升中後少咗睇課外書

jollyma

大家有冇咁既情況?有時間都對住部手機,雖然成績還可以,但學校同學間都好少睇課外書

samsam123321

我仔女去到考公開試都仲有睇

洋蔥頭媽咪

我仔都睇得少過小學時，不過仍keep住有睇，而且佢學校有規定要睇，亦常有讀書報告要做，新年假期後都要交，所以唔會冇睇。

minglam49

我女學校有鼓勵同學看書，亦有功課包括中，英。平時冇時間睇自己喜歡嘅書，一到長假期，就会書不離手，睇到不願睡覺。

brother4

中學好忙，有很多興趣組參加，小朋友是學校圖書館助理員，一定看很多課外書，另大型書展才有時間買書及看其它的，反而手機多聽音樂

TwinWong

jollyma 發表於 17-1-26 07:51
大家有冇咁既情況?有時間都對住部手機,雖然成績還可以,但學校同學間都好少睇課外書



  ...

唔係 架 lunch time 都有reading period 一定要帶課外書睇

jollyma

原來有咁情況,因為見佢小學時,學校鼓勵讀課外書,見佢一本接一本咁,而家少睇加上青春期反叛.佢話响學校自己睇書,會好似唔合群咁

1998Ruby1998

如果唔係因為讀 Eng Lit，我中學應該冇正正經經睇過書，我又唔係成日玩電話，只不過翻學補習溫書考試已經夠曬忙，好少機會睇書，上到高中更加唔洗旨意睇書（除左因為 SBA 而睇，不過我靠睇人地閱讀報告同網上評論而綜合）。如果你睇課外書，分分鐘溫唔切書！

本來我睇小學階段中文書已經少，上到中學？五隻手指都夠曬數！

不過要體諒一下玩電話呢個陋習，日日對住本書對成幾個鐘，會好想用電話來「平衡」翻自己情緒同思想。正如打工仔放工都唔會想翻倒屋企繼續做野。當然，要有君子協議，唔可以玩咁耐，半個至一個鐘時限。