寶血會上智英文書院

tpmon

想問上智多數收就讀邊間"深水埗小學"的女生（Band 1)？

jelly-pudding

原帖由 pulirula 於 15-07-09 發表
哈哈!我都係上智舊生，3x歲，路過呢度，因為我都想囡囡第時讀返上智。我當年讀村校名列前矛，但入上智變左 ...

希望剛剛派到的小妹妹努力讀書，珍惜和享受在上智和學習的時間。

我都想我的小孩將來可以讀上智，可是，我生了個兒子啊！為此，我搬到了港島，今年升小一了。

YmOra

非常開心,可以聽到咁多上智校友陳述母校的點滴,實在感激你們,謝謝!

angelafung100

twcho 發表於 15-7-9 18:30
是的，深水埗Band 1男仔真係冇乜選擇，所以我兩個仔都是升了深水埗區以外的中學。 ...

請問你仔仔去了边間中學, 是扣門區外嗎? 我仔都是荔天讀緊

twcho

是的，深水埗Band 1男仔真係冇乜選擇，所以我兩個仔都是升了深水埗區以外的中學。

tpmon

原帖由 twcho 於 15-07-09 發表
回覆 tpmon 的帖子

我兩個仔都是從荔枝角天主教小學畢業的，故對他們母校的情況較關注及了解，荔天每年都 ...

twcho, 在深水埗區，除了長天和銘賢，其他都是女生的世界。

twcho

回覆 tpmon 的帖子

我兩個仔都是從荔枝角天主教小學畢業的，故對他們母校的情況較關注及了解，荔天每年都約有十個升讀上智的。

tpmon

原帖由 青青河邊草 於 15-07-09 發表
同意，以前真係死讀，欠左少少活潑。
到我入左中大，眼界開闊左好多。
但我也感謝母校train我嘅語文能力同 ...

青青河邊草好叻呀，上智+中大畢業，肯定是職場女強人。

pulirula

哈哈!我都係上智舊生，3x歲，路過呢度，因為我都想囡囡第時讀返上智。我當年讀村校名列前矛，但入上智變左考尾二，真係好唔開心。好多好叻既同學 ，校風好好，同學閱讀風氣好。英文會話似外國返黎的學生 。就算升唔返原校中六，我係大學見到好多校友。 所以我好開心自己讀過上智! 亦希望囡囡第時可以讀上智😁 (雖然而家仲係幼稚園)

青青河邊草

原帖由 jelly-pudding 於 15-07-09 發表
我比你們更年長，是已經差不多40的上智妹了。當年的上智女生多是死讀爛讀，我好開心聽到現在學校推行自主學 ...

同意，以前真係死讀，欠左少少活潑。
到我入左中大，眼界開闊左好多。
但我也感謝母校train我嘅語文能力同認真學習嘅態度，所以配合大學著重思考，就相德益彰了。
我自問不算是個成功人士，但起碼可以安居樂業，生活心靈滿足。

jelly-pudding

我比你們更年長，是已經差不多40的上智妹了。當年的上智女生多是死讀爛讀，我好開心聽到現在學校推行自主學習。其實提早訓練自主學習對日後升讀大學以及考取更高專業資格十分重要，終身受用。我覺得以前的上智和神校如女拔的有什麼分別呢? 最明顯是上智女生多是埋頭苦讀型乖乖女，而神校女生是自主學習，有獨立思考能力，思想上會有不一樣。

youma

我識的上智妹, 真係個個都好叻, 好多由基層變中上層.

青青河邊草

原帖由 wing214 於 15-07-06 發表
我正在幫仔仔研究吓小學，路過呢個帖，所以講幾句。。。
我而家2x歲，當年讀聖多馬小學考入上智，其實我媽 ...

