想問問大家意見

eytben

下學年岩岩開始，祝大家子囡學業進步，想問小兒成绩都算可以，不是太叻，但不算差，想幫他升中二時轉校，覺得讀得辛若，因我覺得仲有5年讀，不想他太辛苦，想轉B2讀，等他輕髤一些，有這想法有錯嗎？煩给意見。

angelfan07

我覺得你個囝唔需要轉校喎,響依家讀緊O既中學又唔係考得好差~~~~

讀英中初初梗係有D辛苦,我囡都係由中文小學升英文中學,舊年9月尾11月初我囡都有情緒問題喊過兩次(壓力又引致成日胃痛),因為英文教學唔適應,默書多,功課多,測驗多,上堂聽唔明一舊雲覺得好驚,測驗成績又合格多DD(自信心跌哂),辛辛苦苦做哂功課又成日俾同學響書包搶功課黎抄,做PROJECT D同學又無責任,全部由我囡一人做哂等等問題.....後尾我打去同班主任講哂D問題出黎,老師話佢一早知道有同學抄同學,會對同學作出警告,而且仲幫我囡掉埋位(搵D乖和成績叻同我囡一齊坐).然後安排見社工TALKING,有次我見過那位社工,原來很年青,難怪我囡同佢咁岩TALK~~~~~

依家我囡返學不知幾開心,雖然有時功課多都要做到12點至1點(亞囡已習慣),但佢依家同我講,上堂聽書無問題,話唔知點解O個時會咁驚<其實當時我都同亞囡講咗係過渡期,好快會適應>,學校老師很好,會關注學生問題,好慶幸,由幼稚園,小學到中學,我都搵岩學校俾亞囡讀書~~~~

tinlong89

呀仔應付到就冇需要轉校 要學識係逆境生存

洋蔥頭媽咪

原帖由 Yanamami 於 15-03-19 發表
本帖最後由 Yanamami 於 15-3-19 09:04 編輯

你覚得他辛苦，但他自己呢？見到你幾個post, 似乎係你自己 ...

同意，我囝初初升中都勁多功課，晚晚都做到11, 2點，佢都有叫辛苦架，其實我係知，不過我同佢講，又唔係得你一個做，得你一個辛苦，如果太唔合理當然可以反映，但每個人都要付出才有收獲，睇你想先苦後甜定先甜後苦啦！佢自己都明白要付出。年青人有時要捱過，勇敢面對，才能學懂，成長。

Yanamami

你覚得他辛苦，但他自己呢？見到你幾個post, 似乎係你自己过份担心多？成績中间時担心他考得未夠好(你話係佢自己好唔满意)，到升上头三份一，又怕佢讀得辛苦压力大｡真係未听闻過有人讀到書怕辛苦，而由band1校轉去band2的｡如果係禁，小学時就唔洗捱餐死考band1校，直接入band2校~如楼上講，band2仲谷吖~

其实我女都閒閒地12点1点瞓，中学生好平常(虽然好唔健康，我亦好唔鈡意)｡你仔既情况唔係跟唔上间学校而夜瞓吖，或者要做好時间管理或者佢自得其樂呢？(我女就鈡意夜闌人静時做野)第曰出社会工作亦不見得唔洗捱｡我地係身边多鼓勵关懷，煲多d好野佢食就夠，年青人捱下好平常，唔洗禁中肉赤吖~如果你成曰覚得佢捱得辛苦，好陰公~係会感染到佢，令佢覚得：係喎，我真係捱得好惨喎~~阿爸都覚咯｡正面d, 俾多d正能量佢，陪佢跑下步做下体能，—來練好体魄去应付学業，二來增進父子感情嘛。

gloria2347

不如你問下佢意見，因為讀書係你個仔

YDLFATHER

beaclem

一動不如一静

lcwz01

我個囡情況，同你仔仔有D相似。 佢係學校考頭十名(b1a), 但係PE包尾(放學經常被老師捉去練跑) 佢不但冇唔開心，仲好高興。 小六時，亦試過被老師針對，於是阿囡係該名老師嘅課堂表現積極，結果係畢業禮時，該名老師親口同我講: 以前睇錯咗佢，你個囡真係好叻。         其實每個人都有優點和缺點，一定要學習發揮自己既優點和接受缺點。

bb560

樓主講既pe堂問題；會唔會你囝體力唔係特別好，hea住做，俾老師睇到，米罰佢羅，唔好睇少老師，佢地眼尾都睇到架，好醒架，如果個個都hea住做，pe堂都可以取消啦！不過人心肉做，如果你囝係俾心機上堂，就算你囝體力唔好，但係已經盡力做，老師無理由罰佢羅！其實直接D講，老師覺得你囝唔尊重佢呀！

bb560

原帖由 eytben 於 15-03-12 發表
下學年岩岩開始，祝大家子囡學業進步，想問小兒成绩都算可以，不是太叻，但不算差，想幫他升中二時轉校，覺 ...

