英華小學真．面試題 學生要認得習近平？

elbar

從來考直資、私立小學需要「過關斬將」！了解學校是第一步，難怪早前英華小學的小一簡介會網上報名，10多分鐘已將4,800個名額一掃而空。該校的小一學額共160人，去年已逾4,400人報名。


識反問林校長一定收？


連聽簡介會都「爭崩頭」？傳聞間介會上學校派發的VCD，校長在面見孩子時可能會問到VCD的內容！


家長Joanna的兒子 Jeryl將升讀蔡繼有，而英華小學則在候補名單，她說簡介會派VCD主要是介紹06至09年度學校生活，第二輪面試後同樣會派發VCD（10至13年度簡介）。

其實，如果小朋友看過VCD，對學校有印象會有幫助……在第三輪面試，父母跟孩子一起見林校長，她最後一定問孩子：『你有咩想問我？』

她不諱言，兒子只屬候補，正是他怯場。

始終都是 K2小朋友，他聽到這類open-end 問題即時停下來，抖大氣……你識反問林校長，我知道一定收。其實，孩子看過VCD很喜歡學校，一定有嘢問校長呢！

三輪面試內容


這代小朋友記性好，多問幾個大致已可整合面試畫面，以下為TOPick 記者綜合參與過面試「小綫人」資料所得，再以當中最好記性的Joanna為主。不過，面試題目要改很易，家長參考好了。


首輪面試：考學術


約1小時的面試，學校會安排小朋友圍坐繪畫，枱面卻只放置一盒顏色筆，目的就是要考有無人爭顏色筆。家長Joanna指，

我仔說見到老師邊望着他們邊俾分呢！

繪畫後，學校在安排小朋友在「中文枱」讀 50個詞彙。

我仔說有10個唔識，大約是蘋果、輕鐵等字。

其後在「英文枱」同樣要識50個詞彙：「我平時跟兒子看很多圖書，當時看Oxford Reading Tree已超過 Level 6（一般 K2約 Level 2、3），他識首200個high frequency words，也說有一個詞語不懂……他記得的有 climb、home等字。」至於「數學枱」則簡單得多，懂個位加減數而已。


而「常識枱」，孩子需要識梁振英、習近平、奧巴馬，林校長去年曾在訪問中提過，小朋友看電視會見過這些人物，亦有考孩子認識不同種類的恐龍名，前年則考過串astronaut、識寫中英文名等等。


不過，每組皆不同，Joanna的兒子則是飛機圖片，老師並送他飛機卡。這部分非常重要，因為有機會入第二輪，校長會問「你上次面試收到那張是甚麼飛機卡！」


第二輪：考反應


進入第二輪面試後，首先5位小朋友要一起見林校長，並親自遞上portfolio；小朋友在家挑選了中英文書各一本，過往校長會隨意挑一頁請孩子朗讀，去年則由孩子揀想讀哪一本。Joanna笑道，據她所見揀中文的孩子全都順利進入第三輪，真的信不信由你。


最後校長請孩子看一朵會轉動的花，發問10條問題，要孩子搶答，真正考孩子反應、觀察力和禮貌：「花蕊是甚麼色？有幾多塊葉？不過，每組都不同的。」Joanna補充。


第三輪：家長一齊見


父母跟小朋友一齊見林校長，所有問題都是她指定由哪一方答；而小朋友是坐在父母中間，就是想看小朋友在父母面前的應對。

有些孩子或會依偎父母，有父母同場，表現很不同。校長問我先生平時愛跟兒子做甚麼，他答踢足球，校長即時問兒子，守門員做甚麼，如果平日無做，一定有破綻吧！跟着問我愛跟兒子做甚麼……會問小朋友portfolio上父母的職業等等。

由於面試很後期，不少孩子也有其他學校 offer，她有問我們如何取捨。其實，更多是open-end 問題，像喜歡玩的玩具，有甚麼好玩？最後一定問孩子：有咩想問我？我覺得校長想收夠主動、會思考的孩子。

揀合適學校


Joanna只幫兒子報了4間學校，平時注重親子閱讀，可見兒子應付面試的學術內容無難度。「就算要訓練小朋友去面試，臨場反應不可以……他是候補，我其實可以再做多步，希望英華收，不過，我覺得幫到兒子已行到這一步，並不是逼他。」她覺得揀一間適合兒子的學校更重要。

積奇百事

monsterparentss 發表於 16-5-23 15:10
回覆 retriever 的帖子

其實爸爸練嘅只係佢講得流利啲，肯定啲，組織下佢想講嘅嘢。

同意, 小朋友難得入到第三輪, 做父母都要盡力去表現. 得失無人知. 凡事盡左力就可以.

retriever

monsterparentss 發表於 16-5-23 15:10
回覆 retriever 的帖子

其實爸爸練嘅只係佢講得流利啲，肯定啲，組織下佢想講嘅嘢。

經驗之談...

準備得到既, 都係標準問題, 標準答案...

實際情況, 有時又唔係問正予想既野...

咁好直觀, 會係已準備既答案中, 搵個近似既答回去, 因為準備得較熟...

咁過後會覺得有少少跑題....

而面過咁多間, 諗番會覺得臨場爆肚, 我口講我心既係表現得最好...

無論如何, 急才係好緊要...

但好似之前講, 大家係普通人家, 唔係考主持人...


請媽媽們對爸爸包容D...

