點樣接受現實積極面對自閉症?

JoeyPC

見到人地個小朋友精靈活潑, 自己個女就激到嘔血, 好唔開心, 點樣先可以調整自己既心態呢, 已診斷自閉症2年了, 亦返緊訓練幫個女, 但我仲未接受到現實, 好唔開心

conniekit

加油丫！好明白你心情……我小朋友自閉症傾向，我辭埋份工這2年不停做訓練、現在進步很多喇！希望你都唔好灰心，每日爭取同小朋友相處時間交流多d,去多d遊樂埸玩，我們付出的耐性會比其他媽媽多好多，我地付出不會白廢架！！努力啊！！

JoeyPC

謝謝你們的鼓勵，當我們一時諗唔開可以在這裡加返d 正能量真好

pinkdoll

JoeyPC 發表於 14-11-7 16:06
見到人地個小朋友精靈活潑, 自己個女就激到嘔血, 好唔開心, 點樣先可以調整自己既心態呢, 已診斷自閉 ...

唔開心係正常的，講咗出嚟會舒服啲，唔好屈埋屈埋，但路總要行下去，要頂住呀，有時放下自己假，幾小時都好，　例如：去飲杯咖啡，嘆件餅，令自己開心啲。

chloe_pak

囡囡3歲8個月知道係A, 宜家六歲，呢兩年幾過去，囡囡進展良好，想分享下小小經驗。 其實自閉不是新事，近來多左我覺得同多左人做評估有關，我地細個總遇過同學唔鍾意講野，小息自己坐埋一邊，讀書又唔係咁叻的同學，我認識一些成年人宜家三四十歲，有自閉特色，當年當然無做任何評估，一個舊同事三歲才開口說話，佢阿媽以為佢弱智，但宜家做左醫生，又識一個五歲才說話，現為銀行高層，例子仲有，不能盡錄 但佢地多數都能自力更生點解？因為同上一代管教有關！ 上一代父母管教很嚴，所謂錯就要認，打就要企定，上一代鬼知咩叫自閉，只知道佢唔鍾意講野，唔多社交，但都係咁教，兄弟姐妹眾多，成班人一齊玩，你發脾氣話唔食飯，轉頭所有野食比兄弟食晒，無人會咁就你，仲要比兄弟話你抵死，在學校老師鬼知咁多，犯規就罰，飲食方面，講咩介口，有得你食都偷笑！久而久之，自閉兒也學到生存之道，只不過比人慢D! 對於我自己女女，3歲8時CAC講到佢好嚴重，想佢讀S位，我拒絕，我只想要E位，平時當佢正常細路，比佢參加正常活動，正常課外活動，當然會比人設訴下，但我會照去，女女也讀正常幼稚園，老師也知佢係A, 老師也很幫忙讓她和其他小朋友玩，飲食方面無介口，除了EETC, 沒有做其他如針灸，排水銀等其他治療，除了功課外，佢最常做的就是玩玩玩，佢好開心，成日都笑！ 女女宜家剛六歲，語言表達仍差D，但語言理解超越實際年齡近半年，宜家識得駁咀駁舌，大小肌肉達標，係社交差D，但老師話佢係學校也有一兩個要好的朋友仔，中文認字好叻，簡單故事書已可朗讀，喜歡表演，學校表演常有奬攞，老師話佢好有自信！簡單加減數也計到，雖然唔係好叻，但一般外人已完全看不出她是A了！她現已就讀主流小一，成績達標！

Olympian

每個人一生都會經歷不同的問題和難關，不可能終生一帆風順。太著眼自的問題，會好辛苦。早前，有個罕病兒的爸爸(常抽筋，好痛)，救回瀕死的女兒。當時我想，由她去了不是一種解脫？但爸爸淡言一句話：“我相信每個生命，都有一個意義。” 好單純的想法。有時我都諗，點解我生個自閉，跟住我就會想起這一句話。我也選擇相信，每一個生命都有佢嘅意義。隨遇而安。

Jorfei

許多時我們看到別人的子女，聽教聽話，自己的就教極都唔聽，好激氣。我都有過激到嘔血的時間。但其實想清楚，佢地唔係唔想聽，只係佢地個腦仔接收訊息比較弱, 收唔到。就好似我地手機有時訊號弱都會收唔到，咁唔通就發火鬧部手機咩... 雖然A仔係難教d, 湊佢地係辛苦好多, 但佢地都唔想架！ 佢地亦有好多優點，佢地純真率直，其實很可愛的。唔開心時，諗下佢地d搞笑野，得意野啦！

zhfl729

我相你客观情况一样 主观都系觉得这在玍者无法平复.

zhfl729

系啊 我仔都诊断左差吾多两年了 我还没有从阴影中走出来

JoeyPC

如果第二個正常真係非常好, 因為當父母老去時,在世上仍有親人照顧下個A仔, 無咁孤單, 我都想生第二個,  但好怕搏唔到正常, 到時2個A搞唔掂

Vichang

原帖由 Sandyf 於 14-11-10 發表
回覆 man811231 的帖子

你很勇敢呀！我仔仔4歲，是A仔，雖然開始接受訓練後一點一點地進步，但係我都唔夠 ...

