【短片】劉鳴煒與學生交流﹕唔去日本都未必買到樓

elbar

【短片】劉鳴煒：樓價幾高幾低都要儲首期



青年事務委員會主席劉鳴煒（藍恤衫者）與學生分享，話香港與美元掛鈎，加上中國資金影響，香港樓市正經歷特殊周期，於此時期置業係好困難；但佢認為樓市未來會有良好調整，年輕人應留意日後樓市走勢。

【明報專訊】身兼青年事務委員會主席嘅華人置業集團主席及行政總裁劉鳴煒，噚日到大學同學生交流。劉鳴煒之前因為叫年輕人去少啲日本、睇少啲戲儲錢買樓，畀人話佢仍然係「離地」富二代，佢噚日仍被人追問此事，而佢堅持話，「樓價幾高幾低都好，都要儲首期，一儲錢就要defer consumption（延後消費），係無可避免，但唔係好多人願意咁做」。不過，佢又補多句話，「唔係包生仔，唔係唔去日本、唔睇戲就買到」，但唔儲錢就買唔到。

劉鳴煒仲有個身分係智經研究中心副主席，提供建議畀政府，佢就不諱言「無一個智庫係中立，全世界每個智庫都有立場，大家要接受」，咁智經又有乜嘢立場呢？

如果有畢業生想加入智庫呢行，劉鳴煒就話「未必適合」，唔係因為年紀太輕或唔夠經驗，而係未有所需政策嘅知識，難以投入同明白研究對象。佢又同年輕人講，遇到困難時， 「老套講句，唔好放棄」，全場學生都笑出嚟！

Jane1983

好多人，成世做得最叻的事就係投胎，不過呢d經验無得分享。