地利亞英文小學 VS 激活英文小學

zoezoe2009

小兒將於2015九月讀小一，今天收到信激活英文小學已收了小兒。小兒是就讀激幼，對於他們的活動教學很滿意，小兒都讀得很開心，當初報激幼都是為了上激小舖路，但入讀後方知原來激幼上激小並無特別優勢，和其他學校學生一樣。所以當收到激小的收生通知，真是喜出望外！但礙於先前天水圍德宜幼稚園租約滿的事，怕事件會重演在激小身上，真的擔心兒子讀了一年又要搵學校，但知道激小學生會讀得開心和輕鬆，加上我和先生也較喜歡活動教學，所以也不知怎決定。。。


小兒已被聖瑪加利和地利亞英小錄取，但兩者我們較喜歡地小。


因為感覺老師和校長很有愛心，同學有三分二是外籍小朋友，印巴較多，但也有少量日本，韓國，東歐，尼泊爾，印尼，黑人小朋友，英語水平一定會高，而且上到小三又有法語是必修科目，小兒可學多一種語言。我的一個朋友是地小畢業的，她說老師校長都很好，活像一個大家庭，到現在我朋友已三十幾歲，也會和小學老師們食飯，加上我朋友的英文很好，像外國回來的口音，她說是小學開始每天講英語得來的。而且問過住在該校樓上的朋友，都說地小學生雖然多印巴，但都很乖巧，而且該校的印巴都是來自中產或環境好一點的家庭，父母也是有教養和學識的，我們也在放學時去學校觀察過，那些小朋友都好乖，記律好好，學校對於品德方面的教育也做得不錯，升中也不錯，也有學生入男拔，英皇等名校(雖然我並不是希望兒子將來要入名校)，反觀中學部就不要考慮了。不過地少多默書測驗，課程較深，算是嚴少少和較谷的小學，算比較傳統，怕小兒讀得辛苦。加上地小好似返八點，我家住洪水橋，返美孚小兒可能要六點起床，始終遠了點。加上雖然中學部是獨立另一個校長，而地小同地幼係同一個校長，但始終中學辦得唔好，小學部嘅名聲都會連累，即使問過好多人都話地小同地幼好好，但有啲唔熟悉地小嘅人一聽到係地利亞就耍手擰頭，因為佢間中學太「出名」了。


另一方面，激小是活動教學，他現在讀激幼也是活動教學，雖然課程不深，但學到很多傳統幼稚園學不到的知識，又沒有壓力，讀得很開心。加上知道激小也著重中文和普通話，這比地少應較為有優勢。而且壓力應該比地小少一點，加上返九點，又近屋企，小朋友無咁辛苦。激小又無咁嚴，學生會讀得開心啲。不過唯一相比下不足的，就是地小有法語，還有英語水平應該比激小略高一點。激小的學生可能因為活動教學關係，相比之下也較活躍，而地小學生就較有紀律。不過最擔心始終是校舍就快滿約問題，怕因加租而執笠，到時又要周圍搵學校，小兒又要重新適應。。。


請各位激小或地小家長可否評論一下學校的教育理念？子女讀得開心嗎？壓力會否很大？英語流利嗎？校風如何？老師會有愛心嗎？


感激不盡。。。

sharklaser

回覆 piglet_be 的帖子

激活2015/16年將有新校長。

Jessica.Ceci

我都好想知地小既升中派位

Vickyblah

俾我會簡聖瑪利亞。其實如果嫌遠應該唔好報。同意以上所講，國際學校想讀就趁早，由幼稚園讀到上。其實有時候唔一定係等你睇到小朋友適合咩先選擇，如果你想佢行邊條路，可以試左先都可以。講真，我未見過身邊有小朋友一開始唔適合國際學校，反而有一開始已唔受谷嘅大把。你如果簡左激小，升中都要報多幾間，唔可能只限於同區。讀得哩啲預左遠，無辦法，唔可能咩都完美。

love_kari

最後揀左邊間呢?

Cowbit

原帖由 free2bme 於 15-02-14 發表
開始我都係咁念不過後尾相信機會少。香港地產市場唔會永遠升升升，遲早地價會降低。三年後地價有機會似03/0 ...