同你走過差不多嘅路

今天我係proud of佢教識我地要心地好，要有責任感。

hayamama

wing214 發表於 15-7-7 00:33
補充多少少，當年F1至F3每班約44人，F3至F5每班3x人，F3成績被迫離開嘅同學會再經教署電腦抽籤，有d去St Cl ...

wing214師姐,
希望小女也有你的恆心和毅力撑到上中六及大學!  

wing214

補充多少少，當年F1至F3每班約44人，F3至F5每班3x人，F3成績被迫離開嘅同學會再經教署電腦抽籤，有d去St Clares, 有d去保祿六世，都係band 1學校。。。到F6至F7得番3班，每班約30人, 好似會考起碼有23分左右先有得留低，一直金字塔式汰弱留強。。。我覺得實在係好大壓力，F5時每位同學都希望唔駛離開，升上F6可以穿上更靚嘅校服(F1-F5全白色one piece水手裝，F6-F7上身白色水手裝，下身藍色裙)。。。
對於當時我屋企極窮困，我喺學校免費join咁多課外活動，學咗咁多知識，我媽咪不知幾開心，都可以話終身受用，到而家仲記得當年同學之間互相幫助，好似一齊打仗咁，有苦有甜，都係一間壓力大嘅學校，當中會經歷好多挫折，學會了輸以及靠自己努力向上。。。
希望各位媽媽得償所願，選擇一間適合囡囡嘅中學!

tpmon

原帖由 wing214 於 15-07-06 發表
我正在幫仔仔研究吓小學，路過呢個帖，所以講幾句。。。
我而家2x歲，當年讀聖多馬小學考入上智，其實我媽 ...

wing214 在上智畢業，令人羨慕！

wing214

我正在幫仔仔研究吓小學，路過呢個帖，所以講幾句。。。
我而家2x歲，當年讀聖多馬小學考入上智，其實我媽媽選擇嫁咋，只知道見我入到上智，佢開心到喊咁。。。
我喺聖多馬一直考頭3名，去到上智F1, 全班44人，我考30名左右，真係好唔開心嫁，由全中文小學去到上智全英文，好多跟本聽唔明。。。家住公屋，阿媽冇讀書喺屋企車衫，無錢補習冇人教，後來慢慢自己問吓老師，努力學習，投入咗中學生活，到F3時可以講到算流利英文。。。記得當時好多活動放學留喺學校學嘅，打net ball, 中國舞，啦啦隊，red cross等等，lunch break期間好多同學去學校library借書，寫得多book report會有獎狀，個個去睇我又睇好多書，慢慢養成自學習慣。。。
而家各同學都學校有所成，當年大部分同學住公屋，現在都高薪厚職，擁有專業資格，自己買樓，組織家庭。。。當年100%入大學，更有多位同學讀埋master, 而自己呢。。。都一樣擁有專業資格，搬離咗公屋，冇去過外國留學都一樣流利英文，細細個結婚，仔仔都4歲喇，總算生活無憂。。。

馬媽媽

siden 發表於 15-6-21 15:36
你把事情想得太簡單。

當中的失去方向傍徨無助無力感，不是每一個初中孩子handle到的。

I agreed your view. 當中的失去方向傍徨無助無力感，不是每一個初中孩子handle到的。這正是我女的舊同學處境, 父母亦很無奈, 自覺自討苦吃,後侮難返. 香港課程之緊密, 內容之廣, "自主學習" 可否進行順利, 老師的道行非常重要, 可借真正落實, 事與願便不同.

siden

原帖由 tpmon 於 15-06-20 發表
其實自主學習就是大學需要的。上智提早訓練這能力, 其實是好事。

你把事情想得太簡單。

當中的失去方向傍徨無助無力感，不是每一個初中孩子handle到的。

要真正享受自主學習，必須要在低壓力環境下進行。對於趕忙追谷成績，或是缺乏自動自覺的孩子，這只怕不是好事。

tpmon

原帖由 小音符 於 15-06-19 發表
讀上智真係要自主學習,但讀書風氣真係好好.

其實自主學習就是大學需要的。上智提早訓練這能力, 其實是好事。