為孩子忙升中的心聲, 為非B1Top的孩子發聲

wongkaka

有感而發 :

踏入十一月已進入選中學階段
Band1 Band2 Band3此起彼落
我研究三年, 真的三年了, 亦見證着很多好朋友和討論區內的孩子升中, 亦得到了多年來而生的感受。

無論您認識的或不認識的小朋友, 最终獲派的是Band1 Band2 Band3, 他她們都是有努力過, 有朝6, 7起身, 晚7, 8(已叫早)甚至晚10-12完成功課, 又應付6年的測默考面試......., 所以每一位小朋友也是值得给予鼓勵和祝福。

可能我自少天生蠢, 但勤力, 中學B3, 一直好努力爬好努力向上, 係慢些係迂迴些, 但我地沒有放棄過, 沒有做傷害人和社會的事。

成功的定義?
請给非Band1的孩子一點尊重, 寧欺白鬚公, 莫欺少年窮, 我雖出自B3中學, 但我proud of B3生, 因為我地能不怕苦, 可極地反擊, 刻苦耐勞。我覺得自己都成功架!! 至少有個乖女有間公司有屋住。B3生非名大學生, so what我也成功吖。主要多謝爸媽一直無鬧我蠢, 無鬧我唔高分, 只跟我說讀到想讀就讀, 考到想讀就供我讀。Thanksss爸媽。

問心一句, 看見今時今日的小朋友, 讀書真的好不容易, 11歲而已, 他們的潛力是無法估量, 作為長輩真的放眼向前, 人生真的不只是讀書, 就算依家讀B2或B3, 就唔代表入唔到大學, 再講入唔到大學又未必找不到好工, 將來的工種真的是無法估計, 因根本未發展未發現, 所以多鼓勵年青一代, 積極包容和放眼世界才是上策。

hkpapa852

alungma 何官：我有去開放日，但副校無提過。我再上網又睇唔到有邊科讀。

何官今年校務報告P.10有個表, 個表顯示中五中六會有開辦應用學習課程

Band5

wongkaka 發表於 16-12-6 12:20
有感而發 :

踏入十一月已進入選中學階段

我一向都覺得，人生嘅多姿多彩，就係因為每一個人都有佢嘅特質，係唔同嘅個體。每個小朋友，都可以成為千里馬，問題係佢幾時又或者會唔會遇到佢嘅百樂！
b2同b3嘅學生好多都係好聰明嘅！佢哋之所以唔可以成為b1，只不過係未發揮到佢嘅所長！我識得好多b2嘅學生，最後都入到大學甚至攞埋獎學金！當然有更多嘅係入唔到大學，而係喺社會上打拚，但有成就嘅絕對唔係少數 ！

又睇另外一啲例子，我女兒同我兒子初初學游水嘅時候都遇到困難，女兒上完兩堂之後就唔肯再學！兒子學咗幾堂，反而更加怕水！我所做嘅，就係親自陪佢哋玩水，慢慢一步一步嘗試，直至到佢哋唔再怕水之後再報泳班從新學起，多年之後，屋企嘅游泳獎牌，多到都數唔到有幾多個，雖然好多都係豬肉獎！我諗如果當時即刻放棄，又或者只交由教練繼續催谷，我都唔敢諗有乜後果！

同樣係游水，有啲小朋友，只需要少少訓練就已經有成績可以攞獎，但亦有大部分，無論點樣努力都只能在後邊做襯托！呢個唔係佢哋能力嘅問題，只能夠講游水唔係佢哋嘅強項！

上面游水嘅例子，幾乎係人都明白嘅道理！讀書其實係冇分別，有人遇到障礙衝破唔到，亦有人搵唔到佢自己嘅強項而不斷作冇意義嘅嘗試，其實就等於遇唔到自己嘅伯樂，一直都做唔到千里馬！

wongkaka

hwl2b 發表於 16-12-7 14:57
其實前途呢D嘢除左講學歷, 仲要 好講際遇, 有學歷係好0既開始, 但之後條路點行, 好講際遇~ ...

