太太剛剛有了BB

gabbychan1981

現在有一個自閉症的兩歲八個月的兒子，上緊協康的兩日班。想問下有兩個小朋友的家長，你們是否兩個到有自閉傾向，定得一個有？

SKB

大仔係A仔(食藥讀主流小二)，細女係正常。

rose-mag

暫時應該冇定案同遺傳有D咩關連，例子見好多，以前學前班有個媽媽三個仔，個個都係。亦有識人一對孖仔，大孖典型A仔，細孖冇事；另一對孖女，大孖學障加語障，細孖正常。我自己一仔一女，大仔自閉譜系，智力正常，數學好好，係讀有少少問題，社交弱同埋思想唔夠同齡成熟，細女完全正常，讀寫都好，反而數學差少少。其實而家都未確定到自閉同遺傳有幾多關係，反而係要睇下自己有冇能力湊到兩個，如果一個A一個正常，好多時見到正常果個都覺得被忽略，要父母自己留意；咁如果唔好彩兩個都係，可唔可以接受到，同埋要時間帶兩個去做訓練。

apple~y

回覆 farm712 的帖子

係,我都見個係龍鳳胎一仔一女,仔係自閉來上訓練
女正常仲好叻,唔知點解
有問題又唔係兩個都有,好多野醫學界仲未揾到答案

我都係1 仔1 女,但唔係龍鳳胎
哥哥自閉要番特校,妹妹正常學習無問題仲時時比老師讚聰明
真係一個天一個地

Sask999

不好太擾心。有見過identical twin 一個有一個冇，所以未必一定有問題。

farm712

我聽過有三胞胎，其中一個係A，但其餘兩個正常。

apple~y

我之前睇過"脆ｘ"呢隻
患者外表會有異樣較容易睇到
一般自閉外表同普通人無咩分別
我個a仔老師仲時不時讚仔靚仔

Jjchow2015

六歳的評估是cac 做？

mic.mo

我第一胎係自閉症譜系，屬於輕微，返e位，主要係社交和言語弱，有搵到遺傳原因（check DNA，純粹咁啱有教授想做research平常唔知有咩途徑做到)，令到佢較容易有自閉症譜系的病徵，但都講唔實係咪完全關DNA事。到第二胎，抽左臍帶血係無事。但結果都係社交、言語弱，要排自閉症評估。

醫生有個解釋幾好，其實佢都跟哥姐，哥姐的社交或偏執行為等，細嘅有樣學樣唔奇。反而，是家長要小心處理。

一方面，少少唔對路及早做評估（我仔1.5歲直接同健康院講返哥情況，就去cac 2歲已經做評估，排e位。比一般情況快。但謹記醫院唔會幫你操心咁多，但你一講有咩擔心，理由合理就會幫你跟）。

二方面，已經有哥姐的經驗，把他們的訓練提早在細的身上做。其實所謂訓練都係遊戲元素多，當親子活動，做左只會有益無害。現時醫生係咁嘅，六歲做評估甩到自閉病徵，上小學無問題就當close file

lulumelody

—普自閉症應該不是脆ｘ。現今仍未知自閉成因，所以不能預防。不過，太太已有了ＢＢ，不要太擔心！反而出世後，加多注意ＢＢ發展！

gabbychan1981

張「脆X」單張，寫了自閉症和其他發展的問題的症。

Jjchow2015

我之前問過做nifty 的醫生，好似fragile x 同A不是直接關係！

gabbychan1981

早兩天去了威記登記，醫生見到轉介信寫了大仔有自閉症，醫生叫我太太去遺傳科check一個「脆X」的，看看太太有無染色體的問題，如果無問題可以轉介去遺傳科看醫生。

apple~y

有左唔好諗得太負面,叫太太多點休息生個肥肥白白bb
鍾麗淇個大女都有先天性嚴重疾病,都生第2胎
放鬆些

pandawife

我大囡A, 細仔正常

crystal媽咪

未必一定兩個都係自閉，
首先放輕鬆一點

KCHK

CAC 有幫我轉介遺傳科, 但查不到原因, 只係check 左有無多左或小左染色體，唔會check 染色體有無排錯。

funghon

原帖由 gabbychan1981 於 16-05-23 發表
是否政府醫院就可以的？

政府醫院的遺傳科，但只有小部分人係找到原因

gabbychan1981

funghon 發表於 16-5-23 18:41
測試你大仔DNA有冇問題，如你已懷第二胎 ，可加快處理

是否政府醫院就可以的？

funghon

原帖由 tcbobo 於 16-05-23 發表
測試乜嘢？點知bb係A？DNA? 定驗血？出咗世的又可否同樣的驗?

測試你大仔DNA有冇問題，如你已懷第二胎 ，可加快處理