點樣叫小朋友去扣門好？

samhongkong

家中小朋友比較早熟，咩都知，但心寧脆弱，好易唔開心。我應該點樣同佢講，等佢積極Ｄ同認真咁去扣門，而又唔會令佢覺得派到既學校唔好？

mimi222shi

早熟既小朋友最易教, 你照實講,佢自己會思考同配合.

kloklo199

唔好講得太白， 孩子壓力很大的 壓力大反而面試情緒唔好， 讓孩子當面試是游戲一部分， 認真玩面試游戲就可以了

kloklo199

同小兒講， 第一關1st round 筆試打怪獸 第二關2nd round 面試打大佬（校長）好彩小兒明白， 照做

adriantai

Jane1983 發表於 16-6-5 15:18
以鼓勵的口吻、正面的態度同佢講，只要唔踩佢派到的學校就得。

派到什麼學校係運氣，唔關小朋友事，佢唔應 ...

以鼓勵的口吻、正面的態度同佢講，只要唔踩佢派到的學校就得。X2, 不過除非真係好接受唔到, 否則唔應該係又扣唔係又扣.

zanezane

同小朋友講，香港有好多好學校，但只會派一間俾我地，面下試如果成功就可有多d好學校去選擇。
好嘅地方可以係唔同ga, 好似學校a近d, 學校b多d課外活動。。。。考到就有得選，無論係邊間都要俾心機讀。或者係面試後話返俾我知邊間好d, 到時我地再諗。

kelvinkei

無論你講更好，或派左果間幾差。 都已經造成比較既訊息

若你想小朋友無壓力及表現理想，建議話佢聽只係去玩。平常心既表現絕對比壓力下更好

girafflau

其實我小朋友無乜意識面試, 每次都會同小朋友講, 我地去唔同既小學玩, 今日去邊間邊間, 你玩完記得話我知好唔好玩喎..

lazywife

帶佢認識派到位既學校。。又帶佢去想叩門既學校睇下。。無講過一句好或唔好既野。。我只係同佢講：今日有面試遊戲，去唔去玩下？佢都係開心咁答好。。仲要同佢講我地今日要著靚D....爸爸同我地遊車河。。。大人，要將心中擔憂收藏。。面上要寬容。。小朋友更易受大人情緒影響。。。

twlo

回覆 wankapo 的帖子

沒有宗教分，只是舊生。

gk678

我地無咁複雜，剩係直接同佢講抽獎抽得唔好，要去搵學校，面試時佢叫你做乜就照做就得喇。

wankapo

原帖由 twlo 於 16-06-05 發表
其實宜家的小朋友很醒，知道大人想做怎麼的?
我的小朋友上年也抽得不好，要叩門，我如實同佢講。不過完全沒 ...

好勁。請問同宗教嗎?

virginbaby

咁都係，神校機會仲少，可能只累了小朋友

twlo

不是怎麼神校，只是同區比較多人選的學校。
因為我一間私校或直資也沒有報，我心想：如果同區叩門也不成功，其他也不用想，同埋，讀到書的話，怎麼學校也一樣讀到。

samhongkong

回覆 twlo 的帖子

多謝大家既意見！我打算讚美要扣門既學校，然後叫佢去試下考。希望成功啦，萬一落選左，就話唔係佢唔叻，只係有比佢更叻既小朋友，佢盡左力就得，反正原本個間都唔差。
Twlo 既經驗好有用，感謝分享。

virginbaby

我想問下，叩既係神校定地區名校，二線學校？
我唸自己之前準備唔夠好，有啲學校面試撞期，攪到好似要再搵多啲去叩，但時間有限，好迷惘

cattz288

原帖由 twlo 於 16-06-05 發表
其實宜家的小朋友很醒，知道大人想做怎麼的?
我的小朋友上年也抽得不好，要叩門，我如實同佢講。不過完全沒 ...

我之前都係咁教定個仔咁，同埋老師鍾意答問題既小朋友， 答錯唔會罰， 但唔答就會無禮貌架

mcl203

原帖由 twlo 於 16-06-05 發表
其實宜家的小朋友很醒，知道大人想做怎麼的?
我的小朋友上年也抽得不好，要叩門，我如實同佢講。不過完全沒 ...

我小朋友當年6歲仲係一舊飯，考乜都唔知，亦唔使佢知，6月交埋私校學費，仲要收指示去面試，升小係由父母揀的，最後都會同佢講下，但我唔覺佢會明

AgapePa

原帖由 samhongkong 於 16-06-05 發表
家中小朋友比較早熟，咩都知，但心寧脆弱，好易唔開心。我應該點樣同佢講，等佢積極Ｄ同認真咁去扣門，而又 ...

話俾佢聽過咗level 1, 要升呢打大佬.

twlo

其實宜家的小朋友很醒，知道大人想做怎麼的?
我的小朋友上年也抽得不好，要叩門，我如實同佢講。不過完全沒有俾任何壓力給他，只是同佢講，老師問怎麼，明白便答怎麼。當中有不明白或聽不清楚，便禮貌地問多次。
最後，叩了五間，有四間成功。