小學帶午飯 - 煮/食乜好?

小時了了

帶午飯返學: http://www.edu-kingdom.com/forum ... =%E5%8D%88%E9%A3%AF

小學帶午飯 - 食乜餸好: http://www.edu-kingdom.com/forum ... =%E5%8D%88%E9%A3%AF

幫小朋友自備午飯,帶飯壼的家長請問: [url=http://www.edu-kingdom.com/forum ... =%E5%8D%88%E9%A3%AF]http://www.edu-kingdom.com/forum ... =%E5%8D%88%E9%A3%AF[/url]

愛心飯盒~餸 http://www.edu-kingdom.com/forum.php?mod=viewthread&tid=3109068&extra=page%3D1&page=1


阿女前兩日開始係咁呻學校今年換咗飯商啲飯好難食, 日日食剩啲飯, 襯老師唔為意倒飯倒菜, 雖然佢覺得好浪費並且之後無幾耐又會開始肚餓,但係佢話真係好難食, 食唔落, 佢好想我煮佢帶飯返學校食. 唉! 皇帝女有咁嘅要求, 我今年對佢嘅重中之重目標係好想佢身體健康, 如果我煮佢又肯帶飯返學校食, 我都肯為佢犠牲再早啲起身煮飯煮早餐.

剛才嘗試係 EK 搜尋小學帶午飯 - 煮/食乜好, 唔係好多帖討論及可以參考學習, 請教大家好了!



同場加映 ---- 小學生早餐吃什麼? http://www.edu-kingdom.com/forum ... =%E6%97%A9%E9%A4%90

little_yolky

IloveJJ 發表於 15-4-8 22:14
我都係，兩個仔一熱一寒，兩公婆又係一熱一寒不過，無病無痛時，我會就咁煲啲大路湯，只係阿仔唔 ...

真係好鬼麻煩。不過, 你哋都好誇張喎, 一個屋企又熱又寒。我躁熱底, 黨蔘北芪我真係唔敢飲, 你都好勇。不過, 你老公寒底, 咁都病?

我屋企3條queen都係熱底, C6就虛, 中醫話啱C6既湯水料, 我聽到嚇咗一跳, 我話：吓, 佢要飲咁補? 我飲咗即病喎。咁中醫就建議煲一大煲分開俾C6, 放雪櫃飲三四日咪得囉, 咁話喎。唉！

真係發夢都無諗過有人連冬瓜湯同粉葛湯都唔飲得。豆腐都唔可以多食, 因為話黃豆佢唔可以食得多喎。豆腐仲要係我既至愛添。有一排, 日日煲面豉湯, 面豉湯係我同細囡既心靈雞湯。咁面豉湯緊係加豆腐啦, 真係唔怪得C6越嚟越散。

little_yolky

IloveJJ 發表於 15-3-27 22:41
餸菜我都跟季節，病後食啲易消化既食物先，免得加重腸胃負擔(中醫叫脾)，我會煮清淡啲。冬天就滋補多，炆餸 ...

最近帶兩個囡囡睇中醫, 順手多口問句中醫, 原來, C6同我哋三條queen體質好唔一樣, 佢只可以袪濕但唔可以利尿, 乜豆物豆湯唔可以飲, 冬瓜湯、粉葛湯免問, 仲等99係咁煲袪濕茶佢飲, 我就係咁煲袪濕利尿湯水, 兩婆媳夾埋搞到C6腎都虧埋添 中醫話, 佢煲湯最好分開煲, 真係超麻煩。

fishchow

原帖由 little_yolky 於 15-03-27 發表
想請教一下, 你係唔係日日有老火湯? 我在職要靠工人姐姐煮飯, 所以佢買餸果日至有湯飲, 仲有係木瓜魚湯或薯 ...

最近買了個 slow juicer, 體積細小，要洗的配件只有四小件，好方便。每星期約3、4次，搞菜汁果汁。因為慢打，d汁小泡和很濃味，超好呀，可代替部分老火湯。平時小孩唔肯食的青萍果、青奇異果、楊桃、紅蘿蔔、火龍果，生薯仔、通通Ok! 因為我工人也很喜歡喝，所以佢唔介意洗多d野！

gloria2347

同意

little_yolky

小時了了 發表於 15-3-27 14:35
您住大埔, 您星期日返教會前或後有無去太和有機農墟買菜呀? 我都係上星期日開始係嗰度買咗一個當日朝早新 ...

