彈琴的心得

Jane1983

彈琴除了苦練、熟樂理，和了解歌曲的情感之外，有沒有什麼秘訣，可以進步快些？

zebrabb

原帖由 Charlotte_mom 於 16-03-02 發表
而家6級學費，$390/45分鐘。佢算收得平。初學$700我都聽過。至於咩資歷教咩人，老土概念：讀書叻唔等於識教 ...

認同

Charlotte_mom

原帖由 chelsea_jbb 於 16-03-01 發表
回覆 Charlotte_mom 的帖子

想請教問你的琴老師收費是如何? (如grade 1).  因見出面老師的價錢可以相差很 ...

而家6級學費，$390/45分鐘。佢算收得平。初學$700我都聽過。至於咩資歷教咩人，老土概念：讀書叻唔等於識教。學琴一樣，初學的話最緊要培養到小朋友興趣，當然唔好教錯、概念要清晰啦。正如幼稚園老師唔一定係博士資格至做得最好。個人認為有8級係底線。咁亦有人認為要搵就一開始搵個勁，要開過環球演奏會果d。個人需要lor

heebo

幾十年前學琴並不普遍，只是求其去琴行學，沒有講究甚麽名師，肯勤力一樣能取得好成绩。现在選擇多了，坊間老師亦良莠不齊，反而令家長頭痛。

我個人認為，符合雙方要求的、合適的便是好老師。阿女初學時的老師很嚴謹，有演藝鋼琴教學文憑，對指法、音色追求完美，要求學生比賽一定要攞獎，考試要Distinction。如果家長及小朋友有同樣的要求，這是perfect match，可惜眼見阿女開始對音樂的執著抗拒時，唯一的出路便是轉老師。見過一、兩個老師，孩子嫌悶，之後找到一個活潑的，但並非主修鋼琴，孩子卻是很喜歡，我亦不理會她主修甚麼就讓她跟這老師，考8级一樣取得Distinction。

收费方面，初學時的老師七年前收$350一堂(30分鐘)，她認為初學較難教，所以收費貴些，現在的老師ATCL只收$650一堂。

chelsea_jbb

回覆 Charlotte_mom 的帖子

想請教問你的琴老師收費是如何? (如grade 1).  因見出面老師的價錢可以相差很遠.  同埋識得教技巧同指法的老師, 係咪要搵專科畢業先識教呢? (8級或者演奏級都唔識教?)

zebrabb

原帖由 Charlotte_mom 於 16-02-29 發表
我女就邊彈邊學樂理, 當然所謂初學歌, 就係d---, d---, d-d-, d--- 果味啦
當中就學左, 果粒豆叫mi ...

多謝您的分享

豬小B

多謝你哋分享!!!!

Charlotte_mom

原帖由 四隻貓 於 16-03-01 發表
本帖最後由 四隻貓 於 16-3-1 10:29 編輯

如何知道老師正唔正路?

認同
我女老師係歡迎陪上，等家長知識學左咩，返屋企可以跟進。
我女而家高級d，老師示範時叫佢錄影tim 。
佢都唔上門，係曾經有段時間，佢要去我屋企隔離學小提琴，就肯順便黎我屋企，但就要我就佢時間lor
不過唔駛pm我了，老師期爆晒，幾年前已經唔收新學生，除非無得推如學生細佬妹、親戚細路果d

四隻貓

如何知道老師正唔正路?

我既經驗...可以先約老師試堂,有一定要求的老師試堂多數唔收費的. 試堂唔係正式上課, 而係老師同學生/家長見個面, 互相第一步了解, 傾下大家要求什麼, 教學方法......
有試過見完之後老師婉拒話唔收我女, 亦有我覺得大家唔合適而婉拒老師.

我一直會陪仔女上堂的, 暫時所遇老師都好歡迎我陪仔女上堂. 始終年幼, 家長陪上是有需要的. 所以老師教學情況同進度我都好了解.

如何可以找位好老師呢?
最好是找位懂音樂的朋友介紹. 另外不妨直接PM這裡有經驗的家長, 不過要小心分辨真正用家還是廣告. 覺得老師唔合適就換, 唔好怕唔好意思.
套用前輩的話: 在自己能力範圍內找位最好的老師.

P.S. 好老師自然多學生想跟佢, 你認為老師會有時間上門教學嗎?
所以我從來唔找上門老師的.

Charlotte_mom

我女就邊彈邊學樂理, 當然所謂初學歌, 就係d---, d---, d-d-, d--- 果味啦
當中就學左, 果粒豆叫middle c, 一個bar有4拍, 一個圈係4拍, 呢個2拍, 2+2咪4 lor
畢竟有得俾小朋友掂下個琴, 佢會開心d

慢慢黎啦, 唔好心急

zebrabb

原帖由 miss321 於 16-02-29 發表
其實你女兒太細了，想見成果待大一點先學，5歲差不多。其實畫音符是必須的，整堂都教填顏色同音符原因是孩 ...

