好唔開心

joycheung801

是咁的，我個女依家5歲，由2歲開始，佢in幼稚園唔收就開始覺得有d問題，見過言語治療師話冇問題，之後K1老師話佢唔講野唔同小朋友玩，懷疑有自閉傾向，洗萬幾蚊做3個評估，話冇事，排到政府，話係選擇性'針'默，今年入小一（國際學校K2後就上小一）學校裡面做咗OT評估，話有感統問題，最好做TL，依家佢學校係全天候專人照顧，如果冇人單對單support佢就唔專心，完全學唔到野，但佢又唔係學習障礙，因為佢成績唔錯，我問學校係唔係應該轉特殊，佢話可以考慮，都要再評估同排隊，佢話我女唔呢種唔係病，係唔會好返，只係需要唔同既方法去學習，主流學校資源有限去配合呢d需要，特殊會照顧得好d，我聽到真係好唔開心，唔通真係要去特殊學校？有感統問題就不能夠係主流學校讀書？我明大家都交咁多學費但個女就有特別照顧對其他人都好唔公平，我應該點做？做OT每個禮拜會有半日返唔到學，因為冇星期六/日，仲要唔平，然後又話最好安排d運動課外活動會有幫助，其實係咪真係有幫助？都話係唔會好返，咁做乜都冇用啦.....？

joycheung801

由2歲開始睇過咁多醫生，肯定唔係ADHD，佢好多行為都有d似自閉，有d似ADHD，或者誤會佢係學習/語言/智力障礙，但醫生話過，要確診係要符合晒所有病徵，而且係任何環境都要表現一樣先可以確診，所以我地咁頭痕，攪咁耐，先話比我知係selective mutism，同sensory disorder，我地仲睇緊政府心理學家，見咗一次但未有任何結果，好kick手

lingyan828

想問刷身和按關節要什樣做？用什麼來刷身？

964000

原帖由 joycheung801 於 15-03-15 發表
我成份report都搵唔到呢幾個terms，anyway我聽日就第一次帶個女去做training，睇下therapist點講.
我女既情 ...

會不會有點ADHD?我朋友女小時候有點似你6所形容，到七歲才確診ADHD,食藥後好好多

joycheung801

我成份report都搵唔到呢幾個terms，anyway我聽日就第一次帶個女去做training，睇下therapist點講.
我女既情況係响屋企把口唔停，但一出到去見到人就收晒聲，盡量可以唔講野就唔講，手指指，用動作表達，所以社交完全係0.....好情緒化，成日發脾氣，好多時都唔知佢嬲乜，小小野都可以好大反應，tum又好迫又好，唔肯就死都唔肯，同你對抗到底..... 學校就係話佢唔專注，遊雲，成日坐係度唔知自己應該做乜，又唔識叫人幫手，如果冇人監住佢就乜都唔做，但佢係識做既，只係唔踢就唔郁.... 我自己响屋企教佢野，有時佢錯咗更正返佢，佢就會發脾氣，包咬頸，唔肯再學落去，所以都好頭痛.... 佢非常之沈迷一d幻想，例如Harry Potter，Lord of the rings呢d電影佢好鍾意睇，同成日講，好似永遠返唔到現實世界.....

MaggieHei

回覆 Jjchow2015 的帖子

我小朋友都好LIKE 刷身, 好舒服

你可能不夠力, 治療師說不夠力可能有反效果架.

Jjchow2015

Ok!

LeeCC

Jjchow2015 發表於 15-3-12 15:58
你如何令小朋友在家做訓練？我仔好抗拒刷身！

我仔話刷身好舒服，好中意
是否方法不對？我初時阿仔都無中意，原來力度不對,請治療師再看你刷身方法

Jjchow2015

你如何令小朋友在家做訓練？我仔好抗拒刷身！

LeeCC

我仔都有感統問題，訓練左大半年，進步了很多,姑娘話再train多二三個月可以停

除了上課訓練，導師給的家居訓練一定要做，放假我會跟足做曬，上學日子只做到七成左右，另外每天刷身按關節，吾懶得

智力正常無需讀特殊，特殊學校都吾會收，我仔感統同自閉都系讀主流學校，甘當然吾系top個D學校，是二線支援好的學校
放心啦，感統問題可以好返的，我認識幾個小朋友都系

MaggieHei

回覆 joycheung801 的帖子

唔駛唔開心.

我小朋友也是感統有問題, 低敏, 令佢要大量刺激比大腦等佢可以專心些.

我問過中心治療師, 感統訓練是可以停, 不是跟一世.不用太擔心. 當然, 做幾耐要看個別小朋友不用情況而言. 不過, 中心治療師都說, 如果停左, 佢也要KEEP 住做家居訓練同埋運動.

我小孩一邊排緊政府, 不過要等18個月才有位. 另一邊做緊私家. 係好貴, 有一定負擔. 黃金治療期是6 歲樓下. 效果好快見到.不過, 我小朋友已過了此歲數, 效果可能慢D. 不過, 都要做. 期望不用等政府比位佢做已可控制到.

joycheung801

個website有冇打錯字？我上去係牙膏網

Fa媽媽

請問係邊間機構做感統訓練？可否pm我有關資料？我囝本體和前庭都有問題，謝謝!