AGREE !!!!
所以非BAND1生及家長, 勿洩氣

MANDIMM

回覆 hwl2b 的帖子

完全認同  

hwl2b

其實前途呢D嘢除左講學歷, 仲要 好講際遇, 有學歷係好0既開始, 但之後條路點行, 好講際遇~

wongkaka

家長也跟孩子一起學習, 一起努力!!!
大家互勉之

hwl2b

樓主講得好啱, 就算讀唔到書, 都一樣可以有自己的人生, 我自己都讀書唔叻, 但自己努力都可以生活得舒適, 雖然我唔係老闆, 但都可以有車仔, 有屋仔,
眼見身邊朋友, 有D生活壓力大到傻左 (真係入左精神病院)
我就不時警惕自己, 唔好比太大壓力自己仔女, 唔好迫得佢地太緊
不過講就容易, 我仲學習緊如何收斂呢方面的脾氣

wongkaka

我亦有一個例子, 當年我的要好同學, 依家仍是好姐妹, 當年佢中五畢業後, 出來工作, 之後佢讀秘書課程, 之後再用呢個學歷+中五+工作經驗, 入左間大公司做秘書助理, 之後申請公司的資助, 再進修學位課程, 努力左好幾年, 佢依家的學歷比我地好多同學都高, 依家係大老板秘書, 一人之下千人之上, 她也是迂迴的, 但憑毅力也成功!!

B3中學生的經歷, 又一成功例子
學海無涯

kat0318

tracy1972

老公身邊自行創業也大多是讀書不太行的。讀書太好可能包袱重。而那些讀的不好。而有創業精神而靈活變通的。成功機會大一些。但也有讀書好的。但父母不願他們冒險。代價高

wongkaka

真的要變通, NOTHING TO LOSE
最緊要珍惜生命, 唔好做傷天害理的事, 用心做事

twotwoshing

可惜而家香港的家長心中只有大學一條路，以前都有職先、工業學校，讓天賦不在讀書的同學有不同發揮，但而家只要你想或不想，都可以讀到中六，有些只是小學程度但去考大學，跟本不知孩子有幾辛苦，佢哋對住英文就好似我對住德文，都唔知講乜。
btw身邊最有錢的朋友都係讀band5, band3，冇讀大學、冇包伏，nothing to lose，先可以創業揾大錢。

YmOra

讀書也好;煮嘢也好;運動也好;生意也好;藝術也好;育兒也好;旅遊也好... ...

由[學]到[練]到[巧]到[精]到[鑽研]到[創新/發明/自家有],只要你[[肯]]努力[[幹]],{屬於你自己的一片天}必定出現.

optman88

但又咁講，比例計，讀到嘅，機會大啲。如果可以，父母係應該做好啲，但齋係入學學校同齋吹谷，我就唔太認同

RoseRose1980

Felix223 發表於 16-12-6 19:26
呢個話題，早前我同公司創作總監傾開計，而家好多家長著眼點只是子女要入U先能出人頭地，畫公仔冇出色，其 ...

馬榮成

Felix223

wongkaka 發表於 16-12-6 12:20
有感而發 :

踏入十一月已進入選中學階段

呢個話題，早前我同公司創作總監傾開計，而家好多家長著眼點只是子女要入U先能出人頭地，畫公仔冇出色，其實行行都出狀元，有d小朋友對學術文字唔叻，但對電腦、創作藝術特別有興趣，當發現子女不是讀書材料，真的可以認真考慮去發展其他有興趣的科目！其實都是可以有更好的出路。
我見身邊個個畫公仔創作都有自己公司、有樓、有車。

tracy1972

我老公讀書不行,入VTC,之後入POLY,之後入中大讀碩士.路漫長但也讀完了.
之後創業,有自己公司.所以,路是人走出來的!

hkpapa852

wongkaka 發表於 16-12-6 14:49
回覆 wongkaka

王家爸爸 "可考慮高中轉去兆基創意書院 "

何文田官立都有開辦應用學習