子規同三字經。近日計劃响櫃桶底搵返本詩經出嚟, 返學忙唔迫佢哋, 放暑假就有好多古詩古文等住佢兩個。其實讀古文很好, 因為好簡潔, 無乜廢話, 廢字都唔多個。初初唔覺有乜好處, 大大下寫文就會知, 而且仲係身心修養既好材料, 當然EK唔係咁多人讚成就是了。

JC_mami

samhongkong 發表於 17-3-21 14:23
回覆 JC_mami 的帖子

條Link 開唔到，話已冊。

我是先中後英，記得在這裏有網友分享育先書，書名好似叫“如何教幼兒閱讀識字”，徙pn開始跟書中的方法教中，其實是一日三次，漸進式認字，加每天伴讀，一開始中文比較好。後來k2學phonics,半年後可以自行閱讀，我就減少伴讀，到k3就沒再伴讀英文書。（我好後悔太早停伴讀英文書，因當時細仔剛出世，實在沒時間）
因為阿仔偏愛故事精彩，尤其是歷險故事，講真，英文的童書比中文出色，所以佢又偏左去睇英文書。
現在仍keep住每天伴讀中文。

samhongkong

回覆 JC_mami 的帖子

請問彩虹係列書名系？

samhongkong

回覆 JC_mami 的帖子

條Link 開唔到，話已冊。

尋日係佢睇英文書時同佢玩造句，take turn 咁玩，佢都幾like 喎，雖然無自己揸字典學得咁快，都好過無啦，勝在有親子互動，我以後會用呢種方法教佢生字。

你小朋友好叻，中英都强，你係先中後英咁教佢？小女係由flash 卡學左一批英文單詞才開始睇英文書。之後再用字卡教佢中文時，佢竟然話悶唔肯學。佢連基本中文詞語都唔足夠，全部科目最差中文，好想幫到佢。

JC_mami

回覆 samhongkong 的帖子

學校推薦睇青田出的彩虹系列，是分層閱讀，由淺入深，阿仔好鐘意。

MC1128

samhongkong 發表於 17-3-21 13:58
回覆 MC1128 的帖子

我尋日揾本君偉上學去比佢睇，對佢來講都係難，要我讀先明。

君偉上小學系列是台灣出版, 內容及文字可能同我們香港孩子有點差距, 嘗試吓

如果唔得, 再試其他

samhongkong

回覆 MC1128 的帖子

我尋日揾本君偉上學去比佢睇，對佢來講都係難，要我讀先明。

little_yolky

samhongkong 發表於 17-3-19 13:17
回覆 Ocean419 的帖子

小女六歲，佢只喜歡看英文書，中文書要我讀先會睇。因為佢話自己睇得明既中文書太無 ...

我小朋友一號小一時都唔識好多字, 但我一直都有堅持伴讀, 讀既時候佢都睇到本書D字, 然後「讀」出嚟, 唔係講出嚟。小朋友一般都鐘意聽故仔, 所以我當時係讀故事書。時間耐咗, 佢自己會嘗試攞嚟睇, 然後唔識既會估。呢個係一個過程, 佢小二時睇書就好獨立了。我當時一直沉着應戰, 無心急。


我小朋友二號就似你哋小朋友, 佢小一時真係飛laap。佢鐘意睇公仔, 所以就laap公仔, 然後估內容。我就間中哦下佢, 叫佢睇下字, 不過, 因為當時佢英文危殆D, 所以我都無理佢咁多中文。佢一直學業上中文都無乜問題, 認字默書都好快溫好。後來, 到差唔多暑假時, 因為(我)得閒咗, 見佢係咁飛laap, 忍唔住鬧佢, 點知俾佢鬧返轉頭。原來佢睇書係習慣先飛laap一次, 大概估咗個故事內容, 然後再細睇。



如果小朋友只係小一, 唔好阻住佢自己睇書。不過, 如果你擔心, 其實有D書你可以同佢一齊讀, 我就同MNIF網友比較接近(當然無佢咁勁), 鐘意同小朋友睇古詩文。有D短既讀得幾次佢哋自己都背咗。咁就可以保障識字量同興趣喇。

little_yolky

MNIF 發表於 17-3-19 17:41
閱讀最大嘅障礙係唔識字，特別係中文字，如果之前見都未見過，想讀出來都難。
心讀係唔好，但以一個小一小 ...

你果Ｄ係由細背大, 識字量當然會高。我果D就係由細讀大, 所以都好習慣估。但一般家長如果唔小心無由識坐開始伴讀, 遲咗起步, 都要分享一下解決辦法。你個方法係好, 但遲咗起步, 過咗時間無做到就係無做到, 教個解決方法啦。

Ahbee02

yovin 發表於 17-3-20 20:53
本帖最後由 yovin 於 17-3-20 20:54 編輯

背景：大仔紅馬肯定 band1尾 學生， 六年小學中 ～有四年取得 ...

多謝分享啊！

可否多口問句，中學語文成績弱原因嚮邊道？方便的話可否分享條link給我參考一下，等我及早學定先。

yovin

Ahbee02 發表於 17-3-19 20:50
可否講下＂另一回事＂係怎樣？

背景：大仔紅馬肯定 band1尾 學生， 六年小學中 ～有四年取得 閱讀獎(班中閱書量最多的一位)，他較 喜歡閱讀中文書。
經過：中一唯有中文取5x分,中二試過3×……嚇c我。我 都係唔明白點解, 小學投放最多時間在中文上,我上BK問過大家。
結果：向現實低頭，找補習才能上番6x。
結論： 自己同自己比較, 有閱讀習慣的自己總好過沒有閱讀習慣的自己。 現到中三分成十三科, 已經冇時間閱讀課外書了, 餘下的小小時間 只能多看英文報紙。

JC_mami

回覆 samhongkong 的帖子

https://www.edu-kingdom.com/forum.php?mod=viewthread&tid=2561265#6我之前找前輩們的舊post，我覺得好啱用，可以試下。

Ahbee02

yovin 發表於 17-3-18 19:01
我個仔都喜歡睇中文書，上到中學，中文成績可能係另一回事。俾定心理準備你！
...

可否講下＂另一回事＂係怎樣？