謝謝老師的回復。我見我女兒好喜歡看琴譜和好記性，所以想早一點比佢試下。但由於自己未學過，所以就更加不知道老師的教法是否對女兒有用。

miss321

原帖由 zebrabb 於 16-02-29 發表
因為我小朋友初學也是和你小朋友一樣，未夠4歲。第二堂是教填手指顏色同認琴鍵。我不知道學幾耐才考看譜和 ...

其實你女兒太細了，想見成果待大一點先學，5歲差不多。其實畫音符是必須的，整堂都教填顏色同音符原因是孩子太細掌握不到，老師要用整堂30mins 去教畫音符，所以你覺得老師沒有教彈琴，相反如果孩子大一點，可能用5分鐘就能明白。這點我也經歷過，所以我絕不贊同4.5 歲以下學琴。

zebrabb

原帖由 Charlotte_mom 於 16-02-29 發表
初學未必會好嚴謹要求感情同指法運用，會focus on培養小朋友興趣同睇譜，將樂理滲在日常課程中（各位高手請 ...

因為我小朋友初學也是和你小朋友一樣，未夠4歲。第二堂是教填手指顏色同認琴鍵。我不知道學幾耐才考看譜和彈歌仔。

zebrabb

原帖由 Charlotte_mom 於 16-02-29 發表
我第一次試琴，講明我女4歲都唔夠，想試下有無興趣同坐唔坐得定。屋企有琴就叫老師黎啦！老師一次過買幾本 ...

私人真係撞著有好有不好，特別教好細那些，都唔知教左d咩，幾時有成果😓

Charlotte_mom

原帖由 zebrabb 於 16-02-28 發表
可以賜教一下，如何觀察到老師是不對路呢？因為自己不懂彈鋼琴。而我小朋友已經上了2堂，初學會教什麼才正 ...

初學未必會好嚴謹要求感情同指法運用，會focus on培養小朋友興趣同睇譜，將樂理滲在日常課程中（各位高手請指正）。小朋友應有機會嘗試不同款式歌曲，感受唔同歌曲要用唔同方式表達。最基本連音跳音大細聲，份譜點寫，拍子點計，應有基本概念。叻d會去到踩pedal曲目了。
想知老師咩程度，可留意較高級學生學琴情況，如果發現無咩高級學生就要小心。亦可問下老師學生比賽考試點呀？忙唔忙呀？我女個老師每逢考試比賽季節忙到攪過夜訓練營咁滯，大個d學生真係練到11，12點。學樂理唔掂補到掂。呢d係老師對學生成績著緊嘅表現（我真係有幸架！）。最好老師本身真係愛音樂，除左教琴，自己有參加其他音樂活動，亦會推介學生去睇一d值得睇嘅表演。
在教學上，以學生興趣同進度、專長為準，取長補短。例如我女係學技巧學得快，所以比較同齡，彈難度高嘅歌就有利，但手指力度就運用得唔夠好。老師就知道邊d要練多d，比賽揀咩較有利。

Charlotte_mom

原帖由 zebrabb 於 16-02-28 發表
可以賜教一下，如何觀察到老師是不對路呢？因為自己不懂彈鋼琴。而我小朋友已經上了2堂，初學會教什麼才正 ...

我第一次試琴，講明我女4歲都唔夠，想試下有無興趣同坐唔坐得定。屋企有琴就叫老師黎啦！老師一次過買幾本琴書，我已經（我都話第一堂，佢又無問話我）。咁買左我都要俾錢架啦。
老師上堂，禮貌上陪左一陣我地就入房。落堂了，老師話：今日其實上多左十分鐘，不過試堂我就唔計啦！我心唸唔係掛，我無唔俾你走，亦無要求趕syllabus ，點解要overtime。咁我以後條數點計。
於是我同老公決定，呢個老師唔係長期合作人選，就同佢講女女唔ready唔學住lor

zebrabb

原帖由 Charlotte_mom 於 16-02-28 發表
十年前自己唔知訂（真係講出黎都俾人笑，我係惠康貼街招，之 ...

可以賜教一下，如何觀察到老師是不對路呢？因為自己不懂彈鋼琴。而我小朋友已經上了2堂，初學會教什麼才正確呢？

stinkyrabbit111

對，真係唔係死練爛練就得，練琴彈琴真係要好用腦，有時無時間練，用個腦齋諗吓都有d幫助不過千祈唔可以比呀囡以此作藉口

lillymarie

我都覺得老師很重要。有時不是苦練就可以，要練得其法和知道要練甚麼。

好老師會教怎樣將首歌彈得好聽，是指技巧上怎樣做。

Charlotte_mom

原帖由 aeiou_drm 於 16-02-28 發表
但好老師真是可遇不可求。

我囝分別在琴行同私人 (到老師家) 都是麻麻。

十年前自己唔知訂（真係講出黎都俾人笑，我係惠康貼街招，之後公園三九唔識七搭下搭下搵返黎）。第一個好彩（！）第一堂試堂已經唔對路無用，第二個就係呢個老師。一夾就十年。係我女唔生性啫，人地同期都考AT喇。
如果俾我分享，我會建議家長試堂時要求琴老師出示學生考試比賽分紙。我見有d琴行考試10x分都夠膽貼出黎，唔知係咪當家長羊牯