仔仔剛評為自閉症譜系(中度），今個月生第二胎了 好擔心！

newsky

請問各位媽咪自閉症譜系(中度)係咪都好嚴重？ 我仔仔兩歲半了仲未識講嘢！只會叫爸爸 其他係BB語！唔肯望人 十問九唔應！唔聽指令 脾氣大時會咬人  訓地下！ 我好擔心佢大個左唔識自理！但醫生話未評估到佢的智力！各位媽咪有無正能量俾到我！第二胎又快出世了 ！而家壓力好大 ， 各種擔心！前路好迷惘！

Lingyau1221

其實識叫爸爸已經是識講嘢，你要珍惜佢

Jcat

好明白你, 我都差不多, 在細B出世後就發現大仔有自閉的徵狀, 當時佢未夠兩歲.
佢初初都係要做言語, 職業和社交training (一路排政府, 一路自己私家機構train). 現在升小一了, 讀主流都無問題.
所以你都要加油呀, 孩子咁早識別, 就可以把握到黃金時期, 事半功倍架. 佢地會進步得好快. 加油!

faichai2001

原帖由 T96 於 15-09-11 發表
OT 是 職業治療
PT 是 物理治療
ST 是 言語治療

Thanks

T96

faichai2001 發表於 15-9-11 14:52
什麼叫3T訓練？謝謝

OT 是 職業治療
PT 是 物理治療
ST 是 言語治療

faichai2001

原帖由 w_love_J 於 15-09-08 發表
我仔而家3歲，20個月時被評自閉傾向，排e位。其實當時心理學家有話如果跟評估結果係排s的，因為佢唔合作， ...

什麼叫3T訓練？謝謝

vincelo29

原帖由 ping0808 於 15-09-10 發表
我的情況同你差不多，哥哥二歲幾（一路排政府 / 一路去耀能上堂密集式訓練，每天三小時）
哥哥之後排到兼收 ...

我都係兩歲半評估有言語社交緩慢，慢9個月，我排緊i位，我沒有給予密集式訓練，我自己安排每天去訓練半日，返半日n班，這幼稚園就幾來的i位，等他們易適應，他們訓練了4個月，前天去私人機構評估又唔係好差，只是安排感統！

w_love_J

原帖由 vincelo29 於 15-09-09 發表
你的分享令我有信心繼續訓練我兩個仔仔，多謝你，你仔仔返n班係全日制？你排到e位未？



  ...

我仔返半日N班，其他時間就去訓練、針灸同上少少興趣班。至於e位，到而家佢36個月都未排到，所以父母可既一定要搵方法自同佢訓練！

apple~y

放心,我大仔係a仔番特殊學校
細囡捱捱下今年4age了,活潑精靈,有點小聰明
仲教番哥哥講野

newsky

多謝各位靚靚媽咪的分享！ 希望仔仔們都會有進步！條路仲好漫長…… 生完呢一胎, 要專注喺大仔訓練度！一齊加油！

ping0808

原帖由 ping0808 於 15-09-10 發表
我的情況同你差不多，哥哥二歲幾（一路排政府 / 一路去耀能上堂密集式訓練，每天三小時）
哥哥之後排到兼收 ...

評估後本來係排ES位，排左一年及上左差唔多一年密集式課程，老師及治療師都覺得唔係咁差，所以寫信去申請轉 I位，之後就入咗兼收位。

ping0808

我的情況同你差不多，哥哥二歲幾（一路排政府 / 一路去耀能上堂密集式訓練，每天三小時）
哥哥之後排到兼收位，到現在升小一。各方面都進步不少。如果有能力，去揾有關機構比佢上堂一路等政府支援，真的越細個做訓練越好。
最好父母有時間都可以陪上堂。去學習埋教導方法。家裡也一齊訓練更加好。

我嗰時跎細佬都有擔心，但見哥哥唔發脾氣時又好可愛，之後都冇諗咁多。（細佬冇嘢）
其實我家細佬脾氣仲臭又硬頸，仲難教😣😣
我覺得，教小朋友有冇自閉都要耐性及愛心。

小孩打人發脾氣，有很大原因喺因為表達唔到。試下下次發生時，找找原因。找到原因再教導佢正確的表達方法。久而久之，你會發現佢發脾氣次數減少。

加油呀！

wingrio

回覆 EEFF 的帖子

點解要介奶??

rainbow_6

你個仔好叻，他長大會知道你的苦心。加油。希望大家的兒女都有這樣的進步。

vincelo29

原帖由 w_love_J 於 15-09-08 發表
我仔而家3歲，20個月時被評自閉傾向，排e位。其實當時心理學家有話如果跟評估結果係排s的，因為佢唔合作， ...

你的分享令我有信心繼續訓練我兩個仔仔，多謝你，你仔仔返n班係全日制？你排到e位未？

奀珠

我自己無食其他supplement, 阿仔就梗係N咁多隻喇。未開始排毒。

w_love_J

我仔而家3歲，20個月時被評自閉傾向，排e位。其實當時心理學家有話如果跟評估結果係排s的，因為佢唔合作，但後黎傾過都係排e先，再睇下li年有冇進步。

其實咁早發現個仔有問題係因為佢情況都幾worse。當時唔識講野（只叫爸爸波波，其餘bb話）、唔望人、成日發脾氣、固執、唔理小朋友、有人搶佢野會咬人...自己諗番都覺得好嚴重。

但傷心過後就回歸現實，要處理問題。我私人評估完即刻正苦排位，排協康密集、搵私人3T, 返N班，針灸，每個星期六日去街玩接觸多d世界...時間同金錢負擔到既我都會試同做，因為我唔想錯過黃金時間。

一年多時間過去，今日3歲既佢同普通小朋友依然有距離，但進步左好多。大小肌同同年齡差不多，語言落後3個月至半年，有少少對答，表達到自己喜惡（用句子）、睇圖卡講到一句既內容； 認知方面，唱數唱到100，counting就做到1-20，顏色識十幾種，中文字認到大約15個，高矮大小多少形狀無問題；自理方面識自己著/除褲、鞋襪，衫就識除；自己用杯飲水、自己食飯...

連本身俾我排到協康既密集，3T老師都話佢唔需要了，只需keep住3T訓練就可以。

當然，社交、固執行為同適應力都仲未得，仲有好長既路要去跟，唯有俾佢接觸多d小朋友去學習。

我想講既係，小朋友可變空間好大，要相信佢地既能力，佢地需要既係父母既幫助，唔好令到自己後悔！老實講我都唔知邊樣野先係真正最有效，但我相信每樣野都有佢既幫助喺當中，一齊努力！

lkube

照計批s位應該會批埋津貼，挈補下好過冇，上堂全部都係錢錢錢

lkube

Dr有冇批津貼俾你地？

vincelo29

原帖由 faichai2001 於 15-09-07 發表
我囝今日啱啱去完兒童評估中心，現在2歳4個月，醫生評估話有自閉症，不過無講咩程度，只糸話程度去到一歲&# ...

我十分明白你現在的感受，我四個月前同你一樣，仔仔當時2歲半，行為與你的小朋友一樣，我仲擔心過你，我係孖仔，兩個都係咁，真係好傷心，好不知所措，不過真係有能力去搵私人言語治療師訓練，在家自己要多訓練，若學校能接受的話，可以與學校商量，互相配合，醫生有沒有給你們傷殘資助？可以幫補下！