真心請教- 我兒是否有自閉傾向?

carolki

囝囝早產, 35wk4days 出世. 遲講野. 18個月先叫爸爸. 一直擔心佢有言語問題. 分別係22, 30個月做言語評估. 都算係跟到發展, 沒有言語發展遲緩. 最令我擔心既係, 佢比較少眼神接觸. 仲有超級喜歡數字. 經常自己數數, 行街會留意街上面既數字, 例如商場店舖號碼. 會記得大廈入面電梯既編號. 我話同佢去超級市場, 佢就話去幾多號舖. 有時行行下街, 掛住數數會差錯腳跌倒. 依家32個月. 想請教大家, 佢係咪有自閉傾向? 要唔要做評估? 佢有時都會將車同lego排一直線. 但唔係成日. 佢可以跟到duplo既instruction砌lego, 玩左幾次仲記得d次序. 如果我唔跟住次序黎砌, 佢會嬲, 會拆左我砌個d再砌過. 間中會無端端打冷震 (我老公話好似打尿震咁)

大家可唔可以俾下意見呀?

Jan2010

eeyorepigpig 發表於 15-1-21 17:46
請問要排幾耐先見到政府心理醫生?

見心理DR, 好似排左9個月左右, 另外見精神科DR便排到2016年年尾

eeyorepigpig

Jan2010 發表於 14-11-19 13:46
剛見完政府心理醫生, 做左評估, 話有少少自閉症譜系"擇"界, 我地覺得姖智力冇問題, 係情緒社交方面較弱,  ...

請問要排幾耐先見到政府心理醫生?

eeyorepigpig

carolki 發表於 14-10-10 13:41
回覆 Joyce_Choi 的帖子

謝謝你的回覆. 我今日約左下個星期五見健康院姑娘. 都準備報協康會的心理評估. 希 ...

想問下你見完健康院姑娘, 佢點講? 係咪會即刻轉介去睇政府醫生?
同埋去協康做要幾錢?

kennyrita

misshk12 發表於 14-10-8 22:30
回覆 carolki 的帖子

如果想知道係咪自閉,應該找專業人士做評估。講真,我做左2年半訓練，發現依家好多自閉 ...

我想問下, 我囡差不多5歲, 專注力不足, 又精神科跟緊, 但未斷証, 但今日醫生話佢可能有輕微自閉徵狀, 佢只講再觀察, 到6歲再SEND 去做IQ TEST

但無教我地現在做D 咩可以幫到佢, 我想問我可以做咩類形訓練 OR 我地自己平時又可以做D 咩可以幫到呀囡呢

carolki

我地做學前兒童發展性障礙評估.

Jan2010

Joyce_Choi 發表於 14-10-10 13:29
我仔都係數字狂, 從2.5yr 開始有你說的行為, 但當然有其他行為, 例如多動, 去到陌生地方亂搞人地D野、同佢 ...

剛見完政府心理醫生, 做左評估, 話有少少自閉症譜系"擇"界, 我地覺得姖智力冇問題, 係情緒社交方面較弱, 小小事情都可以令到姖情緒失控 (情緒接近崩潰及歇斯底里, 仲成日大叫大哭), 呢牌的情緒仲非常不穩, 特別深夜晚上都會甘, 真係好擾人, 姖吾會理人地O既感受, 仲成日好固執, 要我地依照姖O既指示去做, 稍有不順, 又大吵大鬧

我阿囡都不懂/抗拒踏單車, 一知道果日幼稚園踩單車便情緒好不穩

obedienceliu

回覆 queenielai 的帖子

一般亞氏都有感統問題, 我個仔被懷疑是亞氏, 巳做了感統評估, 下星期開始訓練, 至於自閉評估仍在排期中, 感統攪掂, 其他問題好快解決. 他巳在家做了刷身的感統訓練, 發覺他定些, 情緒穩定, 聽話左.

queenielai

請問你是指明做自閉評估嗎？還是會癰姑娘會建議?我有打過去協康問但佢地冇特別建議我我做邊款評估，主要叫我睇清楚個收費再報，我有啲confuse因有時覺得個仔似亞氏，有時覺得係感統，又有時覺得係過度活躍，都唔知應該做邊款評估

Joyce_Choi

耀能協會, 香港及九龍區都有。我仔上緊社交班, $2800 - 10 堂, 唔知係米最好, 但覺得有D幇助。

carolki

琴日去左協康佐敦centre做評估. 兒童心理學家話佢有自閉特徵, 但程度不足以令佢作典型自閉既conclusion. 係呢個stage, 佢會話我個仔有speech delay同social and communication problem. 如果唔嘗試幫佢, 最worse case係 high functioning austim, 但唔會係asperger. 佢建議我同佢上speech therapy同社交班. 唔知大家知唔知邊度既courses 好呢?

Joyce_Choi

回覆 carolki 的帖子

我是先看兒科醫生, 告訴他我的懷疑由寫轉介信去當區有兒科的公立醫院 (我區是瑪麗), 之後再轉介大口環。

carolki

回覆 Joyce_Choi 的帖子

謝謝你的回覆. 我今日約左下個星期五見健康院姑娘. 都準備報協康會的心理評估. 希望早d知道佢既問題, 盡早學習如何教導佢.

想問下你是如何被轉介到大口環兒童醫院做評估?

Joyce_Choi

我仔都係數字狂, 從2.5yr 開始有你說的行為, 但當然有其他行為, 例如多動, 去到陌生地方亂搞人地D野、同佢講野又要講幾次先等. 到佢3yr 到我帶他看中醫for感目, 中醫見到佢行為 (似ADAH), 提議我帶他驗下. 在重重轉介下, 今年5月終於見到大口環兒科醫生做了評估, 診斷為自閉症族譜。醫生說我兒智力正常, 但社交弱及固執, 大(不懂踏單車)、小肌肉運用有1年落後, 但未觀察到ADAH。兒子對於數字沉迷, 醫生建議我與他玩多一些非數字遊戲, 多講故意(短開始)。總之佢赿鍾/ 固執的事, 就赿少比佢做。另外報一些社交班給他，看到他這方面有點進步。兒子現在4yr9mon, 就是因為知道這個症，我才努力搜查對佢有利的方法教導佢。

carolki

我都懷疑佢係…

濼晴

可能係亞氐保加

carolki

多謝大家既意見. 我知道3歲前係黃金期. 所以當我覺得個仔講野慢就開始排期做言語評估. 知道佢暫時沒有言語遲緩我都放心少少. 但近日佢數數字既情況越來越嚴重, 我又再次擔心起黎. 我打算同校長傾下佢既情況, 希望請佢以佢既經驗留意下佢係咪有問題. 如果佢都覺得應該去做accessment, 我會搵協康或者心橋做下評估. 同講俾健康院知. 睇下可以點做.

王王爸爸

Agree!

Destination121

原帖由 Fa媽媽 於 14-10-08 發表
自閉小朋友好多都有感統問題，喜歡自我刺激，如搖頭，轉圈，玩眼（如一路行對眼一路望住側面幅牆），呢D自 ...

我小朋友都喜歡玩眼，請問可以怎樣改善？

misshk12

回覆 carolki 的帖子

如果想知道係咪自閉,應該找專業人士做評估。講真,我做左2年半訓練，發現依家好多自閉兒童的情況，都唔係話十分嚴重果種,好多望落同一般小朋友無咩差別的。當然無人想自己孩子有事，但及早識別，才能配合適當訓練幫到孩子的。