Me too... 唔敢生第二個。

muimui5

回覆 man811231 的帖子

我是unplanned的。甜到入心的是小Ｂ，牽腸掛肚的是大Ａ。現在兩個爭寵，教她們以後相親相愛是個漫長的課題。小Ｂ帶來很多安慰，但也更多負擔，更奪走個人空間。

man811231

原帖由 Sandyf 於 14-11-10 發表
回覆 man811231 的帖子

你很勇敢呀！我仔仔4歲，是A仔，雖然開始接受訓練後一點一點地進步，但係我都唔夠 ...

其實都是駁下咋！我認識許多第二個都正常

chowqv

當你做到，無論仔女點樣，都係你寶貝時，咁你就接受到。

man811231

原帖由 JoeyPC 於 14-11-07 發表
就係好似心底有條剌咁, 控制唔到好傷心, 都唔敢再生第二個了

我生了第二個，正常的。雖然都有勞氣的時候，但理解、言語正常，真的很可愛、很窩心！是我心命的支柱

chan555

misshk12 發表於 14-11-7 17:16
家長可以試下多祈禱，求天父帶領一家人，幫助大人同小朋友，將難處和擔憂向天父傾訴。亦可以帶小朋友返主日 ...

同意


將所有憂慮, 不安交給主. 可從新再欣賞你的小朋友.

每次有任可生氣,唔開心, 可看看以下文章.

為你打打氣

> 轉再之前的分享文章

上帝給我一個任務
叫我牽一只蝸牛去散步。
我不能走太快，
蝸牛已經盡力爬，為何每次總是那麽一點點？
我催它，我唬它，我責備它，
蝸牛用抱歉的眼光看著我，
仿佛說：「人家已經盡力了嘛！」
我拉它，我扯它，甚至想踢它，
蝸牛受了傷，它流著汗，喘著氣，往前爬…
真奇怪，為什麽上帝叫我牽一只蝸牛去散步？
「上帝啊！為什麽？」
天上一片安靜。
「唉！也許上帝抓蝸牛去了！」
好吧！松手了！
反正上帝不管了，我還管什麽？
讓蝸牛往前爬，我在後面生悶氣。
咦？我聞到花香，原來這邊還有個花園，
我感到微風，原來夜裏的微風這麽溫柔。
慢著！我聽到鳥叫，我聽到蟲鳴。
我看到滿天的星鬥多亮麗！
咦？我以前怎麽沒有這般細膩的體會？
我忽然想起來了，莫非我錯了？
是上帝叫一只蝸牛牽我去散步。

分享：
教育孩子就像牽著一只蝸牛在散步。
和孩子一起走過他孩提時代和青春歲月，
雖然也有被氣瘋和失去耐心的時候，
然而，
孩子卻在不知不覺中向我們展示了生命中最初最美好的一面。
孩子的眼光是率真的，
孩子的視角是獨特的，
家長又何妨放慢腳步，
把自己主觀的想法放在一邊，
陪著孩子靜靜體味生活的滋味，
傾聽孩子內心聲音在俗世的回響，
給自己留一點時間，
從沒完沒了的生活裏探出頭，
這其中成就的，何止是孩子。
送給所有正處於忙碌中的爸爸、媽媽

LeeCC

JoeyPC 發表於 14-11-7 16:06
見到人地個小朋友精靈活潑, 自己個女就激到嘔血, 好唔開心, 點樣先可以調整自己既心態呢, 已診斷自閉 ...

發掘下他的長處，以長補短，調節下自己對孩子的期望，要明白好多野在其他小朋友來說是理所當然做到的事，我們的孩子要比人用多10倍的時間努力和耐性才學會，甚至可能是一世都學不會，但我們也要接受事實，父母若不接受事實就永遠陷於痛苦中，提不勁陪孩子走以後的路。
父母既然已知情況，就積極在自己在世的時間好好為孩子將來應付獨立生活装備。

Vichang

原帖由 JoeyPC 於 14-11-07 發表
見到人地個小朋友精靈活潑, 自己個女就激到嘔血, 好唔開心, 點樣先可以調整自己既心態呢, 已診斷自閉 ...

我個囝囝係A 仔，由於我返工，有d 寄託，所以冇咁大壓力。而家小朋友入左全日s 位，有全面照顧，我和爸爸冇之前咁down.  因為有好多同路家長交流下。

anan3388

找輔導或社工，和多傾訴，易接受好多。

多看看世上不同困難的人們，我會看乙武，nick 等等傳記，我覺得有幫助，不同的人也能活出自己的人生