名校生悲歌 10個有9個焦慮症

lauwingtai

【經濟日報專訊】子女升讀band1學校是家長的夢想，但10隻手指有長短，名校亦有人考「包尾」，有名校生坦言靠「出貓」、抄功課留在精英班，終不敵壓力出現各種病徵，甚至停學一年。

臨床心理學家指，名校生求助趨增，以成績中游者居多，「10個有9個都有焦慮症」；有學生每逢默書日便暈倒，家長求助時反指子女專注力失調，放不下名校包袱，堅持非名大學不入。

有直資學校透露，近年每年錄取數十名插班生，當中半數來自傳統名校，要加開班數應付（見另文——「轉校減壓 直資中學加班接收」）。

現年中六的盧卓瑩，自小一已在傳統英文女校就讀，再升上名英中，至中四時，學校規定要讀4個選修科，即合共讀8科之多；一如其他學生，課外活動亦不由自主，要應付鋼琴、跳彈床、跳舞等興趣班，而小一至中一均為田徑隊的她，逢星期一、三、五都要練習，終因壓力太大而放棄。

還有合唱團，她稱：「請假難過登天，老師會同媽媽講，練習好重要，無咗你唔得！」但她最後應付不了退出，連學業也追不上，名次大跌至最後20名。

怕上學缺席半月 終停學1年

勉強升讀中五的她壓力極大，坦言：「幾叻都會有人叻過你，點都outstand（突破）唔到自己！」同學間更是爾虞我詐；壓力過大令她連上學都提不起勁，缺席逾半個月後終停學1年，再由中四重讀。

在精英班的羅康瑞，中三開始須接受公開試操練，不能參與課外活動，連休息時間都沒有，無法適應令他由考十幾名，跌至約90名，但老師反施加壓力；為繼續留在精英班，他坦言只有「出貓」、抄功課，但後來「抄功課都抄唔切」，所以抗拒上學，並出現壓力徵狀，「一星期有兩日會嘔、胃痛，後來一聽到『返學』就覺得好驚。」最後，他放棄精英之名而轉校。

要抄功課保成績的不止一人，同樣已轉校的張文融，曾經「一日有18、19樣功課」，坦言寫字也感疲累，「做唔晒，惟有抄！」她指，成績愈見倒退，老師卻只幫成績好的同學，自己更被校方勸退學。

家長求助 指孩子專注力失調

註冊臨床心理學家鄒凱詩表示，去年接獲十多宗名校生因讀書壓力求助的個案，多為「高不成、低不就」的中游學生，「10個有9個都有焦慮症」，經常出現肚痛、頭暈及失眠，「測驗前及派卷前都肚痛」；學生及家長起初會以為「食錯嘢」，但發現徵狀持續，諮詢心理專家。

她又發現，臨近公開試，最近有應屆中學文憑試考生求助，他們都背負「名校包袱」及父母期望，「堅持『非三大不入』……怕入讀非出名的學校，會被其他同學比下去。」

香港青年協會「關心一綫」單位主任吳錦娟亦指，過去一年接到4,000多宗求助，1成與學業有關，有求助學生「每逢默書日便會暈低」。

專家：家長看成績 勿只顧數字

聖公會聖基道兒童院臨床心理學家陸詠詩則指，若學生或家長是完美主義者，壓力情況更會惡化。她又指，曾有家長陪同子女求助時，反指子女「懶散、唔讀書」，甚至猜度是否有專注力失調，經分析後，壓力是源於學業。

陸詠詩呼籲家長面對成績時，勿只顧數字，「小學考第一，入到中一佢唔考第一，唔等於懶惰！」為子女選校時應按能力。

https://hk.news.yahoo.com/%E5%90%8D%E6%A0%A1%E7%94%9F%E6%82%B2%E6%AD%8C-10%E5%80%8B%E6%9C%899%E5%80%8B%E7%84%A6%E6%85%AE%E7%97%87-225531977.html

GreenMaDad

在名校裏，除了部份比較囂張外，大部份都是普通人，家庭比較重視小朋友，所以會比較少過份的男女關係問題、童黨問題，甚至黑社會或毒品問題。相信家長們最低期望都是希望小孩不會學壞。