積奇百事

retriever 發表於 16-5-23 14:49
你覺得, 以你經驗, 林校長想知爸爸同呀仔既咩野, 點樣既關係?
其實我係話, 就算準備左, 表現好唔好都係好 ...

我覺得校長係想知爸爸同仔仔有無共同經歷, 共同話題, 只要表演得到就可以.

收唔收仲要睇當日小朋友表現, 始終小朋友先係主角. 父母只係其中一個因素.

monsterparentss

回覆 jesswu 的帖子

係interview初期，爸爸未熱身，佢見另一間小學，佢自己答到斷咗片，問老師我講到邊，我果下O咗嘴。
所以到YW，佢都提意下要練習一下！

monsterparentss

回覆 retriever 的帖子

其實爸爸練嘅只係佢講得流利啲，肯定啲，組織下佢想講嘅嘢。
個interview 只得15分鐘，我哋都唔想er...er..咁er晒啲時間佢。
我哋希望答得簡單而有point，等過程流暢啲。

你講得啱，對答係好主觀，但呀仔好努力咁入到第三關，我哋都要盡力表現得好啲。


盡咗力，結果係點，係睇天意！

retriever

積奇百事 發表於 16-5-23 14:44
如果我無記錯, 你果個係囡囡. 所以你無乜去深入了解英華概野. 校長多次強調爸爸角色係仔仔成長好重要.
所以 ...

你覺得, 以你經驗, 林校長想知爸爸同呀仔既咩野, 點樣既關係?
其實我係話, 就算準備左, 表現好唔好都係好主觀架... 最後判斷極可能係用面試結果諗番轉頭...

積奇百事

retriever 發表於 16-5-23 14:10
其實DRAFT Q 係小CASE... 發覺有時準備左Q&A, 答題會拘泥於準備左既答案, 可能仲易走少少題....
實話實說,  ...

如果我無記錯, 你果個係囡囡. 所以你無乜去深入了解英華概野. 校長多次強調爸爸角色係仔仔成長好重要.
所以係第三輪面試, 會著重爸爸同小朋友相處果種關係. 爸爸只要表達到果一種親子關係就可以. 校長得到佢想要概答案就會轉話題, 如果唔明白, 我估校長係會繼續追問.

校長係多個公開場合講到爸爸角色概重要, 如果爸爸仲要打天才波, 唔去好好準備一下, 咁又可以怪邊個呢?

jesswu

原帖由 retriever 於 16-05-23 發表
你咁樣最好, 一人做事一人當...

最怕姓賴....

正是……今期攞曬彩

retriever

monsterparentss 發表於 16-5-23 13:10
都睇下爸爸緊唔緊張喇！當年我哋間間都考天才波，多數係我答得比較多。

唯獨係呢間我哋主動覺得要draft Q  ...

其實DRAFT Q 係小CASE... 發覺有時準備左Q&A, 答題會拘泥於準備左既答案, 可能仲易走少少題....
實話實說, 而家係收個細路, 唔係考司儀, 主持人... 點解要介意爸爸答得好唔好... 如果答得唔夠到位, 校長想知既, 唔會直接D 問清楚?

校長擺個波係爸爸度, 令D 媽媽有無限聯想...


點先叫答得好, 答得唔好?!!

AT THE END 極可能係簡單用個結果"被判斷"...

咁D 爸爸中硬箭...

retriever

jesswu 發表於 16-5-23 13:58
我宜情嚴禁爸爸出場，唔會比佢累我搭沉船
結果由我單刀赴會單拖in 家長，得左……
不過我 ...

你咁樣最好, 一人做事一人當...

最怕姓賴....

jesswu

原帖由 monsterparentss 於 16-05-23 發表
都睇下爸爸緊唔緊張喇！當年我哋間間都考天才波，多數係我答得比較多。

唯獨係呢間我哋主動覺得要draft Q  ...

我宜情嚴禁爸爸出場，唔會比佢累我搭沉船
結果由我單刀赴會單拖in 家長，得左……
不過我個係女，唔係in yw....

MLKC

請問林校長幾時退休？

monsterparentss

都睇下爸爸緊唔緊張喇！當年我哋間間都考天才波，多數係我答得比較多。

唯獨係呢間我哋主動覺得要draft Q & A，爸爸仲練得好流利，結果佢答咗7成問題。

retriever

Joycecls 發表於 16-5-17 00:32
😓爸爸嘅對答好重要....大獲，爸爸唔係好識講野😓睇黎要train up嘅係爸爸



  ...

SNOOPY 校長咁講, 姐係想害人地兩公婆鬧交姐....

爸爸們慘矣.

matsushima

小小莉 發表於 16-5-16 21:18
同意！林校長亦非坊間所講的友善，我姨甥仔就極唔鐘意校長，畢業後連門口都唔想經過



  ...

咁緊要

chitchitboy

派入就真係有機會不接受林校長的風格了

小小莉

原帖由 ppmmbb 於 16-05-16 發表
無直上書院?

有上書院，但對學校既歸屬感差好遠，起碼願意參與學校活動及帶領師弟

小小莉

原帖由 ppmmbb 於 16-05-16 發表
想八卦下,你姨甥是2008年轉直資後入?  定係早年大抽獎津貼年代入?

直資前入

Joycecls

😓爸爸嘅對答好重要....大獲，爸爸唔係好識講野😓睇黎要train up嘅係爸爸