長沙灣協和 開心學習嗎？

tamama765

聽完學校小一簡介會， 校長強調生活學習 開心學校。 但介紹課程時 小學已有本唐詩背 文學學習 英文要背生字。 好以好谷咁 又要提高專注力。 又音樂 又體育要比賽要贏。 到底學校係點？ 又話開心 又谷。 一年要睇三十幾本要讀。又要求上網自學，做高楷解難題， 中英數 常。 要上網做功課 溫書。聽到都好大壓力！請問現家長就咪都有壓力跟小朋友早常測驗 功課？

AD媽

協和生應該大部分都返學返得開心吧？

因學校會因材施教，
成績好又谷得既就入精英班(自願性質)，呢d小朋友應該遇強越強，會越學越開心吧？
對學習不太積極的，又會被編去小班，讓老師容易照顧，功課要求亦無咁高，有時老師會於堂上同佢地一齊做較難的功課，減少挫敗感。

另外學校亦有大量補底班，幫助學生較弱的科目，增加返自信。

我諗，唯一返得唔開心的，係d比較曳的學生吧？因長協對學生品行的要求出名高(是其他學校的老師咁講的)，曳學生會經常被訓導主任罰同見家長的。
講笑咁講，如果自己小朋友行為有問題，真係唔好入長協，因為家長會有幾年好忙

小小山

一年班, 好得閒, 好開心; 之後就之後先算.

CCCM

一年級好輕鬆, 二年級整體唔算谷, 精英班, 最多兩個鐘做完功課, 有導修堂, 自學課程無壓力, 日日有時間玩和睇書, 囝囝鍾意長協多過之前間幼園

豬油妹

小一好開心。二年班開始見真章，功課係明顯多咗，但2個鐘內(做吓抖吓)都一定完成。見個個小朋友都好鍾意返學。學校幾注重自主學習同閱讀。syllabus同其他小學無乜太大分別，谷唔谷好主觀。

vinvintwins

我小朋友在此校讀得很開心。

mianyang_99

唔覺谷

chaknok

tamama765 發表於 16-9-10 10:55
聽完學校小一簡介會， 校長強調生活學習 開心學校。 但介紹課程時 小學已有本唐詩背 文學學習 英文要背生字 ...

死谷! 功課勁多!!

oil_oil

旦白講，一年級唔谷，二年級開始分精英2班開始有要求，三年級精英班會谷，但入得精英班既小朋友又係谷得一樣讀得開心。非精英班好輕鬆開心。

Yvonnehoney

學校也是谷的，但我囝也是開心番學的一群

bbq2008

但我覺得學校會補底，呢方便做得幾好，唔係只顧成績好的學生。大部份老師都很有愛心和耐性的。我女幸好從一年級已遇到好老師，現在三年級都很開心返學。

michellelee1979

谷就一定，唔谷點成績好，升中好，說唔谷你也不信，40網首3名龍頭之一。

snsn

十分同意

vinvintwins

學校提供這些網上學習平台給學生是好事；比賽方面，學校都是選精英去比賽，當然希望贏，但冇講一定要贏。
龍頭學校，谷是必然； 茘天，瑪神谷吾谷，吾谷都是騙人。