求救，妹妹兩歲四個月都只是講單字

小麵麵

妹妹兩歲四個月都只是講單字，未識兩個字，言語係未發展得太遲，點算？樓下幼稚園收了妹妹九月返兩歲班，但學校只用英同普，返唔返好？因為佢未太識講賡東話
其實妹妹有返ｐｌａｙｇｒｏｕｐ，但好遠，返到屋企都一點鐘，又未做屋企野（買餸食午餐．．．好多不能詳盡）
好煩惱，哥哥是ａｄｈｄ，要跟得好緊，好似冇時間陪佢，來緊升中．
就到妹妹又搞唔到哥哥，我自己糯情緒都好差，跟本冇得休息．．．

mangoe

你可以去樂善堂樂善童心facebook了解下，好似免費評估。
https://www.facebook.com/loksintongsen/

Dawitch

我個大女岩岩去左呢間言語治療中心做左免費評估，不過唔知依家仲有冇，你打去問下啦。

https://m.facebook.com/noahspeechtherapy/

mangoe

未排到評估可以搵下其他NGO做評估及訓練先，因為可以加快改善情況。

roy_ming8374

原帖由 小麵麵 於 16-07-23 發表
妹妹兩歲四個月都只是講單字，未識兩個字，言語係未發展得太遲，點算？樓下幼稚園收了妹妹九月返兩歲班，但 ...

你好。我囡8月尾兩歲，情況同你囡囡差唔多，又係講單字（媽咪爸爸姐姐....）我同佢返健康院醫生話佢眼神唔太接觸拍令麻麻，轉介去下葵做評估，要排9個月至一年。我自已都排緊協康會，睇下邊個快做評估

ipoipo

回覆 小麵麵 的帖子

你唔好等健康院轉介，直接叫家庭e生寫紙排cac！快好多架

小麵麵

已經努力咗一天上網睇私人機構，明天會打去問下幾時可以做評估

lulumelody

其實可以打電話問下屋企附近，要找應該有位。如果你出去找語言治療，佢都叫你先學好一種！

Yukiruirui888

係啊！我仔完全唔講粵語，老師都話唔緊要，有同年齡的刺激係有幫助的，仔仔返的係傳統的幼稚園

KCHK

有得讀咩都比佢試下啦, 可能多d 同年齡刺激下, 佢會開口呢！唔好太擔心廣東話問題, 你係屋企係講廣東話嘛！

小麵麵

回覆 Yukiruirui888 的帖子

照讀英普先??

Yukiruirui888

原帖由 小麵麵 於 16-07-24 發表
回覆 Yukiruirui888 的帖子

九月返去是因妹妹講野唔好，佢兩歲時健康院話半年後再來見下。可以直上k1，但 ...

讀住先，多少都會幫到個女，離k1 面試還有d 時間，問下救世軍排到幾號？

KCHK

如果佢係聽得明就盡量迫佢講野， 有時扮下傻聽唔明佢講咩， 要講多d先比佢。可以試下同佢玩多d ， 當同佢玩緊時多d 描述現在做緊咩, 例如同佢玩煮飯仔， 你就可以話媽咪依加煮番茄， 炒呀！你食嗎？想食咩呀？希望可以加長d 句子。不過我地做家長唔係好專業， 最好快d 找專業人士評估

lulumelody

聽得明好好多，試下迫佢講，每次要佢想要Ｄ嘢，敎佢講，係佢面前誇張Ｄ嘴型敎佢講，要佢講才比。試下返全日或半日pn, 但要廣東話，返了半年通常有進步。

小麵麵

回覆 KCHK 的帖子

我經濟上都唔係好好，爸爸要做兩份工先頂得到，但唔可以長期都係咁，爸爸會好辛苦

小麵麵

回覆 lulumelody 的帖子

聽得明

lulumelody

咁佢聽得明？

KCHK

樓主, 我諗你最好快點去做私人評估, 你應該經濟上無問題, 唔好等政府了, 因為半年後見健康院先見健康院醫生, 然後先轉介CAC， 再先見姑娘, 再等9個月至一年見醫生, 之後發現有問題再等轉介, 真係唔多掂。

小麵麵

回覆 Yukiruirui888 的帖子

九月返去是因妹妹講野唔好，佢兩歲時健康院話半年後再來見下。可以直上k1，但這間是沒有學費資助，得半日返學三個鐘要$4xxx