終於戒甩了背巴士路線, 不過.......

derek0811

終於戒甩了背巴士路線, 不過.......依家改為股市.......-_-!  背了好多隻股份咩編號, 做咩行業, 記埋它們的開市,收市,最高最低, 52周新高低.....日日睇報紙財經版, 去書局刨投資理財的書, 記晒恆指的由來及歷史, 成立以來的大事記等等......好鍾意講股票, 研究滬港通, 自己上網分析投資走勢.....連啤打系數都講埋, 並知度及解釋得出咩叫"啤打系數".......好似吸毒上癮咁.....-_-!
試過禁止, 禁不了, 佢會偷偷地繼續睇......有咩方法?   由他繼續研究嗎?  基本上不影響日常生活, (但怕他走去跟同齡小朋友講股市, 變成沒共同話題, 因為其他小朋友不會跟他講股市......-_-!)

家家公主

我仔K2開始..成日自己寫低哂咩巴士去邊到..沿途有咩站...寫左幾本厚既簿...學校校長話佢已經有小學3-4年級既程度..我都好驚訝..校長問我唔覺得個仔呢個行為好叻咩...?我話唔多覺...
之後知道原來係阿氏...返醫院見醫生..醫生都話佢地呢D仔記性真係超好..但有時到真係要運用既時候就唔係好得..所以呢方面耍好好訓練...
我仔近半年愛上LEGO...將所以佢中意既系列背熟哂...幾多錢盒..一盒有多少塊都知道得一清二楚

ihv2kids

原帖由 Olympian 於 14-11-13 發表
我仔對路線圖，地鐵顏色都有留意下，但不算沈迷。數字就完全冇留意。可能佢數感差。

我仔由4月到現在依然 ...

我都好想。但爸爸同佢一齊迷呢！

Olympian

冇再講。

Olympian

我仔對路線圖，地鐵顏色都有留意下，但不算沈迷。數字就完全冇留意。可能佢數感差。

我仔由4月到現在依然沈迷國家地方。而家睇日本有咩縣。係咪好離譜？

ihv2kids你仔個嗜好會否考慮一下，好似有些暴力。之前我讀三國演義比仔聽，佢成日都話打伐，殺人，過了一段時間先有再講。

LeeCC

我個仔而家唔记地鐵路線圖，改咗記不同巴士線有咩型號，每種型號的車牌號碼，企位坐位數目

prettyporky

原帖由 Olympian 於 14-11-06 發表
我個最近的致愛，都記到好熟了，因我買了國旗小百科比佢，仲有通用地圖及地球儀。佢上youtube聽國家名串成 ...

我仔下個月3歲，又係認到超多國旗，成日唱countries of the world，勁鐘意數字同ABC，記得地鐵站顏色

ihv2kids

原帖由 eekg 於 14-10-24 發表
其實我都好中意地鐵路線圖，細個果時可以背到出來。咩站咩顏色，開邊邊門，A站去B站幾＄果個table都背左， ...

我個仔儲起好多地圖添

ihv2kids

原帖由 derek0811 於 14-10-18 發表
終於戒甩了背巴士路線, 不過.......依家改為股市.......-_-!  背了好多隻股份咩編號, 做咩行業, 記埋它們的 ...

你個仔記股市都好呀！我個仔記打仗世界戰爭，幾型號戰機、邊個國家打邊個國家、咩軍隊對軍隊，睇打仗書唔使講……無聊畫畫打發時間的，都是打仗情形好血腥囉……

Capricorn2521

回覆 Olympian 的帖子

盡人事啦..... 幫得幾多得幾多，最重要係無悔今生。

亞仔細個時，奶奶同另一個老人家(忘記是誰！！)曾經對我說：〝比心機教，吾好蹝咗呢個仔！〞當我第一次聽到時，心想 〝你又知我吾比心機教?〞第2次聽到時，印象更深刻，有種莫名奇妙的感覺.......。

