送自己個仔女去普教中學校究竟係咩心態？

greivas

送自己個仔女去普教中學校究竟係咩心態？想你個仔用普通話思維諗野, 做純正大陸仔?
知唔知廣州有好多家長想用粵語教學都冇得用

你地就掉返轉
以為喺屋企講廣東話就冇事？
D小朋友依家係會對住個字但係唔識個粵音
好似岩岩鏗鏘集個小朋友, "無時無刻"讀左"無時無ke"
久而久之咪會用普通話閱讀, 用普通話諗野囉

要學普通話, 普通話堂已經夠
我未試過普教中, 去台灣exchange一D溝通問題都冇

廣東話係我地香港好珍貴好珍貴既文化
我睇完今集鏗鏘集, 聽到個家長話廣東話粗俗就好心痛
我想喺度同D考慮緊普教中同粵教中既家長講
千祈唔好睇低自己文化
普通話唔使喺中文堂學
我地既廣東話文化要一代代咁傳承落去

wong2323

請討論時保持禮貌及理性, 此話題已引起罵戰,現關閉本帖

溫馨提示:政治及時事話題請到親子王國時政擂台討論

http://www.baby-kingdom.com/news_warn.php

敬請大家合作,謝謝

Yanamami

學煲冬瓜就是親共？難怪我地係要入英中果d會係支持外國勢力……ABC DAD唔係已表明佢係粵教中受惠者咩？成日啄住佢做乜啫？

greivas

ChiChiPaPa 發表於 16-4-2 12:54
台語有較完整的書面語，而台語文學運動在台灣社會有一定的支持。不知香港知識界人士會否發動粵語或香港本土 ...

岩岩相反，普通話同粵話先係唯二做到文字化嘅方言
我地講廣東話就真係寫到個字出嚟，台語好多音都冇文字，佢地果D台語文學好多音都只可以寫注音，寫唔到個字，一係就用國語「空耳」，好似為甚麼會變左為蝦米，教育部果D鄉土教材就係成日用空耳，台語使用者睇完都唔知佢噏乜。而且台語歷史太悠久，好多古字，同依家D字好大分別，好似"蛋"，台語係"卵"，"小巨蛋"會讀做"小粒卵"，青蛙又叫水雞。所以佢地台語要傳承落去真係面對好大挑戰。

greivas

ABC-DAD 發表於 16-4-2 10:35
國民黨入台，官方用國語，數十年來外省藉跟在地藉嘅問題，台語一直如何發展？一種語言、文化嘅真正生命力， ...

你舉例子都舉好啲喇，拎國民黨做例子
語言方面國民黨仲衰過共產黨，返學講閩南話要比人捉出來戴狗牌示眾，成日有意無意就灌輸台語低俗，國語先係文明嘅訊息(正正係香港做緊嘅野)，國民黨未入台明明八成人口講閩南話，用左幾十年就比佢夾硬搞到斷層，年輕人得返唔夠兩成講台語

你去台北用台語買野食分分鐘比店員鬧返你轉頭，話你存心刁難佢，仲話相互尊重。。。

greivas

ABC-DAD 發表於 16-4-2 10:23
不熬，係講多費事咁解，唔係走人，粵語精彩處，係雅俗共賞。閣下表面講為保衛母語學中文痛心，我想 ...

"吸納人之長，捨人之短"，講得好，可惜喺你擁護嘅共產黨已經冇呢樣野，淨係會諗點同化你。
喺學普通話呢件事上面，香港人仲做得唔夠咩？以前香港得一半人口識普通話，今時今日30歲以下人口已經有超過93%人口識講廣東話，係咪要犧牲埋自己母語嘅能力先叫做包容？

greivas

ANChan59 發表於 16-4-2 10:17
件事爆出後，藥監局總局CFDA已經追蹤製造商及各地分銷商，如果拉到必死無疑，上星期追蹤到深圳，應該好快陸 ...

