依然快樂 (先餵飽女兒靈魂) ------ 鄭丹瑞

小時了了

係呢排咁多學生自我了結自己生命，今朝再一次睇到阿旦幾年前嘅文章分享，提醒自己如何才是最好方法餵飽阿女靈魂。

February 8, 2013 · 依然快樂 - 鄭丹瑞

小女兒上大學，揀選了考古這一科。一眾 uncle auntie、契爺契媽都暗地裏問我：「吓！你俾個女讀考古？第時佢出嚟做咩？ 點搵食呀？ 」

如果人原來只是為了「搵食」而生存，小時候逼她學琴學功夫學體操，都是為了將來可以輕鬆「搵食」，那做人豈不是很容易，但也很可悲？

我跟他們開玩笑說：「我未聽過讀完考古，畢業之後會餓死！」「但讀考古係唔會發達㗎噃！」「你睇吓阿邊個個仔讀 Finance 嘅，返嚟香港入啲大行做暑期工，閒閒哋三四萬人工！呢啲科至會發達㗎！」

他們苦口婆心勸我，還未及提出「金錢非萬能，發達無本心」的道理，又收到朋友來電：「有無搞錯！俾個女去以色列考古？你知唔知嗰邊打緊仗？」

我知！女兒在 Facebook 告訴我，每當聽到警報聲，全組同學就要躲入防空洞，「十分刺激！」女兒又告訴我，每天都挖得一面一身泥，日曬雨淋，「十分享受！」實在太危險了，領隊帶他們去了死海避避風頭，無端端多了幾天假期，「十分好玩！」

就憑女兒這三個「十分」的報告，已經再次肯定我讓她揀選考古這一科是做對了。

人生而要搵食，這個當然。但也有很多種「食相」，有人狼吞虎嚥，甚至食埋隔籬嗰份，結果人吃飽了，卻餓死了靈魂。我寧願我的女兒慢慢咀嚼，先餵飽靈魂。

2011年10月05日刊於香港經濟日報

Happyhappylive

Doray

Agreed, 公司新人個個三五幾年換一批，乜鬼六大，英澳u都有請吓，全部都叫Professional 但做唔做得嘢，re 唔reliable 真係態度性格，rather than 邊間u畢業!!

MLKC

同感，只要拿到入場券，有基本語文能力，出外工作的成就就靠個人性格造就了。

annie40

朋友是跨國基建工程公司的老員工，講起新入職工程師的style如下：

HKU - 十分「庵𪂹」，看來像未發育
HKSTU- 高大靚仔，聲大兼流利粗囗,是句句爆粗，料不多
Imperial, Sydney , Cambridge, - 家𥚃有點錢，中文麻麻，不合適落地盆,性情是溫和，與世無爭。

結果有得升，就升左HSTU. 其實都無乜實用，因為公司無乜空缺再升啦，有排等。

感覺是幾種學校的孩子，最終還不是在同一屋簷下工作，當年被認為是天之驕子的成績單，學府等級等，只是一個階段吧！父母對成績放鬆一點，孩子還是很可愛。

PS, 評語只是轉述，無意冒犯個別人士。

annie40

回覆 964000 的帖子

朋友夫妻倆是超級高職人士，第一個孩子養了十多年走了。近日以超高齢產下第二個孩子，仍然在ICU, 還未肯定孩子健康㕻？十分担心。
自己比較相信「福禍相依」，有運道有福氣的人，記得要分享出去。正當自己硬系覺得「掙少少」，可能就是剛剛好了。

964000

原帖由 annie40 於 16-03-16 發表
It is never easy to raise children.  Luckily we truly admire them as  responsible kind hearted perso ...

我當初挓囡囡時都不是太順利，試過作小產，同期弟婦還小產了冇左個BB。之後整個懷孕過程好像過了一關又一關，當時還把心聲寫了在日記，祈求小朋友健康出世便可以了。現在有甚麼迷失，考不到最心儀學校，囡囡吾聽話，同人比較，有咩吾開心，就會拿出來看，看完就吾會再為無謂野吾開心了。

picture

原帖由 October. 於 16-03-14 發表
係香港,除非讀專科, 唔係就讀乜都無所謂, 畢咗業中英文好最緊要.

absolutely agree.

manman333

其實讀呢啲冷門專門出路可能更廣，我係講緊在世界既出路，啲國家地理雜誌呀，世界博物館呀等等。在香港出唔都唔係係，你睇地鐵開新線成日話挖掘到啲咩朝古蹟出來要停工。咁考古學咪可出場囉。

simonwan

little_yolky 發表於 16-3-17 13:27
我貪心D, 我當初係求小朋友健康快樂、漂漂亮亮、聰明伶俐、平平安安、無憂無慮............ ...

我仲講埋大富大貴啊！

little_yolky

964000 發表於 16-3-17 12:25
當初大肚時曾向上天講，我只要小朋友健康快樂便可，到之後有那個父母做到？好矛盾呀



  ...

我貪心D, 我當初係求小朋友健康快樂、漂漂亮亮、聰明伶俐、平平安安、無憂無慮............

964000

當初大肚時曾向上天講，我只要小朋友健康快樂便可，到之後有那個父母做到？好矛盾呀

AgapePa

little_yolky 發表於 16-3-13 23:08
⋯⋯我兩公婆都係讀考古的。

其實考古都可以好型, 兩公婆係未一個似 Indiana Jones, 另一個似 Lara Croft

annie40

It is never easy to raise children.  Luckily we truly admire them as  responsible kind hearted persons, and they do truly appreciate our love and family core value.  I couldn't ask for more.  

200904

我都同意。孩子喜歡怎樣就怎樣吧！始終是她的人生。我顧定自己，將來無需她養我就好了。

200904

第一次知道你的考古背景，厲害

annie40

回覆 October. 的帖子

真心戥你高興，女兒跟你咁坦白，理由足夠，證明她很有主見，無比人嚇窒,或是拋窒。香港不少孩子是被嚇着長大的，無呈呈咁選科，又儍傻下的急轉，就是計較別人的想法，（而那個（別人），包括父母，其實識野也有限），卻講到是必然，細路終日惶恐地讀書考試，又不大清楚目標，成績再好也是假象而已。家有負責任，肯讀書，會進修的孩子，能獨立思考，日後投入社會，有乜理由會唔掂？

October.

annie40 發表於 16-3-14 11:58
只要孩子肯讀書又鍾意讀書，父母巳是執福啦, 咪系到自己嚇自己，強要為孩子選科，選職業。

好認同, 是我既心聲.

肯自動波讀書,成績幾好已好感恩.當初阿囡大學選科我地只是輕輕提過意見, 佢唔聽, 我地就由佢自己揀, 阿囡講過一句,讀唔中意既科分分畢唔到業, 我好信, 依家佢日日開開心心返學,GPA又過3, 肯俾我地上佢A/C睇成績, 我地已經好滿意, 感恩.