天水圍有冇幼稚園收A仔？

shanna1114

我個仔3歲4個月，講緊密集，老師建議比佢讀主流幼稚園接觸多啲人，但唔知天水圍邊間願意收，請大家提供資料拜託

西瓜貓

原帖由 Stone媽媽 於 14-11-30 發表
回覆 shanna1114 的帖子

你可以試下天悅邨中華基督教青年會幼稚園，校長同老師好有愛心，佢地知道小朋友係 ...

呢間依家只有上午班同全日班，我小朋友上午返密集，所以冇得諗了

shanna1114

原帖由 Alam123 於 15-02-19 發表
同病相憐！有位都唔收，我剛試過啦！

都唔知政府幫倒咩

shanna1114

原帖由 llam1210 於 15-02-18 發表
有冇去教署個網站看看還有邊間有位？因為雙非多，天水圍北區可能真少學校有位



  ...

看了，有位都唔收。😭

Alam123

同病相憐！有位都唔收，我剛試過啦！

llam1210

有冇去教署個網站看看還有邊間有位？因為雙非多，天水圍北區可能真少學校有位

shanna1114

天水圍那麼多幼稚園，找遍也找不到一間幼稚園收留我3歲半的A仔😭😭😭
現只讀2天3小時的密集，點好？

shanna1114

半日就夠，阿仔上午要上密集

Stone媽媽

shanna1114 發表於 14-11-30 20:21
請問係全日班定係半日班？

佢有半日或全日。但我聽人講，學校只會留全日學位比父母都要返工既小朋友。

Stone媽媽

回覆 wowobb 的帖子

可能同校老師都有參差啦！我囝囝都坐唔定，坐一陣就企起身想走開，但老師會叫佢坐返底，囝囝肯坐一陣，又想起身，要老師不斷口頭或捉佢坐返底嫁。但我入學前有電話同校長講囝囝係a, 講明如果學校包容唔到，我唔會迫學校收佢，寧願唔讀，校長同班主任係電話到同我講到明唔會歧視特殊需要小朋友，會包容。之後我都唔放心，我係要求面見校長，等班主任同校長睇下囝囝適唔適合讀先再決定。校長見我時又係講解學校理念，同埋會包容特殊需要小朋友。老師都只係帶囝囝係學校四圍行，冇考佢野。
當然我冇得日日睇住老師點上堂，唔知老師係咪真係日日次次都捉返囝囝坐底上堂，但接放學時，老師成日都有講下囝囝表現或問題(唔係投訴，只係想我地了解囝囝表現)。雖然囝囝社交同表達冇咩進步，但做家課時，囝囝又跟到，所以我覺得已經好滿足啦！

shanna1114

請問係全日班定係半日班？

wowobb

原帖由 Stone媽媽 於 14-11-30 發表
回覆 shanna1114 的帖子

你可以試下天悅邨中華基督教青年會幼稚園，校長同老師好有愛心，佢地知道小朋友係 ...

你講緊尼間，前題係要小朋友坐得定，我女當年入去讀左一年，我後悔比佢讀，因我女坐唔定，老師就同我講，只要叫佢兩次唔做，就由佢坐埋一邊，仲要好多時叫我提早接佢走，又試過受傷番黎（係成面比人抓到傷晒），問老師點解，老師答我唔知道，因佢成日會無端端哭，所以冇理佢，果一年係我最辛苦既一年，可能係我小朋友比較唔定掛（我入學有話比老師知小朋友係自閉，排緊s位）

Stone媽媽

回覆 shanna1114 的帖子

你可以試下天悅邨中華基督教青年會幼稚園，校長同老師好有愛心，佢地知道小朋友係a, 只要冇攻擊性行為人，佢地都肯收，囝囝坐唔定，認知大小肌較弱，老師又唔會閒置一旁，要囝囝參與課堂常規及活動範圍。
媽媽加油，只要唔放棄，一定搵到包容佢地既主流學校！