Yanamami

十个有九个焦慮~~経济曰報而家d報导真係誇过方向同生果報｡唔好賴哂学校，讀得名校，基本上家長甚至学生本人都有極高要求同期望(除左学校教深与同学间競爭呢d元素外)，係主要压力來源，学楼上話斎，band2 band3以full cert為目標，名校生以三大或更名大為目標，压力指数已唔同｡

hadwinboy

原帖由 grandmalolo 於 15-01-29 發表
名校只是一向只識教有能力的學生，對於能力較弱的就要等家長救他。朋友曾說就算在名校考第尾或最底個班，家 ...

我覺得在名校考第尾那班，不是家長也覺光榮，而是爛船也有三分釘，將來小朋友出來工作你便會明白，至少我本人是

GreenMaDad

相信家長們都好矛盾, 眼見各名小或名幼都學得深教得深,自然會覺得在其他小學讀的會不會將來想追都追不到.   在我會考那個年代, 有親朋戚友說她女考"full cert", 我們真的不知是什麼意思.   後來知道是所有科目合格.    坦白講, 我們班同學會想拿幾多"a", "b" or "c".    真的無用合格作為目標.

QQee

其實得出既結論係唔係: 遠離名校, 踢走焦慮!

sugarnana

真係喺快餐店見過穿著校服的初小生，媽媽用計時方式做功課，限時要做完，歎為觀止，做得要快，字體要靚，答案要啱！嘩原來已經玩得咁大！

grandmalolo

名校只是一向只識教有能力的學生，對於能力較弱的就要等家長救他。朋友曾說就算在名校考第尾或最底個班，家長也很光榮，最少對得住祖先。

konew720

原帖由 poonseelai 於 15-01-27 發表
10個有9個可能誇張了，但聽落都心痛

可能係誇張了，但事實都唔差好多。
我早排同以前中學老師食飯，佢而家仲做緊。間中學係band one 英文中學，但唔係名校。佢話而家學校有好多學生有情緒病要食藥，數字年年增加。佢地成日建議家長唔好迫到仔囡日日都冇時間放鬆，但俾家長鬧返轉頭。我聽到都覺得驚。
大家唔好以為身邊冇呢類人，只不過係大家唔會周圍同人講自己食緊精神病藥。

MrBeast

CoffeeCake 發表於 15-1-28 08:36
焦慮都因為父母比壓力吧?
我小朋友小一時, 我已聽佢描述, 有自殘式既焦慮學生.
另有個逢RECESS都狂睇課外書 ...

Combination, 有時候父母也未必是固意，可能只是失望的表情，又或者親友讚表兄妹九十分叻，tsum 至只是老師堂上讀分數…
當然aggressive 父母亦是存在

bubuG

原帖由 CoffeeCake 於 15-01-28 發表
焦慮都因為父母比壓力吧?
我小朋友小一時, 我已聽佢描述, 有自殘式既焦慮學生.
另有個逢RECESS都狂睇課外書 ...

個阿媽好變態

CoffeeCake

焦慮都因為父母比壓力吧?
我小朋友小一時, 我已聽佢描述, 有自殘式既焦慮學生.
另有個逢RECESS都狂睇課外書,之前大家以為真係咁LIKE閱讀,直至有次佢睇唔晒本書,慌張嚎哭, 話"睇唔晒我媽實打死我", 咁大家就知咩事了.

Jane1983

而家好多名校，有傳統名校、地區名校、新派名校..如果10個學生9個焦慮症，可能嗎！

教育制度問題、學生壓力大，都可以討論，但用作大、標榜某些個案，就無也意義。

5tgb

相信又是一些低水準文章，以出位標題吸睛。臨床心理學家，又什會以是否讀名校來區分病人呢？甘名校區就好多病人，非名校區就個個無病！名校病人趨増又是另一無尼頭例子，唔通先前病人比例是非名校多，現時才變成名校多。作者又如何區分名校呢？作為家長，有時看了些文章，都應分析！