返咗2個月K1, 老師建議做評估.

taboba

我個仔係2012年9月BB. 返咗全日班K1兩個月. 頭一個月家長會面日, 老師話佢自理弱, 返學喊只係自己玩, 只玩少人玩的活動. 第二個月再話有進步但坐定定上堂時, 周圍望時常不望老師不專注. 之後便叫我們去做評估. 我想問現今幼稚園, 是否很輕易便叫小朋友做評估. 定係個老師同幼稚園有問題呢? 定係我個仔適應慢呢? 其實現正考慮係咪間幼稚園唔適合佢. 諗緊2016轉第二間重讀K1. 請有經驗的家長比D意見, 謝謝!

COSAC

原帖由 sunnyraychan 於 16-02-15 發表
回覆 taboba 的帖子

其實我小兒情況同你仔仔頗相似，同樣是2012年9月B,同樣是返了差不多2個月K1時，老師發 ...

請問去邊度訓練啊？

sunnyraychan

回覆 taboba 的帖子

其實我小兒情況同你仔仔頗相似，同樣是2012年9月B,同樣是返了差不多2個月K1時，老師發現冇同小朋友互動及係學校吾願出聲，但我們都冇發覺，因小兒在家有講學校課本內容及唱學校兒歌，但無可否認語言溝通方面是比同齡較弱，當時知道後便去了邁步評估，結果社交溝通能力缺損方面為第一級（輕微）自閉譜系障礙，報告沒有提及是否亞氏，據該中心兒童心理學家所講，最新評估診斷手冊DSM5已沒有再分亞氏或高功能等說法，只有分為三級（第一級輕微，第二級中度及第三級嚴重），協康㑹再細分所屬類型？評估後經過2個多月訓練，學校反映小兒已開始同老師有溝通，並且係期中考試都取得很好成績，希望小兒嘅進步能夠愈來愈好啦。

taboba

原帖由 sunnyraychan 於 16-02-15 發表
回覆 taboba 的帖子

請問協康評估結果係怎樣呢？同埋評估費要幾錢？

協康$5800。評估結果，自閉症譜系(亞氏保加)，已去社署排E位。之前參加咗幼稚園到校服務，攞到社署輪候號碼便會開始跟進。

sunnyraychan

回覆 taboba 的帖子

請問協康評估結果係怎樣呢？同埋評估費要幾錢？

taboba

原帖由 kat.baby 於 16-01-25 發表
我也想知道邊度有得做評估

最後我去咗協康做。

kat.baby

原帖由 taboba 於 15-11-17 發表
回覆 Mooncake2013 的帖子

多謝意見. 但我見坊間好多機構做評估. 花多眼亂有冇好介紹? 可PM 我.

我也想知道邊度有得做評估

taboba

回覆 Mooncake2013 的帖子

多謝意見. 但我見坊間好多機構做評估. 花多眼亂有冇好介紹? 可PM 我.

taboba

回覆 skytammy 的帖子

打咗去尤德問. 佢話要等成年喎, 要睇醫生的話三星期前才會通知. 我應該會去私家做評估先, 早D知阿仔係咩問題先. 最多政府有得見, 再見評估多次. 但其實個個去完尤德, 下步係咪都會見醫生做評估呢?

Mooncake2013

原帖由 taboba 於 15-10-26 發表
請問如果唔等政府做評估, 自己到私家做. 除咗要比多D錢之外, 還有冇其他分別. 係咪之後跟進只可到私家做,  ...

老師好好，好盡責，之前既jm講得好岩，要睇既2個月都睇到，而且6歲前係黃金期。從你的回應中，看到你在逃避問題中，請不要逃避，盡快做評估，咁先真正幫到你個仔～去私家做評估，跟著真係有需要的話，你拎著評估報告再去排政府服務，輪候I/S位～咁樣，你唔使等尤德9個月時間做評估，會快d~仲有，轉左校，個仔有問題，問題亦依然存左，仲浪費左你個仔既時間。加油！

skytammy

同埋尤德姑娘應該有同你講大約等幾耐

skytammy

原帖由 taboba 於 15-11-08 發表
去咗尤德見咗姑娘了，依家等緊初步評估。等緊通知下步係做訓練，定要要醫生作評估。如果排政府醫生要成年的 ...