冰山一角喇，仲有幾多野未爆出嚟？

greivas

ABC-DAD 發表於 16-4-2 10:14
睇到閣下筆鋒，想提一下你，你用嘅批判方式，正正就係朝文化大革命嘅走向，偏執嘅思想、言行，亂扣人帽子等 ...

其實你有意見咪反駁囉，喺度單單打打都唔會掩蓋到你理虧。

conniewktang

原帖由 MrBeast 於 16-04-02 發表
今天剛考去了一雙語講座，冇take notes just from memory：教授覺得音準不太重要，lang溝通到就得，pth 小 ...

👍👍👍

MrBeast

今天剛考去了一雙語講座，冇take notes just from memory：教授覺得音準不太重要，lang溝通到就得，pth 小三四開始不太遲，而且more effective，小弟最開心就是聽到教授話睇tv和movies都可提供好的語境。我這無聊人竟然和教授英雄所見lur同，當然他是教育介精英而我只是a bno male

Jane1983

回覆 ABC-DAD 的帖子

同意，不論大家觀點如何，討論事情有基本態度。

ChiChiPaPa

原帖由 ABC-DAD 於 16-04-02 發表
國民黨入台，官方用國語，數十年來外省藉跟在地藉嘅問題，台語一直如何發展？一種語言、文化嘅真正生命力， ...

台語有較完整的書面語，而台語文學運動在台灣社會有一定的支持。不知香港知識界人士會否發動粵語或香港本土語言書面化運動？

ABC-DAD

實事求事，真係唔在同一個層次，我唔會啦，免得做左“河國Wing"
唔會回，申利：粵教中受益人

ABC-DAD

國民黨入台，官方用國語，數十年來外省藉跟在地藉嘅問題，台語一直如何發展？一種語言、文化嘅真正生命力，自然會借時間顯現。相互專重就係首要，接納遠遠比針對有意義。

ABC-DAD

不熬，係講多費事咁解，唔係走人，粵語精彩處，係雅俗共賞。閣下表面講為保衛母語學中文痛心，我想要提你嘅係：請你留意中文文化嘅大道包容，吸納人之長，捨人之短，一句說話：天行健，君子自強不息。

ANChan59

原帖由 greivas 於 16-04-02 發表
你咁擁護北方價值，不如搬埋上去住添喇，北人視人命如草芥添呀，毒疫苗打到人地個BB痴痴呆呆，第一件事唔 ...

件事爆出後，藥監局總局CFDA已經追蹤製造商及各地分銷商，如果拉到必死無疑，上星期追蹤到深圳，應該好快陸續有人落網！

ABC-DAD

greivas 發表於 16-4-2 09:22
你咁擁護北方價值，不如搬埋上去住添喇，北人視人命如草芥添呀，毒疫苗打到人地個BB痴痴呆呆，第一件事唔 ...

睇到閣下筆鋒，想提一下你，你用嘅批判方式，正正就係朝文化大革命嘅走向，偏執嘅思想、言行，亂扣人帽子等等，你以為會嚇退別人？

A-Mum

未有普教中之前，我地已經有英小、英中，家長都係趨之若騖，好多 terms 學生都只係識英文，唔知中文點講。我認自己都係咁，唔係我覺得中英夾雜叻D，事實係我講唔到全中文。
咁點解到我幫小朋友揀學校，依然看重英文教學？因為香港係一個小城市，無能力同小城以外溝通，就只能做井底之蛙。能夠溝通嘅，就係有用、值得學嘅話言，係香港咁好嘅環境都唔學好兩文三語，未免太浪費。

Yanamami

知道嗎？再有道理，再理直氣壯，這種語氣，這樣的用詞，在EK這邊並不受落~

greivas

Yanamami 發表於 16-4-2 07:28
點解問家長送仔女去普教中學校係乜心態，而唔係問：點解HK有禁多普教中學校？點解面試時要考埋煲冬瓜，而且 ...

因為試行普教中就有extra funding，家長又羊群心理驚蝕底