唔好轉啦！難得讀得有進步！我個囡讀到小五、小六時，成日話D野好難，好深，我話:“比心機啦！唔會得你一個覺得難，但如果你過到依關，你米可以赢其他人羅！”依幾句，我講咗十次都有！不過真係好有用，我囡依家讀中一，重讀得幾好。如果下次佢再“申“辛苦，你可以提返佢上次点樣通過“自己嘅努力“，成績有明顯嘅進步，要强調係佢“自己嘅努力“，佢先會記得個種感覺。

yovin

原帖由 eytben 於 15-03-12 發表
下學年岩岩開始，祝大家子囡學業進步，想問小兒成绩都算可以，不是太叻，但不算差，想幫他升中二時轉校，覺 ...

加油呀！我仔b2a學校都讀得不容易，大家都不是孤單地苦……只要過程中彼此盡了力，不論結果如何，也無悔此生！

longlokma

原帖由 eytben 於 15-03-12 發表
下學年岩岩開始，祝大家子囡學業進步，想問小兒成绩都算可以，不是太叻，但不算差，想幫他升中二時轉校，覺 ...

你的情況看不到轉校的理剧。
讀中學的最终目標是考dse,  dse不會因為你轉去b2學校而变淺左，你仔的競爭者不是自己同學，而是全港同屆學生。再說，轉校只是逃避的做法，你開了一個壞先例，假如在b2校又老師是你仔唔喜歡嘅，咁你係咪又轉？

TwinWong

eytben 發表於 15-3-12 17:20
就是覺得開始有情绪啦，由其是有Pe堂那日，特別有情绪，因他較弱，人比較文静，又覺得Pe老師針对，蓬周4不 ...

無記錯樓主, 有同仔仔在假日都有出外郊遊閒聊, 其實不防同仔仔一齊做下輕型伸展运动,
多好大嘅公園設施都有 SIT UP / PUSH UP / 高鋼架撐爬
玩下平行木, 踩单車, 出身汗, 會另仔仔身心都會舒暢,
有点运动对腦部發展更加好, 日后上PE堂唔會咁反感

eytben

KT0603 發表於 15-3-12 21:27
如無估計錯或者記錯，樓主你仔仔，名次已經是頭1/3，對一位band 1英中男生來說，是很理想的成績了。
辛苦， ...

冇錯，我尼個百佳仔一時一樣，可能青春加反叛期，真系古去吾到，但真心講晚晚玩到11、12時，我見到辛苦，只好睇睇他下半場的做化，多謝開解及意見，因我是粗人，教育程道吾高得中二早出來社會工作，又因得一小兒，不想睇他讀書都今辛苦。

eytben

原帖由 dobbybabie 於 15-03-12 發表
我都有睇過你的Post，阿仔都進步緊啊，為何有此唸法？有冇問過仔仔的唸法？因轉校對於—個踏入青春期的孩子 ...

就是覺得開始有情绪啦，由其是有Pe堂那日，特別有情绪，因他較弱，人比較文静，又覺得Pe老師針对，蓬周4不想返，又話讀得辛苦，成曰比pe老師罸跑圈罸到開始反感這校，真是轉又死，吾轉又死

dobbybabie

原帖由 eytben 於 15-03-12 發表
都可以接受你的想法，但現在是有辨去，机會去改現有境况

我都有睇過你的Post，阿仔都進步緊啊，為何有此唸法？有冇問過仔仔的唸法？因轉校對於—個踏入青春期的孩子來講都是—個好大的轉變，除非我仔是讀得好辛苦，或己開始出現情緒問題，我先會唸。而且B2都唔是易讀。

eytben

原帖由 dobbybabie 於 15-03-12 發表
我祗可同你講人是  生於憂患而死於安樂

都可以接受你的想法，但現在是有辨去，机會去改現有境况