考第幾先叫好?

babykenny

你接受到自己小朋友考第幾先唔發火?以前細個，10名內都已經叫考得唔錯，而家既年代，身邊好多朋友都要求考頭3名先叫好!

scyauchris

回覆 little_yolky 的帖子

唉……都無乜特別要求，只要佢肯温書！

little_yolky

MASAYA 發表於 15-6-1 11:14
我大女平時同妳細女類似情況，之前叫佢過到自己就得佢就懶懶閒，我畀左幾年時間佢按自己步伐行，但幼稚園同 ...

我哋老師啱啱相反, 幼稚園家長日前要先寫問卷, 睇吓小朋友在家發展有咩問題。
幼稚園經驗：
老師話：爸爸媽媽, 我睇完份問題了, 你哋係唔係要求好嚴格架?


小學經驗：
班主任話：其實佢自己溫書自己準備又無出去操練, 有咁既成績已經係好好了。（其實我無話唔好, 可能老師睇到我對眼係咁望住成績表入面科C既數學, 同埋歎晒氣）

wan_sosin

原帖由 little_yolky 於 15-06-02 發表
個天係公平的, 唔會俾父母有好日子過, 大女自動自覺, 細女就攞你條命, 個pat pat永遠唔可以痴住張櫈, 坐櫈 ...

人總有強弱，第日家姐教細妹中文，細妹督促家姐做數，掂晒！無牙虎一家安享太平！

little_yolky

MrBeast 發表於 15-6-2 12:31
你就好la, 我個好似玩cooking mama 咁，太大火就煮燶，太細火又過唔到關。

個天係公平的, 唔會俾父母有好日子過, 大女自動自覺, 細女就攞你條命, 個pat pat永遠唔可以痴住張櫈, 坐櫈永遠都係坐半個pat pat, 因為要成日ready衝來衝去, 食餐飯要離枱一百次, 話極都無咁, 爸爸又似教育局咁係一隻無牙老虎, 無人怕佢。嚟緊9月細女上小一, 佢中文差到無朋友, 但間學校中文好鬼嚴, 我已經睇到閻王殿度門為我打開咗了。

MrBeast

little_yolky 發表於 15-6-2 10:24
係呀, 未提佢丫嘛, 連我都唔記得, 何況佢！

平時叫佢溫中文, 佢話：媽咪, 中文唔駛溫的。

你就好la, 我個好似玩cooking mama 咁，太大火就煮燶，太細火又過唔到關。

little_yolky

scyauchris 發表於 15-6-2 11:44
回覆 little_yolky 的帖子

你就好，個女咁乖！我地已quiz唒，得下星期考試。睇怕佢今次中文真是一分都不能 ...

係性格問題啦, 但你有龍校, 咁都唔駛要求太高分啊。我哋對分數名次無乜要求的, 只要入到聯繫要求個範圍就OK了。

scyauchris

回覆 little_yolky 的帖子

你就好，個女咁乖！我地已quiz唒，得下星期考試。睇怕佢今次中文真是一分都不能失，就可以求返佢中文quiz的失誤，不過是無乜可能。派左quiz, 嘩個分數嚇死我, 重叫我咪理。
我唔提佢温書，睇怕佢只會睇閒書。 係咪該唔好比佢去龍校，咁等佢會緊張吓去讀吓書。

little_yolky

MASAYA 發表於 15-6-2 10:39
有日妳女考級第二, 無限接近第一, 妳都唔覺得佢考得好?

唔好, 因為我自己就係永遠的級第二, 以前測考, 沒有100分, 我係唔會滿足的。

不過話說回頭, 依家佢考級40%, 我都覺得好, 什麼都係好, 好, 好, 叫佢繼續努力就得, 因為佢唔係懶散的人, 努力就好。

MASAYA

little_yolky 發表於 15-6-2 09:32
我眼中只有級第一先叫做好, 我阿女一定做唔到。既然一定做唔到, 咁就無期望, 無期望就唔會失望, 所以我哋心 ...

有日妳女考級第二, 無限接近第一, 妳都唔覺得佢考得好?

wan_sosin

原帖由 little_yolky 於 15-06-02 發表
係呀, 未提佢丫嘛, 連我都唔記得, 何況佢！

平時叫佢溫中文, 佢話：媽咪, 中文唔駛溫的。

媽媽掛住上EK,唔記得提個女溫書
你囡囡分析能力幾好喎，科科都分析過個形勢！
上次數學有咁大進步！保持住已經好好！

little_yolky

IloveJJ 發表於 15-6-2 09:55
我覺得入到b1個比例就叫好! 不過，入唔到都唔緊要。btw,你女都好hea噃，下星期考試，而家都未溫?



  ...

係呀, 未提佢丫嘛, 連我都唔記得, 何況佢！

平時叫佢溫中文, 佢話：媽咪, 中文唔駛溫的。
咁叫佢溫英文, 佢話：溫咗了。
到溫常識, 佢又話：其實常識科最緊要記得D字點寫就得, 好淺的。
咁聖經呢：背晒金句了（吓, 阿女你幾時有背過?）
阿女, 禮拜五要考音樂paper喎, 佢答：咁前一晚早D瞓啦。


數學已經放棄唔叫佢溫了。

little_yolky

Obiepapa 發表於 15-6-1 19:37
考第幾先叫好（成績）？肯定系要名列前茅先得啦

我眼中只有級第一先叫做好, 我阿女一定做唔到。既然一定做唔到, 咁就無期望, 無期望就唔會失望, 所以我哋心情都幾輕鬆下。
話時話, 下個禮拜考試, 仲未見佢溫書添。

Obiepapa

原帖由 ANChan59 於 15-05-29 發表
我估他的意思是不用花太多時間溫習，如果完全不用溫習，孩子上課一定好專心，或者做了預習，有問題，上課時 ...

肯定想他們有天生聰明啦都系彩數。

Obiepapa

原帖由 longlokma 於 15-05-28 發表
完全不讀書可以中上有什麼好？有什麼值得高興呢？

一来中上並不算好成績，二来讀書是學生的責任。無論學生 ...

考第幾先叫好（成績）？肯定系要名列前茅先得啦

akys

IloveJJ 發表於 15-6-1 08:43
可以講下點解小學名次30幾，到中學又會名列前茅嗎？

小學和中學的評分標準不同，小學要跟足詞彙，Model Answer. 這種答法對某類孩子有優勢，以熟讀為本加上天性小心就可以取得好成績。同時範圍不多，學科亦只有中英數常4科。有些聰明，記憶力好但隨意溫習的小朋友在小學階段只可拿到中上成績，與前列無緣。
但進入中學後，多了好多科，範圍又大，有時七八十分已可躋身前列，不會相差幾分就跌四五十名。這時聰明記憶力好的就比較容易跑出，重點溫習，捉題的重要性高了不少。如果本身數理強的優勢更大，起碼花在這幾科的計數溫習時間比其他同學少好多。不過，一線小學裏又聰明又聽話又勤力又記憶力好的學生為數不少，呢類大部份時間都在前列，冇得追！
其實影響比較大的還有青春期的影響，本來前列的突然不合作，打機，拍拖，搞活動，音樂體育訓練等； 此上彼落，就俾個位別人坐。

wan_sosin

little_yolky 發表於 15-6-1 11:41
wan_sosin  很好,每個小朋友都唔同方法.   發表於 半小時前

真係好攪笑,好開心的三母女!好好記低呢d事情,第日比D女睇返!