有去呀, D菜好好食的, 不過無買紅菜頭, 因為從來無食過, 唔識點煮, 指教一下。

小時了了

little_yolky 發表於 15-3-27 14:25
想請教一下, 你係唔係日日有老火湯? 我在職要靠工人姐姐煮飯, 所以佢買餸果日至有湯飲, 仲有係木瓜魚湯或薯 ...

您住大埔, 您星期日返教會前或後有無去太和有機農墟買菜呀? 我都係上星期日開始係嗰度買咗一個當日朝早新鮮收割紅菜頭俾一家人食, 補補身及排下毒咁.

我打算黎緊星期日係普通街市買定大約5日嘅瓜類放係廚房或雪櫃, 分5日夜晚臨瞓前開電掣煲湯, 第二朝阿女及我帶返學校及公司飲. 而瘦肉惟有即晚放工返屋企前係超市買

little_yolky

IloveJJ 發表於 15-3-25 14:31
嘻嘻！可能我地湯水多，又無話熱氣噃!

想請教一下, 你係唔係日日有老火湯? 我在職要靠工人姐姐煮飯, 所以佢買餸果日至有湯飲, 仲有係木瓜魚湯或薯仔番茄湯兩味, 要我得閑至可以買唔同湯料煲。近來兩隻馬騮輪流病, 食咗好多抗生素, 妹妹變得手腳冰冷(佢平時係熱血少年), 飲咩湯好。

JJDBB

昨天，爸爸煮拔蘭地繪牛楠比女兒帶意粉！

JJDBB

原帖由 little_yolky 於 15-03-27 發表
你真係得了, 搞到跳fuse都敢。

所以揾煮飯嘅老公就大把野食！

little_yolky

小時了了 發表於 15-3-26 13:54
哈!哈!新X坑三日香, 咁多年無煮飯, 尋晚成晚記掛住今朝煮飯啲野, 今朝5點幾6點時煲煲下飯跳 fuse, 我估我 ...

你真係得了, 搞到跳fuse都敢。


你真有所不知, 現今社會要搵個讀書叻, 能文能武既女孩子真係一街都係, 但要搵個煮飯入得口既, 真係難過登天, 無飯主婦係香港既特色, 所以, 阿女鐘意煮嘢, 係一個賣點嚟架。

小時了了

little_yolky 發表於 15-3-26 13:06
你咁勤力一早起身煲飯(我係前一晚較時間制的), 不如煮炊飯啦, 一煲過, 又好食。

BTW, 你囡囡學校可以俾帶湯嗎? 我囡囡學校唔俾, 因為怕小朋友論盡倒瀉。

哈!哈!新X坑三日香, 咁多年無煮飯, 尋晚成晚記掛住今朝煮飯啲野, 今朝5點幾6點時煲煲下飯跳 fuse, 我估我攞錯另一個小家電嘅火牛插蘇, 唔同 watt 數攪到跳 fuse



阿女學校可以帶湯啊, 呢兩日我用好似 0.8L 真空保溫湯壺俾阿女帶返學校. 呢兩晚阿女自己批皮切瓜豬肉出水等佢全部自己做, 仲大大聲係咁叫我唔好提佢唔好幫佢, 佢自己識煲喎! 見佢好認真又專心咁切切切, 我心都甜嘅. 佢好好架, 係學校仲將湯分俾幾個同學仔, 佢話啲同學好鍾意飲佢煲嘅湯喎! 佢講嗰時個樣笑晒口, 好開心同埋好似俾同學仔欣賞好有滿足感. 我估唔到煮飯同埋煲湯阿女會咁有滿足感!!!

little_yolky

小時了了 發表於 15-3-26 05:57
剛剛 5:30起身煲飯，個電飯煲好耐無用了，鋪晒塵，唔知有無壞呢？已經唔記得呢個蚊型電飯煲要煲幾耐先至煲 ...

你咁勤力一早起身煲飯(我係前一晚較時間制的), 不如煮炊飯啦, 一煲過, 又好食。

BTW, 你囡囡學校可以俾帶湯嗎? 我囡囡學校唔俾, 因為怕小朋友論盡倒瀉。

little_yolky

我的圖不知何解, 如何調都是很大！

Masa是我的偶像, 他出了很多本烹飪書, 我都買了。這是便當專書, 因為他是專業廚師, 所以較上兩本書的作者菜式較為複雜(不過我都可以弄得出), 可能沒有他們便當那麼健康, 但就肯定好吃, 尤其合我們中國人口味。