訓練左五個月？從爸爸到餅餅...燈燈！ - 自閉寶寶

vyvycollection

複式洋房

Rank: 3 Rank: 3


	202

14^#

發表於 16-4-22 15:40 |只看該作者

回覆 leungsiufan 的帖子

完全同意你的說法，湊仔，煮反，教仔帶佢週圍去，我全職湊佢第一個月已瘦了十幾磅，慘過做工人，不過見到仔仔的進步幾辛苦已是值得的

Rank: 2


	83

13^#

發表於 16-4-16 23:33 |只看該作者

引用：Quote:原帖由+leungsiufan+於+16-01-02+發

原帖由 doramei 於 16-03-20 發表
請問在哪裡上密集班、職業治療及言語治療？thanks

我囝系協康上密集，但我覺得如果location就到其實邁步會全面啲，因為佢有5日班上。言語治療系間私人機構叫恩言恩x上，其實協康密集系有言語治療，但密度唔夠，只得每兩星期一次，但最主要系個治療師經驗未到家。職業治療系協康，理工大學，明愛都有上過，我囝比較鐘意明愛嘅治療師

doramei

複式洋房

Rank: 3 Rank: 3


	191

12^#

發表於 16-3-20 01:13 |只看該作者

引用：我囝兩歲8個月開始開口講單字到而家3+歲2+

原帖由 leungsiufan 於 16-01-02 發表
我囝兩歲8個月開始開口講單字到而家3 歲2 個月識講句子（名詞加動詞），我冇點特別訓練佢，只系日常生活上 ...

請問在哪裡上密集班、職業治療及言語治療？thanks

Rank: 2


	83

11^#

發表於 16-1-2 07:43 |只看該作者

回覆：newsky 的帖子

我囝兩歲8個月開始開口講單字到而家3 歲2 個月識講句子（名詞加動詞），我冇點特別訓練佢，只系日常生活上遇到嘅野話佢知，而且佢有言語治療師跟進，治療師都會教我點訓練佢，如果你囝某啲音未發到可能同口肌未成熟有關。其實我囝有上密集班，仲有上職業治療，言語治療，社交班同返pn，呢啲都幫助好大，我主要系陪佢挽，成日帶佢周圍去，我覺得小朋友開心最重要。其實好難實質同你講點訓練，只可以講因材施教，因為每個小朋友嘅特質都唔一樣，唯一一樣野可以教你嘅就系媽媽要幫下小朋友建立固定嘅社交群，最好搵啲住附近嘅小朋友可以經常同你囝一齊挽，用生命影響生命，努力，因為呢啲小朋友真系要好有耐性先得

vincelo29

大宅

Rank: 5 Rank: 5


	1054

10^#

發表於 16-1-1 23:59 |只看該作者

回覆：訓練左五個月？從爸爸到餅餅...燈燈！

在兒子2歲半開始評估為發展緩慢及自閉傾向開始就轉做ftm，初時真係好㥬惶，又唔知俾咩訓練仍，自己又無咁的知識技巧，亦沒有給他們上密集式訓練，因他們返緊全日制n班，唯有每天自己帶他們上唔同訓練治療，有言語，有早期啓道課程，總之什麼都給予他們，再在9月加埋感統，我自己每樣治療訓練我都會在場陪伴及學習，回家自己會試訓練他們，明顯有進步，懂表達簡單句子，如我要餅，媽媽過來瞓覺等，最緊要唔好放棄，加油

newsky

大宅

Rank: 5 Rank: 5


	1320

9^#

發表於 16-1-1 17:05 |只看該作者

回覆 leungsiufan 的帖子

請問你用咩方法訓練仔仔講嘢？你仔仔幾歲先開始識講詞語？我仔仔兩歲九個月只係識爸爸燈燈同餅餅！而家我每一日出街同佢講燈花樹葉蛋糕！連續十日不停教佢但佢暫時都只係發到燈呢個音！我甘去教的方向啱嗎？

Rank: 2


	83

8^#

發表於 15-12-30 19:45 |只看該作者

回覆：訓練左五個月？從爸爸到餅餅...燈燈！

例如我煮飯咁，洗菜會同阿囝一齊洗。我囝對聲音有好大反應，佢好驚吸塵機聲，到而家佢唔驚仲成日爭住要吸塵，其實所謂家居訓練冇話邊種方法好，因為每個小朋友唔一樣，但制定一個岩嘅時間表對於佢地黎講系好重要。加油大家

Rank: 2


	83

7^#

發表於 15-12-30 19:28 |只看該作者

回覆：訓練左五個月？從爸爸到餅餅...燈燈！

我做左ftm年幾，呢年幾以來阿囝都不斷有進步，我囝當初唔識講野，四圍走，聽唔明指令，唔望人，到而家開口講簡單野，跟到課堂上嘅學習，有簡單嘅對答，而家阿囝3歲2個月，不過ftm呢條路唔易行，一定比返工辛苦好多，無論精神上或體力上。我日日都會帶我囝去公園挽一個鐘左右，又幫佢系屋企附近建立啲朋友仔同佢挽，亦有帶佢去上各樣training,系屋企同佢挽，其實最好將訓練溶入生活中系最理想