如果激活的大業主仍是長X, 就未必可以用常理黎推断加租幅度
呢區可以做私校或有同類環境的位置不多, 而且元朗區有太多私楼落成, 多咗可負擔學費的客源。其他私校如有興趣搶地插旗, 不難重演德怡事件。 Tender一般精神係價高者得。
最大鑊係, 私校政府理唔到!
以上只係個人睇法。 除非業主唔玩tender。

goodmorningsir

newcomer550 發表於 15-2-10 10:15
回覆 zoezoe2009 的帖子

我係地小小一家長, 見你另一帖話揀咗激活, 不過都講多少少關於地小俾大家知.

地利亞學費幾多？

Hilarymother

回覆 free2bme 的帖子

同意，租金不會升很多。

free2bme

開始我都係咁念不過後尾相信機會少。香港地產市場唔會永遠升升升，遲早地價會降低。三年後地價有機會似03/08年降低30+%⋯⋯相反：業主想加租，可以加幾多？加得太多，邊個租？第二間學校都要收貴⋯⋯學費唔係100%交俾業主，業主加租其他expense唔變，假如地價升30%，學費只要加10-15%，唔平不過唔停辦。

gigayan

諗多少少，激小今年續租約，俾業主加租加得好勁，呢張租約加學費可以了事，但下一張呢? 就算錢可能唔係大問題，多多都俾得起，但如果好似德怡咁，停辦點算? 小學過程整整六年，我覺得要諗長遠少少。

zoezoe2009

其實激小真係幾貴，但無辦法啦，我住洪水橋，校網係天水圍，我先生對天水圍嘅津校無咩心水。屯門元朗區嘅直資同私立小學都報咗，除咗圓玄，因為面試同宏信同一日，所以無報。宏信首輪已失落咗，李宗德我先生又唔太鍾意，呢兩區得激活收咗。有啲九龍區都收咗，但真係幾遠，所以貴都要揀㗎喇。。

joeycj

原帖由 teambuilder 於 15-02-07 發表
回覆 babai 的帖子

但聖瑪學費貴好多喎

激小學費仲貴，$6，xxx,另好似多雜費。

free2bme

有，P5/6。

free2bme

回覆 piglet_be 的帖子

1.同意，越近越好，早點回家，早點食飯、玩吓、瞓覺。2.細嘅不過不擁擠，只要200個學生，低班有遊樂場，高班有大場，全校share外場/內場，而有另外嘅乒乓球區。其他學校750+學生，有啲連埋中學部有1000+⋯⋯好多學校要安排邊班邊日可以落去玩邊日留喺課室/室內場。
3.我唔覺得英文水平差咗⋯⋯大部分新學生係港人⋯⋯之前學校只有兩位外籍老師，似家三個⋯⋯其實初初我都駑校長會收取投資移民既仔女，不過沒發生⋯⋯學校仲系英文學校⋯⋯上堂都要講英文。
4.我覺中文功課較多，其他課OK⋯⋯太多我就寫手冊，唔俾老師罰。

piglet_be

我小朋友最終放棄了激活，原因(1) 離家太遠。(2) 雖然小班，但校舍細，讀六年，活動空間小。(3) 換了校長，連最有經驗的副校都走埋，好驚佢地會轉攻內地學生，減少英語環境。(4) 活力教學，但有家長說，有不少功課都需要家長的參與，因要返工，驚未能配合。

virgokaren

原帖由 zoezoe2009 於 15-02-11 發表
回覆 free2bme 的帖子

資料好詳盡，唔該哂你。。

激活有呈分嗎？

zoezoe2009

回覆 free2bme 的帖子

資料好詳盡，唔該哂你。。
我想睇埋小學睇下仔仔讀咩類型中學係適合。以我所知，激小學生分別可入到耀中，Ib(如宏信)，dse(英中)，所以好似穩陣啲。同埋都知道學生會讀得開心，所以綜合大家意見，再做資料搜集，都你傾向激小多啲。

free2bme

回覆 zoezoe2009 的帖子

耀中最尾2年都係IB.... 據我所知願意繳學費的話激活轉耀中不難。激活是好好的stepping stone：孩子小的時候學得開心，離我們家不遠、學費比耀中平....等孩子大的時候才轉耀中，可以自己一個搭火車返學。（...不過你都可以考慮小學讀‘地小’，再轉讀DSC（太古城－地利亞加拿大學校），不過我不太清楚兩校關係如何、容不容易升等....因為太遠啊！）

free2bme

回覆 zoezoe2009 的帖子

貴，不過仔女真系開心、⋯⋯