時間對佢地嚟講好重要
等政府唔知幾耐 倒不如快d出去做啦
如要排政府I/E/S位 可考慮邁X
我之前喺協X 冇轉介政府位

taboba

去咗尤德見咗姑娘了，依家等緊初步評估。等緊通知下步係做訓練，定要要醫生作評估。如果排政府醫生要成年的話，我諗會揾私家先。如找私家的有好介紹嗎？唔方便開名，可pm我。謝謝！

Activehealth

taboba 發表於 15-11-8 08:42
咁您小朋友鐘唔鐘意返學？之前有冇諗過轉校？我個仔見到個班主任包括相，好似見鬼咁。望都唔望吓，一係縮低 ...

Deleted

taboba

咁您小朋友鐘唔鐘意返學？之前有冇諗過轉校？我個仔見到個班主任包括相，好似見鬼咁。望都唔望吓，一係縮低個頭一係合埋雙眼。但對嬸嬸同其他老師唔係。仲有成年對住佢，都唔知點捱。

darichie

我小朋友上年PN學期尾家長日，老師話我小朋友學術方面無問題，但社交方面發展較慢，有建議我帶小朋友去做評估，但我同我先生好抗拒。直到而家升左K1情況都係一樣，所以先的起心肝帶佢去社福機構做評估。
姑勿論你小朋友個老師係咩心態，我覺得花少少錢去求證都無壞。

taboba

昨日學校去旅行唔係返學。個仔都好抗拒，一直行去課室都話唔返學。仲想喊，見到班主任仲好似見鬼咁。立即扖落大脾，好似鴕鳥咁。我覺得佢係唔鐘意加上怕班主任。上咗旅行巴，個班主任好似導遊咁，又唱歌又話故事，但個仔一d都冇反應冇出過聲。去到旅行地點，有同學仔揾佢玩。佢都係唔會同人玩，只係會同我們玩。但我發覺佢地班都有幾個唔同人玩。其實，應該
1. 繼續讀這間幼兒園？
2. 下年揾第二間重讀k1？
3. 下年揾第二間升k2?
4. 現在揾插班k1？
但我只可揾全日班，範圍又窄咗很多。很煩惱，遲早到我倆都有焦慮症。

taboba

Angelanna37 發表於 15-10-16 20:37
唔快了，因為你小朋友返全日班，睇到好多野!老師好好呀，好盡責任，甘快睇到，所以我先講過程比你聽，等到 ...

請問如果唔等政府做評估, 自己到私家做. 除咗要比多D錢之外, 還有冇其他分別. 係咪之後跟進只可到私家做, 同唔可以排政府I或S位? 我發覺囝囝返咗K1幼稚園後, 情況轉差. 唔單止成日扭計, 夜晚瞓覺不時會有夜驚, 攪到成家都冇得瞓. 早上更加唔願返學. 我上youtube睇過自閉症相關的片, 覺得囝囝未嚴重到要排政府位, 咁我應該點做? 其實會唔會關間幼稚園事. 正心大心細想轉校重讀K1. 因佢係9月出世, 覺得做超大仔可能會好D?

longsky

原帖由 taboba 於 15-10-19 發表
今早返學又大喊了.  明天去尤德見姑娘了.  希望佢只因為係細仔, 性格內向怕羞和適應比較慢啦!  ...

同我仔情況相似

taboba

今早返學又大喊了. 明天去尤德見姑娘了.  希望佢只因為係細仔, 性格內向怕羞和適應比較慢啦!