校車上落點問題

郭夫人

請問校車上落點是否一定要同一地方?
因為我要返工，小朋友屋企人湊，想返工前我送上校車，放學直接到屋企人家做功課，放工才接回家。
係咪無可能?

puffy0305

我個女上落校車地區唔一樣，比遠個程校車路線錢！

洋蔥頭媽咪

原帖由 郭夫人 於 16-05-09 發表
請問校車上落點是否一定要同一地方?
因為我要返工，小朋友屋企人湊，想返工前我送上校車，放學直接到屋企人 ...

我仔就係上落車不同地點，因為我要返工，所以返學上校車响屋企樓下，放學就近託管中心。
其實校車一般要填上/落車站，而設定車站就要視乎上落車人數是否足夠，如果夠人數一般問題不大。我仔返/放學路線不同，雖然只差幾條街，但價錢都有分別，我係比貴果條線嘅價錢。

郭夫人

應該要線，因為我小朋友黎緊要揀小學，無理由為左校車而局限左選邊間小學。thanks all

mayyylai

回覆 郭夫人 的帖子

相信冇人可以好肯定咁答妳，妳應該問學校（校車）或褓姆車司機。

556699

每間學校每間褓姆車公司做法都唔同，最實際問自己間學校。

小曳人

如果相同校車，應該問題不大，但如果要轉線的話，就要睇下有無位，我仔學校要加手續費，上年度問係$50/月，一日，即如果5日轉線就加$250/月

但今個學年加咗，$100/月，即5日要$500/月

celiakids2013

我女早上行10分鐘出去搭校車，放學在樓下接，原因係早上校車不肯入來。所以如果你有特別要求，要先同學校或校車公司商量