就算我叫你順其自然，我相信你都吾會坐喺度，呢D說話係壓力爆煲時用來舒緩一下啫，之後只有降低要求，而吾會坐喺度等運到.......。

Olympian

其實成績唔重，有興趣人生就有樂趣係爸爸的想法，我就冇佢睇得咁開。

Olympian

如果你答我順其自然就好了，咁我就咩都唔洗做 你真係有心機教，仔又受教，如果係我仔，佢就唔會合作。不過我都唔會懶，會諗些合他性格的方法引導佢。我仔對語言都好有興趣，有時都覺得其怪，語言遲緩但又對外語有興趣。

Capricorn2521

回覆 Olympian 的帖子

會呀！只係識讀而不明白內容，上小學會好辛苦，可知道課程內有一項叫做閱讀理解。

初初可以用圖畫、小D字嘅故事書，當時我仔K3，我用德育故事書開始。

小一/二都有看圖作句，所以一定要佢明白圖畫嘅內容。

然後，日日同佢讀/講同一個故事，講到佢可以講返比你聽，同時，問吓佢故事內容。我會環繞想法/反應/情緒/感覺嘅問題嚟問佢。初初佢真係只係識答開心/吾開心，之後我會講出我心中嘅答案，教佢答。漸漸地，佢會掌握得好D。

當然每個人興趣吾同，我用德育故事書係想順便教埋人際關係，而且，大多數小孩都鐘意聽故事。但如果亞仔吾鐘意聽故事，就要用其他佢有興趣嘅書開始。

Olympian

但係想請教兩位，我覺得仔對字的興趣比文章內容興趣大。例如他會熟讀名人名，花草茶，國家名，拿起字典愛不釋手。間中才見他讀內容。我希望他正正經經看書。究竟我是否要多點引導他看內容，還是順其自然？

derek0811

原帖由 Capricorn2521 於 14-11-07 發表
回覆 Olympian 的帖子

係呀！

係啦，唔知點解佢地咁鬼鍾意語文，文字真係學得好快，K3便已會寫長文了，㵶識好多深字！語言強是他們特徵之一！

Capricorn2521

回覆 Olympian 的帖子

係呀！

我仔另一個興趣就係學外語，當然好多外語 (如西班牙文/韓文/日文/亞拉伯文）我吾識，學校冇教，冇人比佢問，佢只可以學到皮毛野。

我仔小一時，老師話佢英文已經有小三程度，好多同學家長都問我佢幼稚園讀邊間，係咪國際學校，其他我仔讀了2年S位及一年I位，邊關學校事呀！

普通話拼音小一先開始學，佢係全班學得最好果個，老師話未教過嘅字，佢都可以拼到出黎。

好開心見到情況差不多的人，好有共鳴。

Olympian

我老公又係咁講，尋找興趣最緊要，成績唔重要。

Olympian

我個最近的致愛，都記到好熟了，因我買了國旗小百科比佢，仲有通用地圖及地球儀。佢上youtube聽國家名串成的歌，都會唱了，仲背埋美國州份。得閒就係咁寫國家名。佢剛6歲，第一次咁沉迷。

Capricorn2521

回覆 symummy 的帖子

因為有興趣，佢地會問人，記性又好，問一次已經會記住，不斷背誦，所以學得多又快。

我仔就鐘意記國家名，中英文名都會記，連非洲/東歐/南美D國家都滾瓜爛熟，佢係YOUTUBE搵好多呢D片自己睇，會知道每個國家的地理位置，然後畫出黎。依家好鐘意發掘國家的首都城市，有乜名勝古跡，天氣情況 (日日9:25PM要睇世界天氣預報)，國旗個樣，國家有咩特別........

我冇打算STOP佢，人找到有興趣的事情，人生才有意思，只係要留意其他方面的發展，例如：同佢講多D人際關係的事情/故事。

Okok_boy

原帖由 misshk12 於 14-11-05 發表
愛背野或極專注某一興趣，少與別人溝通交流，社交技巧弱真係A仔的其中一個特徵。有時見到佢地覺得佢地其實 ...

完全同意:;pppp: