應否繼續學琴,掙扎中....

艾艾

阿囡小二,學琴一年多,準備明年考二級,但我不知應否繼續,原因如下:1) 成績差,一直未達標
2)一星期我會帶她去琴行練琴四次,每次彈45mins,有時話佢彈錯佢又話我唔識,好勞氣
3)她同時有學另一種樂器同埋跳舞,開始覺得唔夠時間用
4)我要返工,但阿囡的功課,溫習,練兩種樂器完全由我負責,我好辛苦
5)佢有近視,長期看樂譜可能令她近視深得更快
我有同阿囡傾過,其實佢都鍾意彈,但我發覺練琴需時最多,咁嘅情況，,我該 cut 學琴嗎?

Jane1983

回覆 艾艾 的帖子

吾小心的，提佢做完要check卷。
吾識的，比心機每日溫故知新，追d追d，小二始終吾係積埋好多，好有機會，

閱讀理解，一係每日同佢睇書，睇完傾吓內容，問吓佢，睇吓佢明吾明，再幫吓佢。二係買坊間練習，做吓，睇吓佢問題出係邊，吾明d也，再幫佢。

而家水浸眼眉，救左先，到各樣合格番，再從長計議。

芳小姐

我女由2月學到現在piano, 學得很慢, 但我見她有進步就算了, 無咁多時間, 大約1星期練3次琴.  我目的不是什麼考試(當然想, 但我女唔叻), 唯有當興趣學, 她開心好過迫佢, 搞到關係差

艾艾

回覆 Jane1983 的帖子

主要問題係唔小心+ 唔識就搞成咁, 另外閱讀理解失分最多

GreenMaDad

小二中英文唔合格其實真的是＂大劑", 是否學校不適合小朋友?  可否轉學校？

Jane1983

回覆 momama 的帖子

係呀，而家係中英文都吾合格，吾係話讀書大晒，但兩個主科吾合格，點都要放多d時間落去追番，或者睇吓也野出問題。

momama

如果樓主能夠解決到中英文都唔合格呢個問題，係可以繼續去學琴嘅。

ericby

應繼續學琴

azraelho

如果同小朋友達成共識會好 d...
定立合約，點樣先要阿女 cut...
小朋友堅持一樣野好，不過好似真係太多活動...
如果我地放工之後仲要返屋企工作 （小朋友功課），又要學幾樣課外活動，樣樣都要時間練習...
咁都會好辛苦😥

miugube

我非常驚訝有咁多家長竟然認同：
cut興趣班=多時間溫習=成績一定會好！

平日返學做功課溫習已經壓力爆標，現在小朋友雖然覺得練琴有點辛苦，但仍說想堅持學落去，點解冇人認同佢堅毅、認真的一面呢？
有時練琴都係心靈放鬆嘅方法（只要父母不要在旁過份指點），如果連一個比佢稍為可以呼吸口氣的興趣都冇埋，個人認為好唔值得。
現今每個父母都話希望子女可以有快樂童年，開心學習...但原來心底內仍是改變唔到「讀書就是一切」呢個心態？我相信首先我哋家長心態上要有所調節先可以令整個社會嘅學習風景得以改善。
小小愚見，若這是我的小朋友，我仍會比佢學呢3様嘢，也會同佢傾傾學業上出現問題，希望可以在運用時間上作出調整，看看有否改善。但暗地裡在學琴上要求稍為鬆綁一下，不要要求小朋友考級，給小朋友一個舒壓的機會。
事實上，若是沒有考級壓力下彈琴，的確是自我舒緩的方法。Sax是單旋律樂器，初階時容易上手，所以練習時間相對鋼琴一定較少。但日後有機會參加樂團其實也一樣花時間的，而且講求合作性，社交能力日見越強。
現在太多小朋友想舒壓找不到出路，結果行歪了。
學業要緊，但小朋友健康的心靈我覺得更重要啊～
若有天小朋友説想停學某某活動才算吧～

momama

睇返樓主之前嘅post, 呢個問題已經喺小一時出現；暑假期間冇追返啲成績，而家真係要出多啲力。第一次考試應該追唔切，希望小二尾可以達標。

CrabPincers

如果真係為興趣，就不會迫佢練琴，有得佢鍾意就彈，不鍾意就算，我女小學時一星期跳三次ballet, 學琴同長笛，小學都還應付到，一上到中一，太多課外活動，加上不適應，最後cut左長笛，之後ballet同到考完八級之後就無再學，佢話考完dse先再學埋演奏級

如果小學已經不夠時間用，就不好再學啦

艾艾

回覆 Radiomama 的帖子

你講得好啱呀, 吹色士風每次20mins 已吹到好熟，， 相反彈琴需更多時間，阿囡加入了管樂團，無可否認，色士風帶給佢的滿足感較大。雖然cut 琴後成績未必即時有進步，但我相信每星期多出的四個幾鐘可以用來看多d圖書，難得入到一缐小學，真係要追番主科成績，好怕升唔到班。

siden

原帖由 大件仔 於 15-10-24 發表
學樂器無興趣真是幾辛苦, 尤其彈琴, 身邊有好多朋友的孩子考到7-8級, 但都無彈落去或在這方面發展, 苦學多 ...

完全同意

Wistaria

原帖由 艾艾 於 15-10-23 發表
回覆 scyauchris 的帖子

經過深思熟慮後, 我決定cut 琴,其實學琴並未為囡增加自信, 由於太多小朋友比阿囡 ...

加油

Wistaria

原帖由 大件仔 於 15-10-24 發表
學樂器無興趣真是幾辛苦, 尤其彈琴, 身邊有好多朋友的孩子考到7-8級, 但都無彈落去或在這方面發展, 苦學多 ...

大件仔

學樂器無興趣真是幾辛苦, 尤其彈琴, 身邊有好多朋友的孩子考到7-8級, 但都無彈落去或在這方面發展, 苦學多年, 到頭來人生只是多張証書, 所以, 我經常提醒自己和小兒, 彈琴只是興趣, 不是強硬式學習

Jane1983

支持樓主。
希望很快見你上來報喜，話小朋友成績有進步。

Radiomama

暫停學琴吧！
鋼琴需要每日練習，到考琴前（雖然只是二級），家長和學生都會緊張上來；又要記得scales, 又要aural, sight reading, 再加三隻歌。如果考琴成績好，到時仲難取捨。

至於saxophone, 的確易上手；入埋樂團好好玩。有同學做伴會好開心。

我仔以上兩種樂器都在學，所以好明白兩者的練習時間有明顯差異。

Isaacmommy

我覺得樓主 cut 鋼琴的決定係正確。除非小朋友真的好喜愛音樂或好有天份，否則讀 local school 好難同時兼顧兩樣樂器。其實一樣樂器學得好已好好了，比我就收貨啦！