求求各位媽媽比你地嘅經歷同意見，十分感謝

nikiliu

我仔差不多20個月：
1）識講：車車、花花、moon、star、筆筆、電電、波波、襪、機機（飛機）👍🏻👍🏻見到會指住叫

2）識叫：爸爸、媽媽、爺爺、嫲嫲、姨姨、婆婆👍🏻👍🏻見到我地有時主動叫、叫佢hug 有身體接觸一時時肯

3）響playgroup 上咗18堂：
😰有陣時仍然去到門口唔肯入，係咁喊，同佢入去見到人哋一關門喊到傻

😰大部份小朋友可以坐定定睇住老師嘅指示去完成一樣野，我仔唔肯俾人捉住隻手黎教，有陣時好唔合作自己一個走去第二度玩另外一啲嘢，吾太同其他小朋友交流

😰叫佢同小朋友及老師揮手同hug hug,一半時間吾肯走埋去，但有時又肯

😰老師話佢留意到我仔較自我同少眼神接觸，吾係完全冇但一半時間要叫多幾次先望人

4）社交：
響屋企叫佢名一半時間望我們，一半時間吾望。有時見到得意野會指住或攞比我地睇。🤔🤔

響街見到其他人有時望人同人有眼神接觸，有時主動同人揮手。但有一半時間人地面對面望佢同叫佢好似完全睇吾到甘😳。響公園我叫佢冋小朋友hi, 佢時肯時吾肯，見到小朋友玩得意野佢會走埋去睇，但係人哋一行近佢就會走開🤔🤔

5）脾氣好差，佢要果樣野一定要要到，吾係就爆喊同扭😭😭無耐性，最鍾意玩波，同佢好鐘意圓形嘅野，大部份時間玩一樣野專注超短，走來走去冇時停😰鍾意入野同玩可以啪埋一齊嘅大人野，好少攞玩具自己玩

佢好少bb話，基本上係有要求同需要時就嗌，有時我叫佢講生字又一時時肯跟住發音。厭吃正餐😰😰😰

請問你地有經驗既mama覺得我仔有問題?

hha

我覺得反而係留意自閉多過adhd，不過，睇你形容，你個仔係被動型，就唔好迫佢要同人hug或shake hands，有距離咁打招呼已經夠禮貌了，否則弄巧反拙！

nikiliu

好多謝你嘅意見，今年8月番n班，希望會順利。

letterland

其實佢得20個月仲好細。好多野都算係正常。小朋友可能唔鍾意環境 老師 所以喊爆唔入都正常。 playgroup 得10個人仔，表現唔好唔代表係異類。

呢個年紀唔識表達情緒 又無耐性 成日發脾氣同喊係超級正常。

再大d返左k1 就知係咪真係有問題。呢2年令小朋友開開心心成長先。