TSA的所謂閱讀訓練 --- 小孩為何要學應試技巧?

retriever

立法會TSA公聽會，家長說的都是由衷之言，是每天在家裡和孩子掙扎的吶喊。童年幾多快樂時光，就是斷送在這些操練上。

最近我傷心地發現，小女做閱讀理解時，根本沒有閱讀，也根本沒理解文章。她懂的，只是在文字裏找答案。


那是一篇朱自清的散文，我看到了，興奮地跟她說，媽媽以前也讀過這一篇，不過好像是初中才讀的，還感情豐富地朗誦起來。她不屑地瞧瞧我，繼續做她的練習。


怎樣做呢？她沒看文章，直接看題目，然後才在文字裏找答案。我問，不是先看文章，再看題目，再找答案嗎？她又沒理我。


TSA小三中文科的閱讀卷，25分鐘裏要做3篇閱讀理解，平均只有8分鐘一篇，莫說是她，我或者也會覺得緊張。


8歲的孩子，8分鐘要看一篇520字的文章，答9條題目，還要一連看3篇。若不操練，根本應付不來。但過度操練除了賠上寶貴光陰，還因而喪失閱讀興趣。


那篇朱自清，她有些題目不懂而問我，我指導過後，正想介紹作者有多聞名，文章裡一些句子有多優美，她全沒興趣地把習作蓋上，「做完了」，她說。


我問，你還沒看過那篇文章呢！她答，不用看的。


從這一份功課裏，她學到什麼呢？只學會機械地在文字裏找答案，訓練得愈多，做得愈快。但對閱讀能力，一點沒進益，她甚至不知道那篇文章的主題。更可惜的，是她對文字的好感和敏感度也失去了。


我不明白，一個8歲小孩為何要學應試技巧，而不好好去培養閱讀的興趣與能力。


陳惜姿

原文載於《明報》副刊（2015年12月2日）

lightingchung

原帖由 ok3 於 15-12-04 發表
我支持讀書要考試, 但反對過分嘅操練。

放心通常學校有一年2次考試

sharonseak

原帖由 ok3 於 15-12-04 發表
一個制度嘅形成, 通常係經過長時間嘅大部份人嘅共識而來的. 有幾多人可以真正做到求學不是求分數, 完全唔在 ...

ok3

lightingchung 發表於 15-12-4 21:23
咁取消TSA 係啱的。鍾意操練的自己買十本百本練習自己操囉。

我支持讀書要考試, 但反對過分嘅操練。

lightingchung

原帖由 ok3 於 15-12-04 發表
令我想起蟋蟀同螞蟻嘅故事。只要蟋蟀知道佢選擇過happy life嘅後果, 而佢又願意承擔呢個後果, 我真係完全唔 ...

咁取消TSA 係啱的。鍾意操練的自己買十本百本練習自己操囉。

ok3

kerobobo 發表於 15-12-4 18:03
咁如果唔用默書，測驗，考試等既成績黎評定學生既能力，又有咩可以代替呢？



  ...

令我想起蟋蟀同螞蟻嘅故事。只要蟋蟀知道佢選擇過happy life嘅後果, 而佢又願意承擔呢個後果, 我真係完全唔覺得有問題。但你如果阻止螞蟻去勤力工作, 迫人地去過你嘅生活方式, 我就覺得好大問題囉! 反之, 螞蟻亦無權要求蟋蟀辛勤工作! You choose your own life.

kerobobo

咁如果唔用默書，測驗，考試等既成績黎評定學生既能力，又有咩可以代替呢？

ok3

retriever 發表於 15-12-4 15:20
唔係柴你台, 你講既大環境既我都同意.. 但係...

其實邊類學校唔谷(或相對冇咁谷), 之前已有好多人分享過。不過唔係咁簡單, 諗住求其揾間地區二線就以為会輕鬆d囉。

retriever

ok3 發表於 15-12-4 14:50
一個制度嘅形成, 通常係經過長時間嘅大部份人嘅共識而來的. 有幾多人可以真正做到求學不是求分數, 完全唔在 ...

唔係柴你台, 你講既大環境既我都同意.. 但係...


"唔好同我講你冇得揀, 無論要俾錢定免費嘅, 根本market上仲有好多選擇. "


請問唔係抄寫操練, 又免費既係(幾)邊間?


可否開名?




咁荀又有得揀既, 應該大家都想知...

kerobobo

原帖由 ok3 於 15-12-04 發表
一個制度嘅形成, 通常係經過長時間嘅大部份人嘅共識而來的. 有幾多人可以真正做到求學不是求分數, 完全唔在 ...

呢個post 令我學到好多野

ok3

retriever 發表於 15-12-4 14:03
咁你覺得, 係個制度改變帶領家長集體改變?

還是家長會自然集體改變, 跟手令到制度跟隨?

一個制度嘅形成, 通常係經過長時間嘅大部份人嘅共識而來的. 有幾多人可以真正做到求學不是求分數, 完全唔在乎考試嘅成績?!  就係因為千百年嚟, 大部分人都做唔到, 先會有呢種讀書/考試嘅制度同文化. 如果家長自問做得到, 唔好同我講你冇得揀, 無論要俾錢定免費嘅, 根本market上仲有好多選擇. 不過唔好到時又問點解自己個小朋友嘅學術唔夠人地叻. 學校嘅公開試/派位成績唔夠人地好!你有權選擇你嘅happy life, 但人地亦有權選擇佢嘅生活方式.

lightingchung

其實大家忘記咗點解有tsa,因由係取消咗學能測驗(所謂高壓力嘅野)。而變了三個考試tsa 小三.小六(話只用來評估下"整體"學生及pre s1再加呈分試,一換幾個試,仲要有個試別人考而影響你派位(幾白痴)。我就令願有返學能測驗好過。

retriever

ok3 發表於 15-12-4 13:55
新型直資, 點解要開倒車? EB迫佢? 因為要考好TSA? 咪就係應市場同客戶(家長)需求囉! 求學求分數, 係EB要求? ...

咁你覺得, 係個制度改變帶領家長集體改變?

還是家長會自然集體改變, 跟手令到制度跟隨?


還是不用改變, 而家幾好, 適者生存(自己小朋友應付到, 無問題!)

我既年代係中學才學"應試", 而架係小三開始....

ok3

retriever 發表於 15-12-4 12:44
其實而家就算新型直資, 近年都有開倒車之嫌....

你無講錯, 家長有個大環境, 人習慣左當係就係咁架啦...

新型直資, 點解要開倒車? EB迫佢? 因為要考好TSA? 咪就係應市場同客戶(家長)需求囉! 求學求分數, 係EB要求? 定係學校? 一日攪唔清個因果關係, 今日俾你取消咗個TSA又如何? 明天一樣會有TSB, TSC 嘅出現.

retriever

punlik 發表於 15-12-4 12:50
二線津校，吾少有精英班.主動要求吾去精英班，估計應該沒咁大壓力．

精英班可能影響壓力, 唔想咁上進, 唔睇著D 分數都OK...


但係功課量... 朋友既話係 7 VS 9... 所謂地區二線, 係咪輕鬆左好多?


唔係囉....

ANChan59

回覆 hkpapa852 的帖子

1. 部份一線小學

Yes, we are lucky.

retriever

回覆 gingerale 的帖子

可唔可以唔做閱讀理解?

可唔可以唔ASSESS 個閱讀能力?






用做閱讀理解同改錯既時間, 睇多兩本小書好唔好?







P.S. 大家小朋友考小面試出來, 有否好想知道佢考成點, 要盤下佢地?